(Nama Belah Ba Nama Gohi Anggur iladagal Jaga) 1 Yesus mulai ging ajar hur gakoli mi nama nu gang Anggur iladagal gene. Gang lapak gene migoleng, gang angami napuak alu mia Anggur doda mami, menara jaga bala gemana. Seng muse gang miama nama iladagal bukang anga genang seng hise gang palilea leta tang jema. 2 Oras iladagal gomi nua jema se, nama gahing bala anu gohing Anggur iladagal gagahi anga mia. 3 Anga gelangba ging gahing bala anga ging funi, ging geng hapa, oli ging gitiari gitang fohing jema. 4 Anga gelang ging gahing bala eteng fanatu miama maginang, ging oli gabiang hapa, oli ging ukarajang gomi anga gipali ling di ukaruang gana. 5 Oli, ging gola ebeng ging fanatu ging gentamina gene gagiani miama nama ebeng tohing rai adi gala hama, joa nama ging hapa, oli joa nama gentamina. 6 Iladagal manaking namanu magala, bal geng anga ba gomi gajahi talalu angani ibase anu fanatu miama maginang oli ging gila tutuk, bal geng angba giomi talalu gajahi. 7 Agani ibase, namaba iladagal mikarajang anga ging geteng anu-anu gajoa gala hama. Nuaba ping gentamina geng anga miama pigene. 8 Ging, geng puni, ging gentamina, ging oli geng fei Anggur iladagal gamota goa jema. 9 Neningba Anggur iladagal mahaling ukarajang anga? Mianu mi se gang adu e nama gahing bala anga gonong gintamina oli nama Anggur iladagal anga nama miama nama ebeng genang. 10 Ingkah biasa Kitab Suci ga ayat basa ba doh bae. Bal ba molang bala gonong fei, anga bal gama molo. 11 Adi ba lahatalah ga karajang, gakarajang ajaib gie geng goa mi?" Mazmur 118:22-23 12 Angami ging gabiak gola bo geng puni, ging nama tohing rai ufaliling ging gola geli bola Yesus gahur gakoli miama gila hama. Ging, Yesus gala tatara ging jema. (Blasteng Bajar) 13 Anga mi, ging nama ging gahing Farisi nama adedang, oli Herodian gang namanu gohi adu Yesus harak. Gahur pela anga ba ging miama gilatutuk. 14 Ging adu Yesus harak oli gilatutuk, Guru, ning geli sebola eng adi nama molo oli nama ebeng gahur ang a angka paduli bana. Getabani ba angka nama gabak galalah gauling bana ibase lahatalah nua miama magenang, tatabi blasteng bayar miama kaiser genang? 15 Ning malekangba blasteng bajar getabani bajar ganang? Yesus ging gala leko, ging galatutuk, getabaniba ing neng goda? Dinar anga anu f'ana meneng nang gauling." 16 Ang muse, ging gala jema, Yesus tutuk mia gidang, gambar oli alalang gatulisan bagie? Ging gahur gataganing anga ubale, gambar oli kaiser gatulisan." 17 Migamota, Yesus tutuk mia gidang, miama kaiser genang nening angba kaiser gail oli mia lahatalah genang nening angaba lahatah geng. Oli Yesus gadang ging mang rasa herang. Lahatalah geng se miama lahatalah genang ging Yesus up a liling. (Saduki Gamanusia Gonong ging Yesus geteng Holong-holong) 18 Angami, nama saduki gonongba ubagang sehula nama aminaka bale apetal ganaga, adu Yesus harah oli taganing mia gadang, gang ubagang. 19 Guru, Musa tulis mia mining sehula nama anu gagud amu ging u, amina oli gahial bagalo kang, ani ibase gaka ga rala gadu ganaga, gadu omi anga malekang hial kalal anga mia angamuse gang ajali gaval mia gagud genang. 20 Nama takaku pititoga ae, gagud halomang nama hial anu mia, oli oras gang amina, gangka val joa ugajali mia gadu ganaga. 21 Oli, gagud pititoga anga anu dika val ugajali mia magenang ajimi gaumate anga muse nama hial angadi amina. 22 Oli, gagud gamia io nama hial gala nikah, oli amina val joakah uga jali gana an oli gagud gamiatoga. 