¹ Oras, anga gadang Yesus E hamolang mi hela, gasakola anu galatutuk," val-val miama tentang gamihing miama e gene di mang enas!" ² Oli, Yesus gialatutuk ubagang se bola ,"e ba enas-enas adi ing ae uling geli-geli val anu ka val anu tang miha banaga kalao nama gajahing." SUSA LALA GA HAMOLANG ³ Yesus toe Zaitun Abuka tang miha gomi miama e hamolang genang, Petrus, Yakobus, Yohanis, oli Andarias ging Yesus geteng oras anga gilokang angami. "Niala tutuk, taveding hi il anga ga kakanap mi, oli tanda nanening eng mia tubing kalao ajimi anga gaumate mi jema?" ⁵ Anga muse, Yesus mulai gialatutuk, "Ing iavak ujaga anga hise nama ake ing gene ing il ugahalang ganang. ⁶ Nama tohing rai adu ma nane, pbana ubagang bola, 'Neng adi ba Geng.' Oli, ging nama hamolang tohing rai gene giapbetal il ugahala. ⁷ Oras anga gomi mi ing ae mili taliakang umagia oli milipaku, ake i pbukang mali ganang. Il adi gang jadi ani ibase, ka gaumate mi bado. ⁸ Anga gelang, abang anu mate oli abang anu gadang, oli raja anu mate raja anu geng lavang. Oras anu gomi mi se palika va tadili ma tadili, oli malapal pbal mate. Anga mia tubing hi se ping geli se bola oras haba ga topol ping tang adu banaga. ⁹ Ani ibase, iyavak pahi anga ujaga. Anga gelang, ging kuli ing pbana hukung tabuang gomi ing hukung, oli ing pbana e hamolang gomi mi ing hapa oli nama ing pbana Sanhedrin ga hondal goa ing parisa oli raja-raja nani ang gelang, miama palika pbal adi u gatubing. ¹¹ Oli, ging ing pbana va miama nama genang, i pbukang ake mali se bola nening angaba nama miama iyadang, oras anga gomi anga ba ing ututuk ubagang, joa ka ing ba ututuk banaga ibase Lahatala ga Roh Hamolang tutuk. ¹² Masiking ping jiamatu ani ibase, teng apbapbali miama aminang mi pbei, gimang miama ga val gadang. Oli val mate giva gimang geng lavang genetamina. ¹³ Oli, ing anga nama tohing rae ing suka banaga, nane gelang. Ani ibase nama alalang tang udagili sampe gaumate mi se geng angaba selamat. IL PBELA MIAMA PI APBETAL GAJAHING ¹⁴ '' Ani ibase, ing kalu iyeng uling nama pbela ae gemana bana ibase ae mi mate jia (ping ba basa malekang manggarati), ging ba moe Yudea mi malekang ehi adual tang mida. ¹⁵ Nama ba e kadoku tang anga ake hela ganang oli ake e mi maso gi il pbohing ba e mi anga pbana kaluar gana. ¹⁶ Oli, nama ba iladagal mi, ake bale mate oli jema ga jubah mia ganang . ¹⁷ Silaka pbal-pbal miama ging ba apbor oli ging ba val kalokul e do kono miama gi val genang oras anga gomi mi. ¹⁸ Sambajang anga hi il adi gang ake eng tang adu oras mobu mi ganang. ¹⁹ Oli, oras anga gomi mi anga se susah lala pbal-pbal gang ing tang adu ing tang ma oli il ba ga rupa ani anga ka perna iapbetal mi jadi bado mulai palika jadi bado, sampe oras adi mi, oli ka tang jadi bana. ²⁰ Oli, Lahatala ka ga oras anga gene ga tapbokang bana, anga se manusia anu di ka selamat banaga,. Agani ibase, gang ga nama u olu anga gelang, oli geng ba nama u olu jema anga gelang, gang oras anga gene ga tapbokang. ²¹ Anga muse, nama joa ae u tutuk ubagang se bola, ' Uling, Kristus gie adi mi!' Naga ba ubagang se bola, 'Uling, Gang moe momi!' Anga se ake geng parsaja ganang. ²² Anga gelang, nama ba leko giavak gene mia ma mesias mi mega oli nama ba leko giavak mia nabi mi mega, ging ae adu ma, ging tanda herang rupa-rupa anga gene ping miama viak pbela anga mi ga mugu, oli, nama geng u olu jema di bisa mugu kola. ²³ Iavak anga ueling! Ajimi adi ka jadi bado se nang miama ialatutuk ilahupba jema. ²⁴ Ani ibase, vid ping ubagang jia anga Gang adu ping tang ma jema se, ga umate mi susah pbal-pbal mia pidang, 'Vid pbenang kakua, oli uru ga liali ka u banaga. ²⁵ Id gonong ajimi burang gomi muguhela, kuasa rupa-rupa karanu ba burang gomi gang gajahing gabutung."' Yesaya 13:10; 34:4 LAHATALA GA VAL AMU ADU /v 26'' Gaumate mi, manusia ajimi Lahatala ga val amu bano dol tang adu ging uling geli kuasa pbal ba huling melak anga gala topuni. ²⁷ Seng muse, Gang ga malaikat-malaikat gonong ba ae burang gadingkil pbuta anga mi mate, ga nama nua anggonong ging pbana topuni tokadoku. ²⁸ "Koli tutuk miama aguamahi anga miama u balajar gene, oras gaboga anga bal oli ga vel upoku, ing geli se bola vid pbal ga oras adu jema . ²⁹ Agani dise oli iapbetal gomi mi, ing kalo iyeng uling il-il adi gonong iyapbetal gomi jadi, anga se uweling ga oras adu ma apal jema, ae viag ga hondal goa. ³⁰ Nang miama ialatutuk tarang-tarang, tapbanang taheli Gang ka tohapba di se ajimi adi gang malekang jadi. ³¹ Burang palika Gang kuli piohapba, agani ibase Lahatala ga hur hamolang ka piohapba banaga." PIAVAK U PELING OLI PIAVAK U JAGA ³² "Agani ibase, oras ga vid e ga jam , nama anu ka uling geli banaga, malaikat sorga mi di ka geli banaga, oli ga val, Gimang ba galokang geli. ³³ Iafak u piling, oli iafak anga di ang ka geli se bola taveding hi ga oras gang adu gang oli ma. ³⁴ Il adi emanghula nama nua viag avening galuali anga gajoang. Oras anga gang e uhapba, gang oli karajang paul miama ga balenta vala genang, gang oli nama ba lulung u jaga anga u parenta giohi lulung anga u jaga. ³⁵ Anga gelang, iavak anga malekang u jaga-jaga, vid viang, ka tereng hahama, naga ba oras iliali apal hipb kukuliaka, naga ba oli koko il hapo jia, ³⁶ Ake ba ping mitajobing jia gang adu ma se ping ae ta kuta jia. ³⁷ Nanening ba Nang gie miama ialatutuk jia adi ba, Nang oli miama nama ajimi giala tutuk: 'Giavak u jaga!"'