¹ Oras vid-vid anga nama tohingrai gatopuni oli il joakaging u mia ging kede banaga, Yesus gasakola gonong giagang oli gila tutuk, ² " Nang nama tohing rai adi nomitalalu gijahi vid atoga gomiming ging gie adimi, oli gingka il joa p'anabanabase gingka ilkede banaga. ³ Oli, Nang bola giohi malapal bale gi E' gadang jema, viag hahamamise giavakal tabula oli ging bisa viagomi kolahelase adi ging leta mi ba adu." ⁴ Oli, Gasakola gonong Yesus gataganing anga ubale, " Tami namanu bisa susur mia nama tohing adi gila hama gene ging kubal?" ⁵ Angami,Yesus tagani mia gidang, " Susur adedemba ae ing u?" Ging gahur ubale, " Susur p'ititoga." ⁶ Gamiviaki, Yesus nama tohing anga ging parenta meke tang miha, oli Gang susur p'ititoga anga mia, oli Gang ganua ubagang, Oli Gang gahika, oli taning mia Gasakola genang usa dia mia nama tohing genang. Geng angadi usadia mia nama tuhing gadang. ⁷ Oli, sakola gonong di ab kakiri kudi ging u. Angami ging ganua ubagang mia tang, Yesus gasakola gonong ginggahing oli ab-ab anga di bage miama nama tohing anga gena. ⁸ Nama tohing anga kede sampe kubal, oli ging susur hingkul nama kede gagalehil anga miama gato'puni anga hora p'ititoga aving. ⁹ Namaba ae il kede anga gatohing anga ukapaing se nama ribu p'uta. Gaumate muse, Yesus gahing ging bale. ¹⁰ Angamuse Yesus gatula mida ita gasakolah ajimigala oli jema sampe moe Dalmanuta geg goangmi GING YESUS GABAGANG SURGA GATANGDA ANU MIA GITUBING ¹¹ Oli, nama parisi gonong adu Yesus galaulak ging bagang, Yesus musti surga gatanda anu mia gitubing, mia Geng gene gahala. ¹² Yesus gae keng harak bili nav'ening ae Eanghamulang gomi ming, Gang tutuk, " Getabaniba nama bada anu adi tanda heran gola? Nang gamamolo ubagang miama alahama, tanda anudi nang ka mia nama badanu adi maginang bana." ¹³ Migamota, Yesus gila tatara, bale E'tang mida, ging oli talela palika gabaredeng mi jema. NAMA PARISI GA RAGI OLI HERODES GA RAGI ¹⁴ Sakola gonong tajobing susur p'ana, oli susur anukilang ba ging u E' gomi jia. ¹⁵ Oli, Yesus b'omung miama ginang, " Iyaavak usadiahi! nama parisi gonong garagi oli herodes ga anga ang weling nua nua mia giragi anga gadang." ¹⁶ Anga muse ging mulai talatutuk tateteng geta ba niba ging gi susur uba naga. ¹⁷ Oli, gamiviaki ging il anga geli, Yesus tutuk mia gila hama, "Getabani ba ing susur ingu banaga anga ba ing mia ututuk? Ake ba ingka geli ba d'o olika umanggarati bado? ake ba omi anga talalu anamang? ¹⁸ Ake ba yeng u, agani ibase ing uling jadi bana? Oli, iveliu, ani ibase ka il umagiabana? ing ueling enaga, ¹⁹ Oras Nang susur rawehang panaling mia nama ribuawehang gila hama, hora gatohing adedeng ba susur gahingkul baing olu?" Ging Gataganing anga ubale, "hora karanu valung alo." ²⁰ " Oli, oras susur p'ititoga mianama ribu p'uta gadang anga hora adedeng ba susur gahingkul nama kede anga nama mami sampe awing?" Ging taganing anga u bale, "hora p'ititoga." ²¹ Angami Gang tutuk mia gidang getabaniba ingkado manggarati bado?" YESUS NAMA GENG TEKE GAHOMNI MOE BETSAIDAMI ²² Mingamota, Yesus Gasakola gonong sampe moe Betsaidami. Oli, nama dedeng namanu gengteke p'ana Yesus gadang adu gabagang senang Gang gatang mia geng punihi. ²³ Yesusdi nama G'eng teke anga gatang puni oli geng p'ana abang anga uhap'a. Angamuse, Yesus nama geng teke anga upurung oli Gang gatang miama gentang mega. oli Gang geteng, "Aganise ing ae il joa gauling?" ²⁴ Angamuse, nama anga uling gatela mida oli tutuk, " Nang nama gonong gauling,agani ibase gang nang giuling anga t'e-t'e ba ae lamal jia." ²⁵ Gaumate angamuse, Yesus Gang gatang mia geng tang mega magala, angamuse nama anga g'eng p'enang liali jema muse, gang uling penang geng mona jema, oli geng p'enang di bisa uling ajami oli gang ukaruang. ²⁶ Angamuse, Yesus geng gahing bale ga'E gadang jema oli gang galatutuk, "Ake abang maso ganang." YESUS ANGABA KRISTUS ²⁷ Angasengmuse, Yesus jema, Gasakola gonong gala topuni, Abang-abang ba kaisarea Pilipimi anga gadang jema. Oli, Jema moe viag hahamami, Yesus taganing mia gasakola gadang oli tutuk mia gila hama, " Nama ae ubagang, Neng adialang?" ²⁸ Ging taganiong anga ubale, Yohanes pembabtis, oli ebeng ubagang bo Elia, ging ebeng seulang nama nuba gahing v'ala tohing gahahamami." ²⁹ Angamuse, Yesus taganing mia gidang, "Ani ibase, eng aganukung se,neng adi alang?" Petrus gataganing anga ubale, Eng anga ba kristus ³⁰ Oli, Yesus mia ging ugeling gene aganihise, gav'ak p'ahi anga ake miama alang anudi galatutuk ganang. YESUS GA SUSA LALA MIA UTADUNA ³¹ Migamota, halomang-halomang Yesus gasakola gogong ging ajar sehula Manusia Gaval musti ketang moleng urasa oli yahudi gaboma godong, marang imam gonong, namaba gomi unang taurat gomi geli, ging garumbav'a garumbama , oli genetamina oli vid atoga gomimi gang bale ep'atal. ³² Oli, il adi Yesus gang buka tarang mia gila tutuk. migamota anga, Petrus Yesus ubo'ga gabar goa oli mulai gahapa. ³³ Ibase, Gang betur oli Gasakola gonong gauling, Yesus petrus utav'iding, oli galatutuk, "Soru No'ha p'a, hoi Setang! Getabamima, ingka Lahatala Gahur-hur, uganokung banaga ibase ing manusia gahur gonong ba ing ugauali." ³⁴ Seng amuse, Yesus nama kadoku anga giagang, oli Gasakola gonong oli tutuk mia gilahama, "kalu nama alalang angaba bola malekang Naluali, gang malekal gavak p'ahi galokang anga gaali, oli gasalib angatoni sengse mae Naluali ³⁵ Gagomimi anga, alalangba gang bola malekang gualmagang anga mianumi se ebana. Ani ibase, alalang angaba gual magang ebana mia Nadang( demi aku) Nahurnadal (injil) gagelang mianumise geng p'anama salamat. ³⁶ Gagomimi anga, nening angaba gauntu mia nama ananu galahama nening angaba gang dapa gie pali ka p'al tang, agani ibase gualmagang anga ebana? ³⁷ Nening angaba nama ananu miama gualmegang anga gatilal? ³⁸ Gagomimi anga, alalang angaba Nenge oli Nahurdal umaniang gie bada(generasi) ba kaukala banaga oli galahaga gene adi, angami Manusia Gaval angadi mianumise umaniang nama anga umangku oras Gang adu gimang Gahamolang gomimi oli Malaikat-malaikat hamolang gala tapuni."