23 Oras vid nama gakung mate, oras ging mate, nama hial adi alangba gahial? Tabi gagomi mi anga nama takaku amu pititoga anga mia gihial gene jema. 24 Yesus gita ganing anga ubale, angaba ing mia ihur gene ing gene il ugahala gagomimi anga ingka surat hamolang nagaba lahatalah gapial adi umanggarati banaga? 25 Gagomimi, anga oras ging bale mate ae nama omina giha hama mi, ging anga joaka amu mia ganaga nagaba nama amu nua ugadu, ani ibase, ging mang vede malaikat ga srugami anga molo. 26 Mia namaba amina nama gakung mate, akega ingka Musa gasurat gomi, hur kavali bana hahama mi ae mitulis anga ing basa jema se lahatalah galatutuk mia padang, neng adiba Abraham oli Isak oli Yakub galahatalah? 27 Gengka nama amima galahatalah banaga ibase nama apetal galahatalah, ing adi tabi-tabi il!" (Parentaba talalu Penting) 28 Migamota, ahli taurat gana namanu adu miama ging talaulak. Orasgang ulingse Yesus mitula gitaganing anga ubale molo maginang, angami gang taganing mia Yesus galahama, parenta tataang anga talalu penting ae ajimoi gomimi? 29 Yesus gataning anga ubale, hukung migama molo sehula, hai inga Israil ga orang, pimang lahatalah angaba pimang anu kakelang. 30 Oli, pimang lahatalah angaba omi uaji magenang, oli val magang uaji mia magenang oli aganukung tigu anga gomi, oli akuat adagiri ajimi gomi. 31 Oli, gamialo, ajoa adedeng ajimi omi gijahi mang vede avak pahi gadang hukung joaka lebe mi palmana vede adi gajoang." 32 Angmi, anga tutuk mia Yesus gadang ang adi molo, Guru engba ugagang sehula geng anga anu, ebeng joaka ae geng gajoang. 33 Oli geng gomi tati puni piogariang, oli gamanggarati ajimi, oli kuat dagiri ajimi oli pijoa piedeng, piserang ajimi ugariang mang vede arak pahi gajoang gagomimi tabi lebe gominug ae korban bakaran gomi mi." 34 Migamota, oras Yesus nama anga gauling gang gataganing ang ubale ae ganu kung nua gami mi, gang tutuk mia gadang, eng adika kerajaan Allah ka galeta ganaga, seng ang muse nama joaka garani taganing mia Yesus gadang. (Kristus Angaba Tuhan) 35 Oli, ae Bait Allah mi ging ajar jia, Yesus gilatutuk, geta ganiba ahli-ahli tutuk sehula Kristus anga Daud garal? 36 Daud galokang di ae ubagang Roh hamolang gomimi; tutuk mia gimang padang, natang tane goa mihahi sampe napalong gonong pana iyak ejelmi. Mazmur 110:1 37 Daud galokang ubagang bola Kristus angaba Tuhan. Jadi getabani seng hise ing bola Kristus anga sanang umagia. (Ging gimau miama ahli-ahli Taurat gonong gilahama) 38 Gapelajaran gomi, Yesus gilatutuk, ing iyavak vjaga mia ahli-ahli taurat gadang, gingba suka juba nave ning pake viag galvali lamal oli suka nama ging tape ae nama tohing gemana mi, 39 Oli mana name gene u gemang angaba ging dapa ae sinagoge-sinagoge oli mana-manaba nama bisa giuling ae perjamuan-perjamuan gomimi. 40 Ginba hial kalal ga e gonong ubagang mia oli nang vede angaba mia gihur gene pana sambajang navening-navening. Ging mianu mise hukungba lebe tamadi anga utarima. (Sadaka Gamamolo) 41 Migamota, Yesus miha gomi mia sadaka ga piti gadang oli nama tohing rai sadaka mia sadaka gipitimi anga kalalang. Nama kavasa tohing gi sadaka mirai miamai mami. 42 Migamota, nama kalal masiking anu adu gasadaka seng gobang alo miamami, gatohing anga seng anu. 43 Oli Yesus gasakolah gonong giagang oli tutuk, nama kalal masiking adi gang ae gatula lebe mito hing mia sadaka gapiti mi maso jema gami galuali nama eteng gala. 44 Gagomi anga, nama ajimi maginang gilebe ugaluali, ani ibase hial kalal masiking anga gang gamasiking mia genang ag angaba ae geng u, angaba gang mia magenang.