¹ Fed ho di'ail tenang el'bar, sel tapeng ba eh ho, name e hul i'ra mateng nene am. ² Fekde i'ri di barpi O'Tino bit, honi fe Lahtal O' ho O' ma o sel ho mang fekde name na ta'u' dil'pana fe puin ho. ³ Sobo name u taramateng, "no ham ara i'ra," o sah o karang orupa min taru, ara sipi araham, o ma'ar ho mang fekde ob bar ai afain honi, sobo name nu di e ei ta nene. ⁴ Honin fe, di,a'il tenang el bar, i'ri ho ha ai panang ho toh nene am e, fekde hair om tapeng ba Sa ho' tolap fe honi ho, mang fekde, name ta'u honi. ⁵ Sobo i'ri sobarpi ho lel ai bar, med i'ri ho dil lel o efa panang ho ara tara nene am. sobo ha'ai name beng edun o panen ho ata'ain e ai kabar, honi fe i'ri ho ha'ai panang o name nene. ⁶ Honin fe pi ha'ai tar, mang fekde name beng honi e, sobo ma'e pi tari ubuang med uma'maeh' ⁷ Honin fe name oba tar ho, dil'pana fe puin tar, med name oba hufang ho dil'pana fe puin hufang. ⁸ Honi sobo, piri ho dil lel aibar, honi fe sono' ma' pi tom afom e, pikod adobe mang sari ho, udume, esah e med ukarang horo pikod dume no sari horo ba no'ham. ⁹ Lahtal ho, na osah ho med taraham eh nene, na oba saten fe ho, il'luling no ham horo Sa ten, Sari horo Yesus Kristus, ¹⁰ Fekde Sari horo, min tere'eng, honi sobo, pi bu'ang ma pi tar'mi. honi sobo pi Sari horo aratar ara mih. ¹¹ Honi fe ma pi Sari horo apuin dume ong pi panen pi aten om homi. u'dume barpi mang fekde naba pi panen eh honi. FOM PAHANG ADA MAHEN O AMUID MI ¹² Di ail tenang el nun, na i'ombang honi e pi ada ahor esah med, sipi ba tari u baleta atino panen pi anai homi, fekde sipi horo tara fa Lahtal o lap fa med tano na uma. ¹³ Ati tino ahol med, ukang alai honi e Sa sipi okaresang hodi lame no. honi fe, fedhel lalami, pi panen horo med di ail bar beng di araham. ¹⁴ Na i'do-do di ail tenang el bar, ba i'fetang mara'ain-mara'ain ho. sipi ahou farekang honi e sipi kufa toh, ha'ai som atan e, honi e som abole med name no tofang araham. ¹⁵ Edu dun fe, ahal name den na osah panen i'raham hee, ha'ai na osah ho u'mama honi e name ona sah panen ho, ha'ai foil osah ho puin o abole sei lahal ba, na ono oham fe panen i'anai homi med name no tofang araham. ¹⁶ Bad herang horo puin! ¹⁷ A'ome horo puin! ¹⁸ Ono bit sel tana ap, fekde horo Lahtal e inung ataain fekde piri horo Kristus Yesus om mi fetang. ¹⁹ I ha'ai Hamoi ba i'om mi ho amine e! ²⁰ I ha'ai paha'ain nu ho abole e! ²¹ Na oba no med osah hosa na meng, honiam fe adung ale' ono ho puin e u ale, u tara ono fe puin! ²² Na oba ari'ing fail airnu lol ho ho elet, na osah ho i'ri med elet. ²³ Untu no ham il'luling Lahtal med ien horoba i'bolang sobarpi fekde, Hamoi Bolang i'oo i'laman ho ugaiang. horo ei leba sah karang airnu i'elet fekde Kristus Yesus o'sel o'ho ho fanang am. ²⁴ Sari horo tolofe am he'e tei alol naba fe Sa u'tapaha ho sami panen. ²⁵ Honi sobo di ail tenang el bar ai, a'ome niri di niraham fe! ²⁶ Ada ahol no ham med pidi ail tenang elbar araham mang fekde na namanem nu honi. ²⁷ Naso atino u'abang honi e i Lahtal ani fe puin, sura ho ta'an med name no tofang aramateng med pi di ail tenang el bar ho so barpi emele arian. ²⁸ Tutung kufa hel tarita, fekde Yesus Kristus, te'puin tatang puin.