¹ Shihinza ukuti mu-Ikoniyo pe Pavulo nu Balinaba vahinjila poka mu sinagogi iyava Yuda nu kuyanga inza ishi ukuti impuga impiti poka nava Yuda nava Giliki vahitiha. ² Lole ava Yuda nyene ve vatahimvilaga vahagavundulaga amoyo ga vakunzi nukuvapa uvuhali nukuvavushila avamwavo. ³ Pe vahadila kula amasiku aminji, kuyanga nuvujimvi namaha ga mwene, pe ahavapa ishakumanyila isha izyi lya vwila vwakwe. Ahavomba zinizi kuvapa ivimanyisyo nivya kusukumizya pakuti vivombwaje kujendela munyove zya Pavuli nu Balinaba. ⁴ Ilelo pe avantu vamunkaya vahatapunkana; vamo vahavala nava Yuda, vamo nava Positili. ⁵ Vonti avakunzi nava Yuda ( vonti poka nava songo vavo) vagomvile ukuti nzatuvayezye tuvizizye nukuvatinza namavwe, ⁶ pe kusita kuhava vwe vivwa pa zinizi vahashimbilila mu Likayoniyani inkaya ya Lisitila namu Delibe namuvigava vyonti, ⁷ kwe vajendeleye nukukumusya inongwa inyinza. ⁸ Mu Lisitala mwe ali umuntu wumo ayihaye, we ali muyeyevazu she alemaye mwe muhati mwa yina, we atajenzite nalumo. ⁹ Wununo umuntu vwe ayivwa zye ahayangaga u Pavuli. Pavuli aha tontomela aminso pa wuyo nu kumwenya ukuti ali nulwitiho lwa kupona. ¹⁰ Pe ahayanga kuwuyo nizwi ipiti, ''Vuhaga uyimilile nivinama vyaho.'' Pe umuntu ahadomoha mumwanya kulivilila. ¹¹ Vwe impuga yimuvoyi vyo u Pavuli agomvile, pe vahakwezya amazwi gavo, vahayanga shi Likayoniya, ''Amalungu gayipezile ukuva vantu nukwiha mumwinyu umu.'' ¹² Vahamwita u Bzlinaba ''Zeyusi,'' nu Pavui ''Helimesi,'' uwene we ali mwenesho wakuyanga. ¹³ Pe uwashiputo wa Zeyusi, we itempeli lyakwe yali kunzi kwa nkaya, we ahaleta inkambaku nuvwezya uvuzinje kuvilwango; wuyo ni mpuga vahanzaga uva muputile. ¹⁴ Ilelo avene avapositili, uBalinaba nu Pavuli, lwe vivuye zinizi, pe vahazepulania amenda gavo nu kufuma kunzi nukwihala mumpuga, vahahola, ¹⁵ ''Vantu, shoni she mukuvomba vinivyo? Naswe swe vantu nza mwemwe, nahavele ukwakuyanana nimwe. Tukuvavuzya imwe izya nongwa inyinza ukuti mugalushe kufuma kuvinivi nukuvala kwa Mulungju umwumi, we ahapela kumwanya , pansi , nu sumbi, na vyonti vye vili mumo. ¹⁶ Mumaha ga kwisinda, ahitishizyaga insi zyonti kujenda munzila zyavo. ¹⁷ Lole, atahihalaga pawuyo weka kwambula uhome, muzyezila ahavomba inyinza nukuvapa imvula kufuma kumwanya ahavapa namaha ga mbombo, pe muhizuzye amoyo ginyu ni vwakulya uvuhovosu.'' ¹⁸ Namazyi ganaga, Pavuli nu balinaba vahajimbilila ukusunga impuga ukuti vaputaje vavo. ¹⁹ Lole kuhava ava Yuda vamo vafumile mu Antiyokiya namu Ikoniyo vinzile nu kuyilambilizya impuga. Vahamutinza namavwe u Pavuli nu kumudendemula nukumwefwa munkaya vahasivaga kuti afuye. ²⁰ She avasundikwa vimiliye kumuzyungulila, uwene ahavuha ahinjila munkaya. Ilyandavi, ahavala ku Delibe poka nu Balinaba ²¹ Ilelo pe vwe vakumusizye ninongwa inyinza munkaya yila nukuvavuzya avasundikwa ve vinji, vahagaluha ku Lisitila, ku Ikoniyo, naku Antiyokiya. ²² Vahajimvaga amoyo ga vasundikwa nu kuvagomya kujendelela mulwitiho, kuyanga, ''Tuhondeye kwinjila mushinamwene sha Mulungu mwidala lya mayimba aminji.'' ²³ Ilelo lwe vahavasalila avasongo mu shivanza shonti, vahaputaga nukufunga, vahavalajila kwa mwene, muwe vamwitisile. ²⁴ Kufuma apo vadumunsania Pisidiya nu kufiha ku pamufiliya. ²⁵ Ilelo lwe vayanjile iwi mu Periga, pe vahiha ukuvala ku Ataliya. ²⁶ Kufuma kula vahalamba ku antiyokiya, mwe vahayipa mu vwila vwa Mulungu kumbombo zye vahamalilizya. ²⁷ Ilelo lwe vafiha mu antiyokiya pe vahavunganiha ishivanza shonti, vahavavuzya zyonti zye u Mulungu avomvile navo. inza she aviguliye bumulyango uwalwitiho avakunzi. ²⁸ Pe vahadila ahavalilizyo ahatali navasundikwa.