¹ هَلِلویاه، خداوندَ صالحان و دوروستکارانِ ورجَه می همۀ وجودِ اَمرَه شُکر کونم. ² خداوندِ کاران عظیمد، کسانی کی اونِ کارانَ علاقه دَأرد، دربارۀ اونِ کاران فکر کوند. ³ همۀ اونِ کاران پور شکوه و پور عظمته، و اونِ عدالت تا اَبدالآباده. ⁴ اونِ عظیمِ کارانَ نشَه جی خاطر بوردَأن، خداوند بخشنده و مهربانه. ⁵ کسانی کی اونِ جَه ترسدَه روزی رسَأنه و خو عهد و پیمانَ هیچ موقع فراموشَ نوکونه. ⁶ خداوند قؤمای بیگانه سرزمینانَ خو قؤمَ فأدَه و اَطو خو قدرتَ خو قؤمَ نیشان بدَه. ⁷ هر کاری کی خداوند انجام دِهه درست و مُنصفانه یه، و همۀ اونِ احکامَ شَه اعتماد کودَأن. ⁸ همۀ اونِ کاران پایدار و اَبدی ید، چره کی عدالت و راستی رو بنا بوبُستد. ⁹ خو قؤمَ آزادَه کود و اوشَأنِ اَمرَه عهدی اَبدی دوَست. اونِ نام قدوس و پور قدرته. ¹⁰ خداوندِ جَه ترسَن، اولِ حکمته. اون کسانی یَ کی اونِ جَه ایطاعت کوند، فهم و شعور بخشه. اونِ ستایش تا اَبد پایداره.