⁴ ای خداوند، مرَه شرورِ مردکانِ دسِ جَه محفوظ بدَأر، مرَه ظالمِ مردمانِ شرِ جَه، کی می نابودی رِه نقشه کشد، محافظت بوکون. ⁵ مغروران می راه سر، دام و تله نهد تا مرَه گرفتارَ کوند. ⁶ خداوندا، ترَه گویم: تو می خدایی. ای خداوند می ناله و التماسَ بیشتَأو. ⁷ ای یَهوَه ای خداوند، تو می قوّت و می نجات دهنده ایی، تو میدانِ جنگِ میَأن می جَه حمایت بوکودی. ⁸ ای خداوند، شرورانِ دیلِ ناجِه یَ برآوردَه نوکون، وَأنَأل خوشَأنِ نقشه یانَ به انجام برسَأند و سربلندَ بود. ⁹ وَأهَأل اون بلایی کی خَأید می سر بَأورد، خودشَأنِ سر بَأیه. ¹⁰ کاشکی پارۀ آتش اوشَأنِ سر فیوه و اوشَأنَ بوسوجَأنه، کاشکی ایتَه عمیقِ چاه میَأن دکفد و دِ هیچموقع نِتَأند اونِ جَه بیرون بَأید. ¹¹ کاشکی اوشَأنی کی هَچین اَی تَه اوی تَه یَ اِفترا گیرد، پیروزَ نوبود، کاشکی آدمِ ظالم خودشِ شرارتِ اَمرَه جی میَأن بیشه و نابودَ بِه. ¹² خداوندا، من دَأنم کی فقیر بیچاره یانِ داد فَأرسی و مظلومانِ حقَه ظالمانِ جَه فَأگیری. ¹³ عادلان ترَه شُکر کوند و، دوروستکاران تی حضورِ جَه زندگی کوند.