¹ خداوند سلطنت کونه، ای قؤمَأن بپرکید. خداوند کروبینِ میَأن تختِ رو نیشته، پس زمین به لرزه دکفه. ² خداوند صَهیونِ عظیمِ میَأن ایسَه و همۀ قؤمَأنِ رو مسلطه. ³ همۀ مردم اونِ نامِ عظیم و ترسناکَ احترامِ اَمرَه پرستش بوکوند، چره کی اون مقدسه. ⁴ ای قادرِ پادشاه، ای کسی کی عدالتَ دوس دَأری، تو برابری یَ برقرار بوکوده ایی، تو عدالت و انصافَ اسرائیلِ میَأن به عمل بأوردی. ⁵ یَهوَه اَمی خدایَ احترام بنید، و اونَ اونِ تختِ پِشِ جَه پرستش بوکونید، چره کی اون مُقدسه. ⁶ وختی اونِ کاهنان هارون و موسی، و کسی کی همش اونِ نامَ دخَأده، یعنی سموئیل، یَهوَه جَه کمک بخَأستد، اون اوشَأنِ دوعایَ مستجاب بوکود. ⁷ اون جی اَبرِ ستون اوشَأنِ مرَه گب بزَه و اوشَأنم اون احکام و دستوراتی کی اوشَأنَ فَأدَه یَ ایطاعت بوکودد. ⁸ ای یَهوَه، ای اَمی خدا، تو اوشَأنِ دوعایَ مستجاب بوکودی، و اوشَأنَ نیشان بدَه ایی کی تو خدای بخشنده ایی ایسی، هر چند اوشَأنَ اوشَأنِ گوناهانِ وَسی تنبیه هم بوکودی. ⁹ یَهوَه اَمی خدایَ ستایش بوکونید، و اونَ اونِ کوهِ مقدسِ ورجَه عبادت بوکونید، چون یَهوَه اَمی خدا، مقدسه.