¹ Vid hamolang paskah, oli vid hamolang roti hamolang vid alo wajema, marang gaboma, gie viag gola bohula Yesus viag rupa-rupa anga pake miama gadang ging gempuni ² Ging tala tutuk tumianu, "ubagang sebula ake hari p'al gomimi urang ganang." YESUS JIAL MANIAMA MIAMA GAVELA ³ Oras Yesus ae betania, Simon apeburang geng gene gaemi, gang e miha il kede jia, nama hial anu anu jial maniyama butil anu pana adu jial maniyama botil anu pana adu jialma maniyama gapili p'al. Gang butil gageng anga gakahi, seng anga museng gang jial anga miama Yesus gabiang mi bokong. ⁴ Agani iba, nama adedeng ae gihur anga ging manasal anu miama anu gitala hupa tabani jial maniama mang gajajahing adi? ⁵ Se jial manyiama gapbili pbal 300 dinar seng hise ping miama nama masiking upau." Anga muse, ginggomi gakalila. ⁶ Ibase, Yesus gialatutuk, "Getabaniba. ing geng gene gahala? ilba gang ukarajang anga gang karajang nua ma na dang. ⁷ Ing anga miama masiking vir kakanap yala topuni, anggelang ing bo karajang nua miama gidang ing bisa ukarajang, ani ibase Neng adi kah ialah avetal bana. ⁸ Nama hial adi nening ba gabisa ukarajang anga gang genema na dang, gang naboga adi gavela gamatula nangka namakah na potung badu. ⁹ Nening ba nang mia yala tutuk adi, tatabi Injil nama ututuk ubagang gie dunia adi mi nama hial ga karajang ubagang mia Yesus gadang anga di miama ututk ubagang mia upapiling gene. YUDAS GANUKUNG FELA MIA YESUS GADANG ¹⁰ Anga muse, Yudas Iskariot, namanu Yesus ga sakola val gonong karanu valung alo gomi tang gang jema marang boma ging harak bolaYesus gadoli. ¹¹ Hur anga giang umagia ging rasa sanang ging rasa sanang ging bola seng miama Yudas genang. Anga gelang Yudas oras nua gola gohi Yesus ga doli. PASKAH GAMUD 12 Vid gahalomang vid ka roti ragi paka bana oras ging tumba paskah geng tamina, Yesus ga murid gonong Yesus geteng, mana taangba angujali ning jema mana usadia ping paskah gamud kede? ¹³ Anga muse, gang gamurid alo gimggahing gialatutuk sebula, ing bendar mi jema ing nama amu geng harak gangae kumba anu pana anga jial ae mi anga se ing galuali, ¹⁴ Oli mana taang ba ging mi maso, e mana king galatutuk, 'Guru nialatutuk: Mana taang ba ning mia miha paskah gamud kede neng e namurid gala?' ¹⁵ Anga muse, gang kuli mana anu miama tubing mana gatela galantai u nama u sadia jema. Mana anga ba ing usadia ping anga mi perjamuan." ¹⁶ Anga muse, sakolah val gonong mate bendar mi jema. Ging jema mana anga mi muse nening ba Yesus miama gialatutuk anga tatabi angani. Anga muse mana anga ging usadia miama paskah gadang. ¹⁷ Oras kakua adu, Yesus ga murid ginang karanu falung alo ging gala adu. ¹⁸ Oras ging ae il kede miha hama jia se Yesus gialatutuk, neningba nang mia yalatutuk adi tatabi. Ping ba topu mimiha gala il kede adi anu kuli neng gene susa. ¹⁹ Anga muse ginang ajimi giomi susa ging mate ta teteng. Ubagang sebola kalu neng banaga to? ²⁰ Anga muse, Yesus gialatutuk ubagang se bola, "Nama anga inang karanu falung alo anga ba e gomimi, nama ba gatang mia natang galuali mangko mi taning. ²¹ Lahatala gaval amu anga gaoras mi se gang kuli gimang gola jema, ani ibase silaka miama nama ba Lahatala gaval anga geng gene susa lebe mi nua nama anga giva ake gogajali ganang. UPAPELING MIA YESUS KRISTUS GABOGA OLI GAVAK GADANG 22 Ging il kede mi hahama jia, Yesus roti mia gang oli berkat mia tang, gang roti anga panaling kakiri seng adi ba naboga mia kede." ²³ Gang oli sangker mia seng muse gang berkat miama tang. Gang miama maginang seng muse