¹ Hanin fe ma' ni tahang saham honin hee ma' ni nilo sam Atena leam ² Honin amfe ni Timotius ba ni diail Lahtal obateta ano' lam eh, med Kristus o sura 'bolang o fom pa o mateng pa' ho i om ano dume. ³ Honi e sa ano horo di mode maar, sah karang, adidin afefa sah. Asel i ahol bite piri horo na utub na horo tereeng ⁴ Honin amfe pi dai tara ho ni ira mateng se masing fede mode maar sah karang ma' sa foil ara fi petang ho mi fe ⁵ Honin fe ma' natahang saham ho nim he, na name a hou sam o lap sam fede o udume ho ei. Fede' na baroit ahal ahal goda pate ho opetang om mi honine okaresang ho ano mang tanai ereeng. ⁶ Sobo fed hoo Timotius ni olap ho am' sa na ano' na o no' ham, med o udume esah ukarang fe bit nien. Ari ho na o no' med nie reeng om niri uma ho ni am fe niri di olap sam uma. Om niri uma nio lap ho' ⁷ Honin fe no di ail bar no, no tenang el bar, sahkang mahip maar ba ni ahol ni ubad herang fede' o udume kua' ho ei. ⁸ Fed mi fetang ahol am, fede i Lahtal fe tatoh dume i fetang homi ⁹ Naba fe o mahen ni atel Lahtal araham asel bad herang a a tel med Lahtal araham ho mi. ¹⁰ Ni a ome fed hel lala mi ahi' eh nene, alorang eh' nene ni om lap sam uma honie o udume ho ano' kua'. ¹¹ Fed oo omang Lahtal med Yesus o ai lote sa foil epuin a tang puin olap sam. ¹² Honie Lahtal ira fetang ira tofang luung esah ukarang med nu araham honin sobo na no' sobar pi, panen med aram honi. ¹³ Honi e sa i om ano' dume, i om ano' bolang, omang Lahtal araham sam mong Lahtal Ai ho med name om bolang.