TATARA GAHUR ¹ Angmuse, Yesus mana anga uhap'ae moe Judea abangmi Jordan jial ga gabiba tang. Oli,se nama tohing ae anga ming Geng goleng miha. Muse, Gang oli ging ajar. ² Jia jia se, Parisi ga manusia gonong Gola, aduse bola Geng soba ging anga mi geteng, " Aganise namamuanu gang bisa gahial bei?" ³ Yesus angami gihur balas, " Anise neningba Musa miama yalatutuk?" ⁴ Ging angaming Yesus gahur balas sebola, " Musa bola bisa kalo gang surat tatara gene." ⁵ Agani ibase Yesus oli giala tutuk bola, "iweli bual anga gelang Musa gang hur anga miama iala tutuk. ⁶ Ibase, 'Lahatala halomang ilkaru mojadi muse gang manusia di majadi ialeamo. ⁷ Majadi hial e amu, anga gelang nama amu anu gang kalu mada pal se gang malekang. Guwa, gimang u hapa. ⁸ Gang gawak miama gakahi edeng u gapuni. ⁹ Agam base, nenengba lahatala miama topuni jentase wamanu ka gabuala jadi bana (tatara bana). ¹⁰ Agani ibase, egomi Gasakola gonong do geteng jia anga gelang gang oli gihur anga gagabualang genese bola. ¹¹ Angamuse, Gang angami giala tutuk, "Nama alalang ba gahial gala tatara, e gang hial ebeng galase gang mang duha bae. ¹² Oli, Agani nama hial ta ang ba amu ebeng galase, gangbuha galadi gang ma tuha." TUHAN YESUS BARAKAT MIAMA WELALENI GINGTANG ¹³ Oli, ging angami valakiri gonong giala adu Yesus gohi gatang miama gingtang mega, angamuse, Sakola gonong gihapa. ¹⁴ Ibase, Yesus gang giala, Gang gomi kalila gang giala tutuk, "Manaha amolang anga ta valakiri adi gonong peng mi alose miama gimane gene ¹⁵ Nama alalang ba Manaha molang gang ka utarima banaga, emang hula valakiri ading gangjoang se, gang ka mana anga mi miha banaga." ¹⁶ Angamuse, gang angami gatang miama, Gang ging tang mega sengse barangkat miama gio gahalung. NAMA KAVASA YESUS UGATOMBA ¹⁷ Yesus gang gawak sadia gola kado hela lamal se nama anu ehi adu giaka ejelmi pung muding seng muse getengse bola? Guru engba nua; neningba nang gene hise nengdi abetal gegjia anga hacak? ¹⁸ Angamuse angami getengse bola, getabaniba angbola neng nama mua? ¹⁹ Ing kalu tulangmi parenta umagiasebola: ake teng tanuna ganang, ake buha ganang, ake ilgabuning ganang, ake leko engmiana saksi gene, ganang ake nama ga ali ganang sengse iwa imang angaba ging ada e haromat. ²⁰ Nama anai anu Yesus gola adu geteng bola; Guru heningba nang gene hise nang salamat anga harak? Anga muse nama ama penang bala: ajing anga nadagili gomi nang gene jema. ²¹ Yesus bale gala tutuk sebola, nang a ulingse womi mang ajahi. Senghise Yesus gala tutukse bola ajimi ang gene ibase anu do kurang penangba, jema e akawasa anga gonong apak e ga puli anga miama nama masiking anga gonong upatek sengse ma. ²² Gang hiur anga umagia muse gomi mangsusa se gakawasa talalu tohing. ²³ Seng angamuse, Yesus uling tanegoa p'ilang goa sengmuse gang gasakola gonong giala tutukse bola, "Namaba kawasa anga, gang bola Surga Abangmi maso anga mang susah!" ²⁴ Hur anga sakola gonong umagia muse ging baruati. Gang oli tang giala tutuk se bola, "Lebe susah kaku ping bola Surga Abangmu miha! ²⁵ kalu bola nama kawasa di bisa abang hamolang mihase gaminuase unta p'alanu gang batul bugulmi sola mida." ²⁶ Sakola gonong baruati sengmuse gita uling e tateng sebola, kalu bola gagiani se alangba bisa salamat?" ²⁷ Yesus gale miha gi uling seng muse gila tutuk, "se bola ajimi adi manusia gaga nokung se jadi bana, ibase kalu bola Lahatala se ajimi bisa." YESUS GEGGALUALI GAP'ILI ²⁸ Petrus gang angami Yesus gala tutuk, "Seboka, anga bake inguling mikawasa aja jimi ning miama mega e ning gie Alu ali!" ²⁹ Yesus giala tutuk, "Namanuka gabarang igumi balilang gomi, gajoal hise namahial, amu, giwa, gimang, val