sangker amba mina. ²⁴ Anga muse, Yesus ginang ajimi gialatutuk ubagang sebola "Adi ba nafi, ve palaki miama nama tohing rai anga gadang. ²⁵ Nang tatabi gialatutuk nangka anggur adi nabana sampai gau mate mi. Anga nang anggur gahaba nang na oras gau mate mi p'enang ba toe nimang ga e hamulang mi. ²⁶ Geng dal anu puhi Lahatala tajening paletang muse ging bukit Zaitun gadang jema. SAKOLA VAL YESUS GALA TATARA ²⁷ Anga muse, Yesus ga sakola val gialatutuk ubagang sebula, inang ajimi kuli niel ehi jema, taami namae hula e surat hamolang gomi, nang kuli terang terangfala anga mihera anggelang jumba ol ajimi ehi mitatara jema. ²⁸ Ani ibase, nangkalu bale apetal jema nengba iviagtuka moe Galilea abang gadang jema. ²⁹ Ani ibase, Petrus gang galatutuk ubagang sebola, "Sekola ajimi ehi jema ibase eng mia gita jobing gene ani ibase neng naga." ³⁰ Anga muse, Yesus galatutuk ubagang se bola nang tatabi hur tarang miama ala tutuk, tereng adi hip kiakal ka kuku leka mialo se angka neng unaali mia toga jema. ³¹ Ani ibase, petrus gang Yesus geng latang ubagang se bola, masiking nang ala hama-hama amina nangka Eng umia naali bana ginang ajimi hur amba ubagang. YESUS MOE GETSEMANI ILADAGAL MI ³² Anga muse, ging lamal jema Getemani mi, gang sakola val gialatutuk ubang sebola, ing adimi miha nang jema sembajang. ³³ Gang Petrus, Yakobus oli Yohanis giala topuni, anga muse hapukang mali oli gang ka tening bana. ³⁴ Anga muse, gang gialatutuk nual magang anga tatabi susah nang oli bo mang amina. tening-tening mana adi mimiha oli yavak anga u jajaga. ³⁵ Gang gafak mia gileta ol edeng, gang giaka p'ung mia meke tang muding seng anga muse gang sambajang ubagang sebola, kalau bisa se ilba ma adi bisa nohap'a. ³⁶ Gang oli tutuk ubagang se bola ya Bapa karanu-karanu enganga bisa. Tamadi ba neng tang adu adi puhi mia nohapa. Ani ibase ake na mau na ujali ugaluali gonang a mau a ujali anga ba ugaluali. ³⁷ Anga muse, gang bale ma ga sakola val ging harak se ging ae ta kuta jia, anga muse gang Petrus gialatutuk ubagang se bola, "Simon, getabani ba ing ta? Getabani ba ing ka nala iavak ujaga jam anu kakelang gomi di naga? ³⁸ Ivak ang u jaga-jaga oli sambajang ang hise ing ake gada soba gomi mi mugu ganang. Roh u galuali, iboga aji anga ugaluali ibase iboga p'al moleng. ³⁹ Anga muse, gang oli va sambajang ibase sambajang ga mianu anga ba ubagang. ⁴⁰ Ma ging harak se ginang ajimi ae tajia anga gelang gieng mang kuta, anga gelang ging bola gahur anga nening hur ba mia ga bale gene. ⁴¹ Seng anga muse, Yesus gang ma ging harak ga miatoga seng anga muse gang giala tutuk. Ing do ae ta jia i boga ga sanang mia? Nua jema, ga oras gie adu neng tang jema. Uling Lahatala ga val vede se nama miama nama gatang pbela mi gamugu jema. ⁴² Nua ba mate, ping jema. Uling, nama ba Neng miama nama pbela gatang mi gamugu ma gie apal jia. NAMA YESUS GADOLI ⁴³ 43 Savaka anga muse, Yesus Gang do mate tutuk jia se, Yudas, Yesus ga sakola val adu ma nama tohing rae ga hama mi kalang e oli te kabula, nama anga gonong barayte oli Yahudi ga boma anga gonong ba ging gahing. ⁴⁴ Ging ba geng miama nama gatang mi gamugu ging tanda anu mia gitubing, ubagang se bola,"Nama taang ba nang gamunang angase ga nama pbenang ba anga. Ing gadoli gala jema seng hise ging u jaga. ⁴⁵ Oli, savaka Yudas sampe, gang savaka Yesus gabung oli ubagang se bola,"Rabi!" Anga muse, gang Yesus gamunang. ⁴⁶ Anga muse ging, Yesus geng punu oli seng anga muse gadoli. ⁴⁷ Anga muse nama anu giala topuni mate kalang