¹ اونموقع کی بنی اسرائیل مصرِ جَه بیرون بأمو، و یعقوبِ زَأکأن قؤمِ غریب زبانِ ورجَه خارجِ بوستَأن دوبود. ² یهودا اونِ طایفۀ مقدس بو و اسرائیل اونِ سلطنتِ محل. ³ دریا اوشَأنَ کی بیده فرار بوکود، و اردنِ رود وَأگردست عقب. ⁴ کوه هان قوچِ مَأنستَأن واز واز بوکودد و تپه یان، بره یانِ مَأنستَأن. ⁵ ای دریا، چی بوبُست کی فرار بوکودی؟ ای اردنِ رود چی بوبُست کی وَأگردستی عقب؟ ⁶ ای کوه هان کی قوچِ مَأنستَأن واز واز بوکودید و ای تپه یان کی بره یانِ مَأنستَأن بپرستید، شمرَه چی بوبُست؟ ⁷ ای زمین خداوندِ حضورِ جَه بپرک، یعقوبِ خدا حضورِ جَه. ⁸ چون اون بو کی صخره یَ تبدیل به دریاچۀ آب بوکود و، سنگِ خارا جَه چشمۀ آب روانَ کود.