¹ Yesusa a ngene muwato, a rutu, aye mu nkurumbara yana ghumwendi. ² Makura, ava muyitire mukafumu wa shirema shamundambo ana rara paghuro. Pakumona lipuro lyavo, Yesusa a ghamba kumukafumu wa shirema " Monande, kara ghunakoro. Ndjo doye vana dikughupiripo.'' ³ Makura, valirongi matjangwa vamwe ava ghamba mukatji kavo, '' Mukafumu ghuno kuna kushwaghura.'' ⁴ Yesusa a yivhire vighayadara vyavo ntani a ghamba, '' Vinke muna kughayarera vyavidona mudi mushima denu? ⁵ Ovyo vina karo ghureru, kughamba, '' Ndjo denu vana dimughupiripo', ndi kughamba, ' shapuka ghuyende'? ⁶ Ano ngoli muna kona kuyiva ashi Mona Muntu akara nankondo palivhu mukughupirapo ndjo,... '' A ghamba kwa shirema, '' Shapuka, damuna ghuro ghoye, ghuyende kundjugho yoye.'' ⁷ Makura mukafumu a shapuka ntani nakuyenda kundjugho yendi. ⁸ Mbunga apa yamonine vino, vatjilire ntani vayererepekire Karunga, ogho a tapiro nkondo diny kuvantu. ⁹ Yesusa apa apitire atunde panya, amonine mukafumu walidina Mateusa ana shungiri ku tende ya mufutiti mutero. A ghamba kwendi, '' Nkwame.'' ghuye a shapuka amu kwama. ¹⁰ Apa Yesusa a shungilire mundjugho alye, makura, vafutiti mutereo vavangi ntani vanandjo avaya vayalye kumwe naYesusa ntani navarongwa vendi. ¹¹ Apa vavi monine vaFalisayi, ava ghamba kuvarongwa vendi, '' Morwa nke mushingi wenu ana kulyera na vafutiti mutero ntani nava nandjo?'' ¹² Yesusa apa aviyuvhire vino, aghamba, vantu vavakanguki mumarutu kapi va paparanga muveruli, nkwandi vakuvera tupu. ¹³ Muna hepa kuyenda muka kushonge ovyo vina kutanta vino: ' Ame ghufe nkenda nahoro kapishi ndjambo.' Ame kapi nayera niya kughe vahungami vakushighure ano ngoli kwayera vana ndjo.'' ¹⁴ Makura varongwa va Johanesa avaya kwendi ntani na kughamba, '' Morwa nkie atwe ntani va Falisayi vadiliyiranga, ano ngoli varongwa voye kapi vadiliyiranga?'' ¹⁵ Yesusa aghamba kwavo, '' Vana shipito shankwara kuvura vaguve ghuye mukwali shimpe navo anakara? Ano ngoli mayuva ngaghaya muna likwali ngava mughupako kwavo, makura ntani ngava dilira. ¹⁶ Mukafumu naghumweshi wa kutura shivandeko shashikoverero shashipe pa lirwakani lyalikuru-kuru, osho shivandeka kushi taghukapo palirwakani, ntani lintomo lyalinene kulikarapo. ¹⁷ Muntu kapi a turanga vinyu yayipe muvipapa vya vinyu yayi kuru-kuru. Ntjene vavirughane, vipapa kuvitaghuka, makura vinyu kuyiteka, ntani vipapa vya vinyu kuvi djonauka. Ndipo, kutura vinyu yayipe mu vipapa vya viteke, ntani vikarapo navintje.'' ¹⁸ Ghuye Yesusa shimpe kuna kughamba vininke vino kwavo, kenga, muna likuto ghumwe aya mutongamene a ghamba, '' Monande wa mukadona ntantani vene ana kudohoroka, ano ngoli yioya ghuya kambeke lighoko lyoye pendi, makura ghuye kwaparuka. ¹⁹ Makura Yesusa a shapuka amu kwame, ntani na varongwa vendi. ²⁰ Kenga, mukamali ogho kahepanga kulipito honde ure wa mwaka ronambiri aya kunyima ya Yesusa ntani a kwato kughuhura wa lirwakani. ²¹ Ghuye a ghamba kwa naghumwendi, '' Ntjene tupu nikwata vyuma vyendi, ndi kunikara nimuwawa.'' ²² Ano ngoli Yesusa apiruka na kumukenga, ntani nakughamba. '' Monande wa mukadona, ghukudame; lipuro lyoye lina kutura ghukare ghumuwawa. '' ntani mukamali a verukire pa vili yinya. ²³ Yesusa apa ayire mundjugho yamukalikuto, amono vaveti vamarumbendo ntani mbunga yarenkiro muyoyo waghunene. ²⁴ A ghamba, '' Kayendenu, miukadona kapi ana dohoroka, ano ngoli kuna rara tupu,'' Ano ngoli vavo ava mushepe. ²⁵ Apa varupwitire, ghuye a ngene mundjugho ntani aka mushapwita na lighoko lyendi, mukadona a shapuka. ²⁶ Mbudi kuhamena vino ayi kuhanene muruha mukunda naghuntje. ²⁷ Yesusa apa apitire kutunda kunya, vakafumu vaviri vavatwiku ava mukwama. Vatwikilire kutwikilire kuyighira ntani na kughamba, '' Tuyuvire nkenda, Mona David!'' ²⁸ Yesusa apa ayire mumundi, vakafumu vavatwiku avaya kwendi. Yesusa a ghamba kwavo, '' Muna vipura ashi kuni virugfhana vino?'' Ava ghamba kwendi, '' Nhii, Hompa.'' ²⁹ Makura Yesusa a kwata pamantjo ghavo na kughamba, ''' Renkenu vavi murughanene kutwara kulipuro lyenu,''. ³⁰ Makura mantjo ghavo agha gharuka. Makura Yesusa ava rarwiri na kughamba, '' Kengenu ashi naghumweshi a yivo kuhamena vino.'' ³¹ Ano ngoli vakafumu vaviri ava rupuka ntani ava hanita mbudi yino muruha mukunda runya. ³² Opo vakafumu vaviri varupukire vayende, kenga, mukafumu wakudira kughamba a kaliro na mpepo dadidona ava muyita kwa Yesusa. ³³ Apa vaditjidiremo mpepo dadidona, mukafumu wakudira kughamba a tameke kughamba. Mbunga ayi tetuka ntani nakughamba, '' Ovino shimpe kapi vavimona rumwe mu Israel!'' ³⁴ Ano ngoli Vafalisayi vaghambire, '' Namupangeli wa mpepo dadidona, ana tjida mpepo dadidona.'' ³⁵ Yesusa kwayendire hambara vitata navintje ntani na dimukunda. Ghuye a twikiri kushonga mushinagoge davo, kuyuvita mbudi yayiwa ya ghuntungi ntani kuverura kehe ghano mahamba, ntani kehe ghano maghuvera. ³⁶ Apa a monine mbunga, ava yuvire nkenda yayinene, mukonda ashi vavo kwahepire. Vakalire yira ndjwi dakupira mushita. ³⁷ Ghuye a ghamba kuvarongwa vendi, '' Muyangu ghungi, ano ngoli varughani vasheshu. ³⁸ Mpo ngoli ashi mushungide kwaHompa wamuyangu, mpo ashi a tume varughani mumuyangu wendi.