1 O amuid mi, no tenang el bar, na ibang i fom i pahang Yesus om mi honie naba fe pi med taro' nie pi tetang ho Lahtal apang uno' se masing. 2 Fede' ni ahol ho naba fe ni u ihou ho ano' lame eh ho Yesus fe o kua' fuin. 3 Fede' horo Lahtal u inung honin e ino' om bolang labui la ete ho ie let; 4 Honin fe i ahol taro' nie i ibo' ina i bobom ano' bolang honie name uda ahol. 5 Hai mang fede, name ba bad hirang, tanut sah ao om mi Lahtal ahol nene honin e. 6 Fe i ha ai i tenang el a dimang abor arafa na sah lefa e fede' Lahtal so o' bor med name honi ko en do atiti no' ni ira mateng ino' na ahol. 7 Lahtal to lofe eh sa e tarafa na sah lol nene soba tara ma nano' fe lema. 8 Honin fe ano' so na no' ho sa med ne ne sa name no' fe apang usah nene sobo Lahtal nene sobo Lahtal fe apang u sah med hamoi bolang fe apang usah. 9 Honin sobo esah ukarang med tenang il araham ho ie name ahou hul med ien nene, fede' i ahol ho Lahtal so esah ukarang ho med iom mi. 10 I na honim ho i alol panen med di ail bar ba mong makedonia ho araham. Sobo diail tenang el bar ho dai bang eh, honie i foil panen ta sipi araham. 11 I panene taro' nie i fetang ho sa no' kurang bo' ina itang puin aten fede' na ho omi ho ni u ira mateng am. 12 Honi ei ifetang ho ano'no' med mong name se ho' abung ho mi, honie haai kurang bo' ee. Lahtal O Ho' O Ma 13 Diail bar, ni e u i nung nene fede' name ba minam ho i ahol nene. Honin e i haai susa lala e mang fede' name ba o udume aai honin. 14 Fede' pi o' tino' ubang, Yesus ho sa min foil sa tel toh, honin am fe pi foil o' tino' ubang Lahtal name ba Yesus om mimin ho sa sipi ara ham-ham. 15 Ni na hoo u ira mateng med Lahtal o mateng pa' di ara piri ba dai fetang eh ho pi dai ara sam Lahtal ho', piri dai tahang honi e name o mi min sotur satel toh. 16 Lahtal seleme selafeng sorga bang mi sa hel malaikat ama pi maeh, honin am fe Lahtal o tabui mate ama am honin ee, name ba Yesus om mi min so tur satel toh. 17 Honin am fe piri ba dai fetang eh ho dai mih honin am fe pi latel sam ta fiing bo' ta Lahtal abung, honi e pi Lahtal abung alolang 18 Honin e pi tom bad herang fe puin fa nu araham ma nu araham, Lahtal o' mateng pa' a tain.