1 Angami, Yesus jema ga abang ma molomi, oli Gasakola gonong Galuali. 2 Oras vid hamolang ping hang adu, Yesus nama ajar sinagogemi, oli, angami nama tohing rai gahuru gadal uhalela ging urasa gomi anga, ubagang se bola, gang tami seng hi il karanu ajimi harak? urkabali nanening ba namamiama genang ae tanda heran gomimi emang hula gang gatang papuni miama gene 3 Indo bola geng te ukarajang, Joabola Mara gaval, oli yosep oli Yudas oli Simon? Inggeling se bola gagudhial anggo nong gie ade mi nila toponi? Angamihise, anu senghi gohi ebeng gohi jema. 4 Angamuse, Yesus gila tutuk, "Ae tami-tami nama nabi genguada, kecuali ae gemana mamolomi, ae gakaku gonung gabung, ae gae mamolomi." 5 Angami, Yesus ka tanda heran gene banaga, Gang gatang miama ginang adedeng ba keta anga gatang miama ging tang mega ging gene mona. 6 Oli, Gingbaroti ging ka ugaluali bana. Angami ging jema abang-abang migoleng nama ajar. YESUS GASA KOLA GONONG GING GAHING 7 Angami, Yesus Gasakola val karanu valungalo giagang gio he ala lo to'puni, oli eang hamolang miama gila hama 8 Gang angami ging parenta ake il joa pana ilamal gomi ganang kecuali angami tekang galokang, roti naga, tas naga, seng ake miamae adeko hial gomi pana ganang, 9 Piaka ga mega pake ibase ake kondo alo pake ganang 10 Oli, Yesus gila tutuking ging jema, "Etata ang ba mi mida angami. 11 miha, yoras bale oli miha mana anga namaka yo'ha lela banaga, oras anumi ing bale se moro ba ia kami anga gatatal." 13 Ging setang tohing gateri ging nama keta tohing gitang oli ipal, anga mia ging gene mona. YESUS GAHOJA HUBAGANG HERODES HUMAGIA 14 Oli, Raja Herodes oli umagia, angami nama Yesus gani geli, oli nama ubagang, "Yohanes pembabtis avetal jema ae nama hahamami,(Mujizat) karanu ukarajang ae gembami." 15 Ging ebeng ubagang, "Geng adiba Elia ibase. "Ging ebeng ubagang, geng adiba Gahimbala gamamolo, emang hula ilanu ae gahing vala gomi angami." 16 Angami, Herodes hur anga umangia, gang ubagang se, "Yohanis, telengedeng nang got paras anga,gang bale ap'etal jema!" YOHANES PEMBAPTIS NAMA GENTAMINA 17 Tabi Herodes galokang nama geng gohing, parenta nama jema Yohanes, Oli geng puni p'ana jema hukung emi Herodias gagelang, Herodias adi Filipus gagudamu gahial, anga ba herodes gola Herodias galahi nika. 18 Anga gelang, Yohanes oras adedeng gomimi gang Herodes, "Gala tutuk kamolo banaga ing bale yagur gahial mia." 19 Anga gelang anga ba, Herodias gomi kalila miama gomi mega bola Yohanes gengtamina, ibase jadi bana Eta bani ba, Herodes Yohanes up'a liling Yohanes adi nama molo oli hamolang, 20 Oli Herodes gengu hapal. orasa anami Herodes umagia sebola Yohanes, gang umagi se giavakal tabula, ibase Herodes sanang Yohanes uhalela. 21 Angami, oras ga kanap mi, Herodes ga v'ia suka na v'era gene(ulang tahun) nama gene perjamuan nama pang kap'al gatela- gatela, namaba magang puni, oli parenta puni Galelea mi. 22 Anga mi anga Herodias gav'al kakiri mida sara sumba, nening angaba ang bagang nangmia ma minang. Oli, Raja angami nama napata anga gala hupa, " Nening anga ba ang bagang ae aujali gomimi se nang mia ma menang." 23 Oli, Herodes bandu miama tang mega, "Nening anga ba ang bangang, gabar edeng anga nang miama menang." 24 Hial na p'ata bale jema giva gala tutuk, "nang nening anga ba bagang?" Giva gahur anga ubale, "Yohanes pembaptis ga biang. 25 Oli oras anga gadang ging Holik-holik, nama ma p'ata emi Raja gola adu ubagang, "nang suka gola, veda adiba eda adiba Yohanes Pembaptis gabiang anga nang pataki miama dalang taki tang miama menang." 