³ خدایا، ترَه قؤمَأنِ میَأن شُکر کونم، طایفه یانِ ورجَه ترَه ستایش کونم. ⁴ چره کی تی رَحمت عظیمه، بوجُرتر جی آسمانان، و تی وفاداری تا اَبران فأرسه. ⁵ ای خدا، تی شکوهَ آسمانِ میَأن و تی جلالَ زمینِ رو آشکارَ کون. ⁶ تا کسانی کی دوست دَأری نجات پیدا کوند. تی راستِ دسِ اَمرَه مرَه نجات بدن و می دوعایَ اجابت بوکون. ⁷ خداوند خو مقدسِ جایگاه جَه گب بزَه دَأره و بفرماسته: شادی اَمرَه شِکیمَ تقسیم کونم و سکّوتِ دشتَ اندازه گیرم. ⁸ جِلعاد میشینه و مَنَسی هم میشین. اِفرایم می کلاه خوده، و یهودا می سلطنتِ عصا. ⁹ موآب می دستشوری لَگنه و، می کفشَ تَأوَأدم اَدومِ طرف، و فلسطینِ سر پیروزی رِه فریاد زنم. ¹⁰ کیه کی مرَه بوبوره شهرِ حصادارِ دورون؟ کیه کی مرَه اَدومِ طرف راهنمایی بوکونه؟ ¹¹ مگر تو نوَأستی اَ کارَه بوکونی؟ ای خدایی کی اَمرَه ترکَ کوده ایی، دِ اَمی لشکرانِ اَمرَه بیرون نَأیی؟ ¹² دوشمنِ پِشِ جَه مرَه یاری بوکون. چره کی انسانِ یاری کودَأن فایده نَئره. ¹³ خدا اَمرَه پیروزَ بیم، اونه کی اَمی دوشمنانَ پامالَ کونه.