¹ ''Vamwitu na mwevatata, mwivwe ukuyitula kwane she nakuvomba kukwinyu imwe.'' ² Lwe impuga yivwa u Pavuli akuvavuzya munjango ya shihebeli, vahinza vapuma, ahayanga, ³ ''Ine ne mu-Yuda, nkapapwa mu Talisi ku Siliya, nkandi nkamanyila munkaya ino muvinama vya Gamaliyeli. Ine nkalongoziwa ukulingana nahajendele ha nkomelezyo zya vatata. Njipezile kuva wa Mulungu, inza she mwevonti muveleye isiku linili. ⁴ Nkavayimva vunuvu nukuvagoga, ukuvapinya nu kuvasumbila mwi jele vonti avanavuli na vantanda. ⁵ She izi avaputi avapiti na vasongo vonti vangasimishizya naposheleye amakalata kufuma kuvavo aga vamwitu mu Damasika pe nkavala kuko kwinza navo vapinyilwe ku Yerusalemu ukuti vasundwe. ⁶ Zihavombwa kuti pe nkajendaga kuyivuzilila i Damasika, sha musanya umwakugandushila uvuzelu uvupiti kufuma kumwanya vuhanda kunkozya shakulivila. ⁷ Pe nkagwa pansi nkivwa izwi likumbuzya ine, ''Lihati, 'Savuli, Savuli, shoni she ukumvimvima ine? ⁸ Pe ine nkati, 'We wenu, Mwene?' Ine ne Yesu wamu Nazareti, we ukumuvwima. ⁹ Vala ve vamile poka nine vahenya uvuzelu, nkandi vatahivwisya amazwi gakwe we ahayanga kuline. ¹⁰ Nkati, 'Imbombe shoni ine, Mwene? Umwene ahati kuline, nyamuha pe jendaga mu Damasika. Kwe vave vakuvuzye zyonti zye zyasevwa kuti uzivombe.' ¹¹ Nkapotwa ukwenya pa mulandu wa vuzelu she vwamile vuzelu nkani. She vahandongolela ve nali navo mpaka mu Damasika ¹² Kula nkahomana numuntu izina Ananiya, we ahalandataga inkomelezyo havili ava Yuda vonti vahamushindihaga mwe vahihalaga mula. ¹³ Ahinza kuline, ahimilila papipi nine, nukuti, 'Wamwitu Savuli, poshela ukwenya kwaho.' Muhavalilo hanaho nkamwenya. ¹⁴ Sona ahati, ''UMulungu wa vatata vitu akuseva ukuti uvombe ukwanza kwakwe, ukuti umwenye Umugolosu nkani, nukwivwa izwi ukufuma mumwakwe mwilomu. ¹⁵ She uliva we home wakwe ku vantu vonti pa zyonti zye uzivonyi nu kwivwa. ¹⁶ Ishi ukulindilila shoni? Nyamuha, wozelwe, havili uzelufye imbivi zyaho, pakupunda mwizina lyakwe.' ¹⁷ Lwe nagalushila ku Yerusalemu, pe havili nkayiputaga mwitempeli, zihavombwa ukuti nkaposhela injozi. ¹⁸ Nkamwenya akuyanga kuline, ''Jendesya nukufuma mu Yerusalemu mwaluvilo, pashifukwa vataliyitiha ulusimishizyo lwaho kulingana nine. ¹⁹ Nkati, 'Mwene, pavavo veka vamanyile ukuti nkavakungaga nukuvahoma vala ve vahasuvila mumwaho muma sinagogi gonti. ²⁰ Lwe ivanda lya Sitefani u home waho lihitihaga, nine nimiliye papipi nukwitishizya, pe nkalindaga inkanzukuvala ve vamugozile.' ²¹ Nkandi ahati kuline, 'Jendaga, pamulandu nanda ukukutuma kuvutali nkani ku vantu avakunzi.''' ²² Vahatejelezya kuwuyo kufishila amalizya kulingania. Pe vahakwezya amazwi nukuti, ''Mufumye uwamwinyu kufuma munsi, atahondeye ukuti angava mulanzi. ²³ Lwe vakuhola, vakutaga inkanzu zyavo, nu kusumba amasenga mumwanya, ²⁴ usongo wa vasikali umupiti ahalajila ukuti vamwinjizye u Pavuli mwilinga. ahalajilizya ukuti vamuvuzilizye nu kumuhoma nkani, ukuti wuyo weka azimanye shoni she vahapunda kuvuhali kususania nawo ngati vwevulo. ²⁵ Lwe vamukunjila ninkusa, u Pavuli ahayanga kwa mulongozi we ayimiliye kupipi, ''Vuzye shili munkomelezyo ukumuhoma umuntu umu Roma havili we muta mulonjile nalumo?'' ²⁶ Lwe umulongozi ayivwa zinizi, ahavala kwa songo wa vasikali nu kumuvuzya, ahati, ''Wakuvomba shoni? She umuntu uno mu Roma.'' ²⁷ Usongo wa vasikali ahinza pe ahati kuwuyo, ''Mbuzye ine, ungavanga wemu Roma? U Pavuli ahati, ''Mwemumo.'' ²⁸ Usongo wa vasikali ahamwamula, ''Zyamile mpiya nyinji sana ukuti imbe ne mu Roma.'' Nkandi u Pavuli ahati, ''Nkapapwa ne mu Roma.'' ²⁹ Pe avantu ve vali vamuvuzilizyaje vahamuleha mwaluvilo. Usongowa vasikali wope vulo ahanyila, lwe azimanya ukuti u Pavuli amile mu Roma, mulandu amupinyile ³⁰ Isiku ilya ndavi, usongo wa vasikali ahanzaga ukumanyauvwanaloli kuva Yuda' amalandu ge vahamupajihaga u Pavuli. Ahamusatulila nu kumulajila usongo wa vaputi avapiti na vonti avakunyumba yavulongozikuti vahomane. Pelelo ahamwisya u Pavuli mutende nu kumwihazya pakasi pa vavo.