biri miama imam pbal ga balenta vala gaveli tuni gahika. ⁴⁸ Anga muse, Yesus gialatutuk se bola getabani ba ing adu ma kalang e oli te kabula inggagala nadoli emanghula nama pbela anu molo. ⁴⁹ Vid kakanap, nang iyala topuni e hamolang gomi mi mate ing u ajar ani ibase ing ka nadoli bana. ibase ajimi adi gang malekang jadi anga hise hur hamolang gene ga kanap mi." ⁵⁰ Anga muse, ginang ajimi mate ehi jema. ⁵¹ Nama kopbol anu anga gang Yesus galuali gang sabi bala ba tega Yesus galuali. anga muse oli ging gengdi gadoli. ⁵² Anga muse gang mate ga sabobala anga pbei seng muse gang gadura ehi. YESUS YAHUDI GA KAPALANG GONONG GENG HUKUNG ⁵³ Anga muse, ging Yesus gala marang pbal gala gakapalang gabung. Oli, momi imam ga kapalang boma-boma, oli marang ginang ajimi gi topuni. ⁵⁴ Anga muse, Petrus di Yesus leta-leta, gamota goa galuali jema. moe momi, gang moe jaga vala giala hama-hama miha ad ap. ⁵⁵ Imam kapalang oli barate gala ging saksi gola bola tatabi ani angahi ging bisa Yesus genetamina, ani ibase ging ka gagahalang dapa banaga. ⁵⁶ Anga gelang masiking nama tohing rai leko-leko miama saksi gene, ani ibase saksi anga gonong ajimi tavelung. ⁵⁷ Seng muse, ginang adedeng mate leko-leko mia saksi gene Yesus, geng lavang ubagang se bola, ⁵⁸ Ning ae u magia Gang ubagang se bola, 'E Hamolang manusia ga karajang adi, Nang garikil mi teleng atoga se, Nang bale bakung mate, ka natang pake bana." ⁵⁹ Angani ibase, gilatutuk giubagang gomi mi anga hur tavelung anu miama anu gadang. ⁶⁰ Anga muse marang pbal gi hahama mi mate gang Yesus geteng, "Geta baniba angka nama ba eng lavang adi gi hur u edeng banaga? ⁶¹ Angani ibase, gang mang takimang gang ka hur jua ubagang bana. Imam pbal oli Yesus geteng mianu magala, "Eng ba Lahatala Ga Val?" ⁶² Oli, Yesus hur gabale gene ubagang se bola, "Neng adi ba Geng, ing oras anu mise ing uling manusia ga val ae gimang gatang tane goa miha gang oli burang mi bano dol tang adu." ⁶³ Anga muse, marang pal ganga jubah gakahi seng mu gang ubagang sebula, "Getabani ba ping do oli ga saksi gola jia? ⁶⁴ Ing ba vomung mi iyengtang uling geli jema. Anga se ing bola getabani? oli, agani se hukung aminang anga ba miama ging hukung. ⁶⁵ Nama adedeng gopurung, ging oli giavakal utiali, seng hi seng ging giavakal anga tumbuk, gala tutuk ubagang sebula, "ang bake!" jaga vala adedeng geng tarima anga muse ging oli geng lapa. PETRUS KA YESUS GALUALI BANAGA ⁶⁶ Oli, Petrus di ae marang p'al ga babula gomi, nama hial marang p'al ubalenta gola adu. ⁶⁷ Gang, geng uling se petrus ad ap jia, balenta vala geng miama ga uling seng hise galatutuk, "Eng di Yesus Nazaret Val anga gala." ⁶⁸ Anga muse, Petrus gang oli galatutuk ubagang sebola, "Nama anga nang ka geli banaga oli nening ing ututuk ubagang jia ang nang ka manggarati banaga. "Anga muse, gang e ga viag ejel mi mate, anga muse hib kiakal anu kukuleka. ⁶⁹ Nama hial balenta vala pbenang oli Petrus geli muse gang oli galatutuk ubagang sebola, "nama adi geng momo gajoang." ⁷⁰ Ani ibase gang oli ga ali magala. Ukaruang di nagase nama ba angami mate anggonong di galatutuk ubagang sebula "Ing adi di tatabi nama momo gajoa, ingeli Galelea ga manusia." ⁷¹ Ani ibase, Gang ging kutuk oli ging sumpa gialatutuk ubagang se bola, "Nama ka nama ba ing adia ubagang jia anga gelibanaga!" ⁷² Anga muse, hib di kukulika gamialo oli Petrus Yesus galatutuk anga gang ueling, "Hib ka kukulika mialo bado se, ang neng u na ali mia togang jema." Anga muse, Petrus ga ko gang tahang jadi banaga.