¹ خداوندِ رِه تازه سرود بوگوئید، چره کی کارایِ عجیب بوکوده دَأره، اون خو مقدسِ بازو قوّتِ اَمرَه پیروزَ بوسته. ² خداوند خو پیروزی یَ اعلام بوکوده و خو عدالتَ همۀ قؤمَأنِ رِه آشکارَ کوده. ³ اون محبت و وفاداری اَمرَه قولی یَ کی اسرائیلِ قؤمَ بدَه بو وفا بوکود، و همۀ جهانِ مردمان اَمی خدا پیروزی یَ بیدد. ⁴ ای زمینِ مردمان، شادی اَمرَه خداوندِ رِه سرود بخَأنید، فریاد بوکونید و جی شادی، آواز و سرود بخَأنید. ⁵ بربطِ اَمرَه خداوندِ رِه سرود بخَأنید، آوازِ اَمرَه اونَ ستایش بوکونید. ⁶ شیپور و سُرنا صدا اَمره، پادشاه یَهوَه حضورِ جَه شادمانی آوازَ بخَأنید. ⁷ دریا و هر چی اونِ دورون ایسَه، و جهان و اونِ ساکنان، همه به جوش و خروش بَأید. ⁸ ای رودخانه یَأن دس بزنید و ای کوه هان خدا حضورِ جَه شادی بوکونید. ⁹ چون اون جهانِ داوری رِه اَیِه، و قؤمَأن و همۀ جهانَ عدالت و انصافِ اَمرَه داوری کونه.