26 Anga gagelang, raja gomimang susa talalu, ibase ga gomimi gang gadu mega jema oli nama toing rai toponi ilkede, anga gelang angka ga tomba banaga. 27 Angamuse, raja gang algojo anu user panatu oli parenta Yohanes, gang biang anga p'ana adu angami algojo anga jema bubu e mi yohanes gabiang paras. 28 miga mota gang anga mi Yohanes gabiang mia dulang tang p'a adu oli miama hial na p'ta anga genang, oli val na p'ata anga miama oli giva genang. 29 Oli, oras Yohanes gasakola gonong umagia muse ging adu oli Yohanes gaboga anga mia oli ging mia hela dang gomi mega. 30 Angami Rasul gonong gitopuni Yesus gala ututuk utang nening angaba ging ukarajang oli mening anga ba nang gene miama gitubing. 31 Oli, Yesus gila tutuk, mae yavak gasora mata kemang adimi ping mate kudi. anga mi nama tohingrai, oli ging ilkede anga hama tanaga 32 Angami, Yesus miama ga sakola val gonong gala giavale gasoru e p'ana mana takemang mi jema. 33 Ibase anga mi, nama tohing rai uliong ging jema givak miama nama gatubing oli nama tohing anga eli moe ehi abang anga gadang ukaruang ganase Yesus moe tula oli gasakola vaal gala, 34 Angamuse Yesus jema jial gabita tang, gang uling angami nama tohing ra, gang urase se gomi gijahi miama gila namaemang hula jumba ol gaterang vala ubanaga. Yesus angami gi ajar hur gai miama gila tutuk 35 Oras ba il kakua, sakola gonong Yesus gola adu gala tutuk mana adi mana takimang oli il ka ku jema. 36 Giohi Jema abang abang angami oli desa desa mi anga hi ging ilp'eli oli ging kede." 38 Yesus gila tutukpungkul adedeng yabung angami jema gauling angami ging jema gelia bagang roti avehang abalo 39 Angami, Yesus parenta ajimi miha bakang bakang lual ijongtang. 40 Naama rai hia bakang bakang,joa anga ratuan joa anga kr avehang. 41 Angami muse, yesus Roti avehang mia oli abalo anga, uling burang gadang mida, tarima kasih utabagang muse roti gang ga kahi kakiri anga go paul, oli abalo ang di miama maginang. 42 Oli, ginang ajimi kede sampe kutal. 43 Angami ging hore karanu valung alomia oli pungkul galehil oli ab. 44 oli nama amu riba avehang adi ba p'ungkul kede. YESUS TANGTANG LAMAL 45 Oras angami, Yesus holik gasakola gonong parenta sapang tang mida gitula jema moe Baitsaidia, ging nama tohing rai anga gohi momiva. 46 Angami ging tala palaki jema moe abuka balolu tang sang tajang. 47 Oras bola jikakua epoe tang hahami tiada, Yesus galorang toe adung tang. 48 Oli, angami ging uling sakola val gonong fe logil angami eang p'al buani ging lakal jadi bana angami oras ilka kua jema yesus tang tang gola adu ging bola kalili. 49 Angami Yesus ging gauling gang tang tangma, ging do bolahali angamuse ging bolka kakili, 50 Angami ginang ajimi Yesus gauling oli baruati. ibase Yesus bola gila tutuk, ubagang gang gilahama se bola rama. Neng ba adi! ake ba ruati ganang." 51 seng muse, gang mida ging hama mi etang oli eang anga moleng, ging anga mi ba ruati. 52 Anga gelang, ging do kauka paing bado tandsa heran ba ruti aveabng anga gomi do uanamang jia. YESUS NAMA TOHING GENG GENE MONA 53 Oli, Yesus Gasakola val gonong ging momiva adung mida palika Genesaret ming anga mi tiada. 54 Angami ging etang hela nama tohing rai ajimi Yesus geli, 55 angami ging ehi abang abang taganang oli namaketa toni tang adu, tami senghi ging umagia sebola Yesus ae angami. 56 oli taming Yesus jema desa desa mi, olia daera daera mi ae anga mi, ging nama keta ba nadu nama navera angami gita oloi anga ba gang senang angaise ging bisa kondo topol anga ba mi puni ginua oli alang anga ba ga kondo anga degi segang mona.