¹ Ging jema moe kolang gading mi, Gadara abang mi. ² Safaka Yesus e tang hela, gang ulingse nama anu eang pela geng gene ae dang galuali Yesus gola hela. ³ Vid kakanap gang dang tang miha. Nama joa ka geng puni olih geng pata jadibanaga, masiking nama gelaking. ⁴ Masiking nama geng pata geng laking, ani ibase gang gajahing gene gahika. Ani anggelang namanu ka dagili geng puni jadibanaga. ⁵ Iliali ilkakua, gang dang tang mol olih abuka seng se gang olih val miama gaboga p'al gene abati. ⁶ Gang do leta mi ibase, gang ehi Yesus gadang jema giaka ejel mi pung muding Yesus uada. ⁷ Angamuse, gang kali Yesus gaagang bagang se bohola, Yesus Lahatala ga val pal balolu? nang abagang nimang Lahatala ake susalalah mia meneng ganang. ⁸ Do jiase, Yesus galatutuk se bohola, ''ang nuaba nama adi gahapa, eang pela!'' ⁹ Angamuse, Yesus nama anga geteng, "angase eng anga alalang?" gang bohola, " nane ba Legion ninang tohing." ¹⁰ Gang Yesus gabagang mi tohing mirae ubagang se bohola ake nitiari mana ading uha'pa ganang. ¹¹ Abuka momo tang anga b tohing moe 'pahi gola kede jia. ¹² Angamuse eang 'pela Yesus gabagang bohola "ang ujali se ning va b tohing gomi miha." ¹³ Yesus ujali. angamus eang 'pela angagonong mate b gomi mida. B gatohing ribu alo ging mati ehi el ga biba mugu kolang mi hela ajimi hola hela amina. 4 Angamuse, b ga terang vala anggonong gi pukang mali mate ehi abang lelang gadang jema ubagang. ¹⁵ Angamuse, nama tohing rae benang ajimi Yesus gola adu olih geng ba vede eang 'pela gomi mi, geng angaba Legion penang ae miha jia, olih gang iltega jema, olih gang tening hama jema, olih ginang ajimi baruati. ¹⁶ Agani, Anga muse il ba ging uling geli anga, ging bana jema miama nama tohing mi ubagang se bohola getabani ba il anu anga ae miama nama ba eang 'pela gomi mi olih b tohing anga. ¹⁷ Anga muse, nama tohing rae anga bohola Yesus gohi mana anga huapa. ¹⁸ Anga muse, oras anga gadang Yesus e hila mida , anga muse nama ba eang p'ela geng gene anga Yesus gabagang gang ujali se ging topuni e tang. ¹⁹ Ibase, Yesus gaga, anga muse gang bohola, "Ang jema nening ba lahatala gene miama ala hama anga miama ajoa e aserang gialatutuk ubagang se bola Lahatala gomi nua miama ilahama." ²⁰ Gang jema Dekapolis mi muse gang nening ba Yesus gene miama gala hama anga gang miama nama gala tutuk. anga muse nama ajimi giafak ubaruati. Yairus Gaval Apetal Oli Nama Hial Anu Gave Halu Mona ²¹ Yesus e bana talela kolang gabar edenggoa mi va, ibase nama tohing gabung anga mi miha, oli Gang ae kolang gadingkil mi. ²² Jia-jia se, e hamolang gap'al anu gane Yaitus ma Yesus, gauling gang angami giaka ejel mi p'ung muding. ²³ Oli gang gomi gagahi miama Yesus, galatutuk, " Na val hial ol momo bola amina. Ma e ping va atang anga miama geng tang mega e gang mona oli gang ap'etal. ²⁴ Angamu Yairus Yesus gala va. Angami anga nama tohing Yesus galuali oli go duna. ²⁵ Ibase, Anga mi anga namahial anu gave halu galuang anga tung karanu valung alo. ²⁶ Gang oras kakanap ga ketang ading gang p'ana kilavali gola gahoning gabarang karanu e gomi anga gang miama gadang ibase ketang anga ka gavak gabuala banaga mang oli tang tamadi magala. ²⁷ Namahial umagia se bohola Yesus ae anga muse, gang angami gola jema angami anga nama tohing Yesus galuali ibase gang gamotagoa galuali sampe ga juba topol anga mi puni. ²⁸ Nama hial anga gang tutuk, ''Ubagang se bola, nang ga juba topol anga ba puni, ibase nang mona." ²⁹ Oras anga mi dise gave penang ka halu banaga oli gang kapaing se ga ketang p'enang mona jema. ³⁰ Yesus gavak ukapaing se nua gavak mi hela. Gang bale mate nama goduna anga giala tutuk: "Alangba najuba degi?" ³¹ Anga muse sakola val gonong Yesus giala tutuk, "Ang uling nama rae oduna eng ahek getabani ba ang tutuk bola, 'Alangba Eng puni?" ³² Anga muse, Yesus uling ging mi gagoleng ubagang se bola alangba adi gene. ³³ Anga muse, ilba gavak mi gang ukapaing anga, nama hial p'enang gap'ukang mali e oli jajari. Gang angami Yesus gadang adu giaka pung muding seng muse gang gamolo pe'nang gang miama Yesus ubalelang. ³⁴ Anga muse, Yesus nama hial anga galatutuk, ''Naval aparsaja angaba eng gene. Holong bale suka e navera oli a ketang P'enang se mona jema." ³⁵ Yesus do tutuk jia se, e hamolang ga'pal gonong ade se bohola, "Naval amina jema. Getabani ba ing do guru gola adu jia ading?" ³⁶ Ani ibase, ging nening hur ba ubagang di Yesus ka uhalela banaga, nama pal sinagoge anga gonong gang giala tutuk, "Ake ipukang mali ganang, mang parsaja." ³⁷ Anga muse, Yesus bohola ing ebeng ake naluali ganang, bohola Petrus, e Yakobus e, Yohanes, oli Yakobus gakaku angaba naluali. ³⁸ Anga muse, ging jema moe sinagoge ga kapalang ga emi oli gang uling se nama ae orang jia oli jua ae ko orang jia. ³⁹ Seng muse Yesus e mi mida, gang angami giala tutuk, "Getabani ba ing orang e oli ing ko ading? Val anga gang ka amina banaga, gang ae mang ta kuta jia bae. ⁴⁰ Ibase ging Yesus uagala. Ani ibase gang angami nama tohing anga gang giohi balelang mi hela muse gang val anga gimang e oli giva gajali miama nama ba giala topuni anga gijali val anga gola mida. ⁴¹ anga muse, gang val anga gatang mi puni seng hi se galatutuk ''Talita kum!"(Gaubagang se bohola, " val hial, nang alatutuk ba mate!" ) ⁴² Val hial penang mate angamuse lamal, ga umur tung karanu valung alo, anga muse nama ajimi baruati. ⁴³ Anga gagelang, Yesus tatabi parenta miama val anga gimang oli giva se bohola ake il ading miama nama galatutuk ganang, nuaba val ading mud mia gang kede.