gonong, Gaila dagal mogal gomi anga miama mega karna Nilang Oli Injil gilang ³⁰ Anga gelang base oras adi bola miratuanu anga gang kau tarima badu-- mauhise ga E, gajoa hise, ial, hial amung oli giva, oli gaval, oli gaila dagal, nama gajajahing anga gelang se oras sae gamajia gama jia se gang kuli ap'ital gegjia anga harak. ³¹ Ani ibase, nama tohing tohing tula anga miama nama wiaki gene, oli nama wiaki miama nama tula gene." YESUS GAMINANG GANG OLI TANGUBAGANG ³² Yesus giviak tula. jema wiag hahama bale uling se ging mibaruati oli namaba giluali ang gonong di gi bukang mali, Yesus miama gasakola ginang karam waking ala gima angami wiagmi bale angami hise nening ba bola gengtang adu anga gang miama gasakola gonong ubalelang." ³³ Yesus angami giala tutuk sebola ingbake "uling, pinggie Yerusalem viag mi adiwa manusia gawal nam kuli miama nama p'ela, e marang marang gonong gitangmi gamugu. ³⁴ gajajahing, gababutung gopurung gokali, sampe geng tamina, aga ni ibase miteleng a toga se gang bale abetil." YESUS GAMINANG GANG BALE TANG UBAGANG ³⁵ Inid anu gadang muse Yakobus oli Yohanis Zebedius gawal gomong Yesus gola adu galatutuk sebola; ning adu adi neningba neng miama u abagangse ang gene miama mining." ³⁶ Yesus oli bale giteng: ing bola neningba ing bagangse nohi gene miama minang? ³⁷ Ging ok Yesus balas sebola: Ningbola nibala adi anu miama a tanegoa e oli anu miama a pilang goa mi a e a hamolang gomi mi. ³⁸ Ibase Yesus oli bale giala tutuk sebola nening anga ba ing bagang anga ingka iawak ukaruang banaga malmahipang ba nang ba ingdi bisa na? enaga oli nening ba nening ba nama miama noga halung anga ba ingdi malekang miama Yohahalung?" ³⁹ Ging oli bale gahur balas sebola nening anga ubagang anga ningdi bisa gene, Yesus tang tutuk sebola nening ba nang gene anga ing di bisa gene tami mal, makipang oli ilmiama nogahalang anga ing di bisa ⁴⁰ Ibase bola ing miama na pilang goa anga neng di ra negbanagae. mana anga nama miama gamanusia gasal jema." ⁴¹ Huranga umagia muse sakolah giang karawu penang giomi miama Yakobus e Yohanis gikalila. ⁴² Anga muse Yesus kale giagang giala tutuk se bola, ing gelise bola gingba nama niama parentah ga wiagmi gamihing anga gipal, gibalolumi gene, tadili giujali mi gine, ibase ^{44 43} ihahamama adi lang ba boka gengba malekang balse, geng mia balenta walagene se Lahatala gawak gang palika galolang tang hela anga babola nama gohi gobalenta banaga e ⁴⁵ gang geng miama balenta wala gawagi, sampai gadiri di apali e anima miama balenta wala gawagi, samapi gadiri di apili e amina miama nama tohing gatilal." YESUS BERTIMOUS GING TEKE GAHOLI ⁴⁶ Yesus gasakola miama nama tohing gala anga mi anga nama il babagang oli geng ti teke gane Bartimeus geng anga limeus gawal ae ujiag gading kilmi miha. ⁴⁷ gang umagia bola Yesus Nasaret miba adu mus gang angami gaagang ubagang se bola Yesus daud gaval! omi miama ugajahi!" ⁴⁸ anga muse nama ajami gomi miama gakalila gohi takimang ibase gang agang tarus sebola, Daud gaval omi mana najahi!" ⁴⁹ Yesus migadili seng muse gang angami ga agang, angmuse ging angami ga agang seng muse ging gala tutuk omi gene awamang! Gang Agang. ⁵⁰ Gang angani gakendo penang ahiaka, seng anga muse gang anga mi bakung mate Yesus golamal wa. ⁵¹ Yesus angami geteng sebola, "Anga bola nening ba nohi gene miama gadang?" Angmuse nama gengteke p'enang angami gahur gavale se bola, " Nimang, nang boka neng adi tarang nang uling. ⁵² Yesus angami gala tutuk sebola, nua ba ang jema a ugaluali eng gene mona jema ba nua ba jema, oras anga gadang anga ba geng venang di tarang, seng muse geg di Yesus galuali wiag aweming gomi