¹ Nampili ndi likukwatakano lya kuhova lya kalire na veta da ukareli ntani na ntembeli ya pano palivhu. Ntembeli kwayi dika yikare weno. ² Munko ya kuhova kwa karamo maghuyweko gharamba, tafura, na mboroto ya ndjambo, oyo kava twenyanga ashi nkonda ya kupongoka. ³ Kunyima ya ntembeli kwa kalire nkonda ya uviri, oyo vatwenyanga ashi nkonda ya kupongokerera. ⁴ Mwamo mo shakalire shindjambero sha ngorondo dha ku shwakerera ndjambo da lidumba lyaliwa. Ntani momo nka mo lya kalire limbangu lya makukwatakano va vambayika na ngorondo. Munda kwa kaliremo kavaya ka ngorondo mwakutura mana, mapngo ya Aroni ya kukara naviperendo ntani navitafura vya dimuragho da Karunga. ⁵ Pawiru ya limbangu lyamakukwatakano kwa karapo vakerubi va uyerere wa Karunga ovo vafikiliro shipundi dha nkenda pawiru. Weno kapi pana kara shirugho sha kughamba mo vya vingi. ⁶ nkene vinapu kuwapayika vino, makura va pristeli kungeanamo munkonda ya kuhova ya muntembeli va karughane virughana vya ukareli Karunga, kehe pano. ⁷ Ano ngoli munkonda ya Uviri, mu pristeli wa munene ndje tupu wa kungenamo rumwe tupu, nakungenamoshi ahana honde ya kudjambelita ndjo dendi ntani na ndjo da mbunga odo vadjona vahana kuyivilita. ⁸ Mpepo ya kupongoka kwa ghamba nawa nawa ashi ndjira ya kungena mu nkurundjugho munkonda ya kupongokerera na kuvhurashi yi gharuke nkene ashi nkonda ya muhovo shimpe mpoyili. ⁹ Ovino kwa fanikitire tupu kovino vya ntantani. Vino kwatanta ashi maushwi na ndjambo kava djambanga ano ngoli kapi lya upapo marondoro gha liywi lya mumutjima lyogho kadjambango. ¹⁰ Mbyovo ashi vino kwahamenine tupu kundjwa ntani navi vyakunwa ntani navi vyakuhamena vya nkedi dakuku shuva-shuva da kuku kenita vakushuruke, odino ndjenditito tupu da kuntunda ya muntu vaturapo dikarepo dogoro shirugho osho ngaturapo mpangera dadipe. ¹¹ Kristusa kwayire aya kare mupristeli wa munene wa vininke vyaviwa ovino vina karopo weno. Nkuru ndjugho ya Karunga oyo aruwanenanga yiwa unene ya pitakana ya kuhova ntani yayo kapishi vantu vayitungo, ntani yayo kapi yahamena ku udjuni uno. ¹² Ghuye opo angenine mu nkuru ndjugho ya Karunga ayangene munkonda ya kupongokerera pa rumwe tupu makura, ghuye kapi aghupire honde ya vimpendje nayi yavitana akadjambe, honde ya mwene aghupire adjambe rumwe tupu atikitiliremo liyoghoro lya naruntje. ¹³ Nkene ashi honde ya vimpendje nayi ya ntwedu na mutwitwi wa ndema ya kushwakerera pa kuva mwayera honde na mutwitwi ovyovanatura kumwe kukushurura marutu ghavo, ¹⁴ honde ya Kristusa ogho akudjambero mwene mu mpepo yanaruntje, ghuye wakupita ndjo, ghuye kwamana kudongonona pa liywi lya mudimutjima detu kuviruwana vya kututwara kumfa, tukarere Karunga wa monyo? ¹⁵ Mukonda yino, ghuye kwayita ligwanekero na likukwatakano lya lipe. Vino kwakarerapo morwa mfa odo dayoghoro vantu kumaudona ogho kava ruwananga opo vakalire mulikwatakano lya kuhova, mposhi ovov atoghorora Karunga ngava wane upingwa wa naruntje ogho vavatwenyidira. ¹⁶ Kuturapo makuyuvho aweno kwafana yira ndjugho yapatjangwa, nkwandi mwene anahepa kudohoroka ntani yina kukara mushiruwana. ¹⁷ Ndjagho ya litwenyidiro lya upingwa kapi lya kara na nkondo nkene ashi mwene shimpe kuna kuparuka ano ngoli kukara na nkondo nkene mwene ana fu. ¹⁸ Nampili likukwatakano lya muhovo kapi valitulirepo pahana honde. ¹⁹ Pamuhovo Moses atantere vantu dimuragho nadintje yira momu dakara muveta, makura aghupu honde ya vitana nayo ya vimpendje, kumwe namema makura amwayere mabpira da veta na vantu navantje kushi djambero shahuki da ndjwi dadigeha. ²⁰ Aghamba ashi, "Honde yino ya kukoreka likukwatakano lyenu na Karunga. ²¹ Nkuru ndjugho na viruwanita navintje ivyo kava ruwanitanga mu ukareli Karunga navyo kwavi mwayilire na honde. ²² Kutwara muveta, kehe shino kushikushurura na honde. Nkene kapi pana kara honde nakuvurashi kukarapo lidongonono na lighupiropo lya ndjo. ²³ Vino kwakalire tupu mafano ghavyo vya karo muliwiru ntani vyavyo vya hepa kuvi kushurura nandjambo da vikorama. Ano ngoli, vya muliwiru ko vyene vyene vahepa kuvi kushurura na ndjambo da vikorama. Ano ngoli, vya muliwiru ko vyene vyene vahepa kuvi kushurura na ndjambo djuni ya kupitakana yino. ²⁴ Mukonda ashi Kristusa kapi angena munkonda ya kupongokerera oyo vadika na maghoko, oyo vafaneka yifane yira ya ushili. Ghuye kwa kangena ya muliwiru yene-yene, akamoneke kushipara sha Karunga mukonda yetu atu popere. ²⁵ Ghuye kapi akudjamba rukando rwarungi, yira momu karuwananga mu pristeli wa munene kehe mwaka kungena munkuru djugho munkonda ya kupongekerera na honde yavi muna. ²⁶ Ashi ndi mongoli, Kristusa ndi kwa hepa rwa rungi shirugho shashire unene kutunda ku lishito lya udjuni. Ngoli ghuye kwashoroka rumwetupu ku uhura wamayuva aya kare ndjambo ya kughupapo ndjo. ²⁷ Yira momu tupu vaturapo ashi kehe uno muntu kufa rumwe tupu, ntani dina kukwamako mpanguro, ²⁸ na Kristusa naye, kwa fa rumwetupu aghupepo ndjo davantu vavangi, shimpe nka nga ka vyuka shikando sha uviri, kapishi waro mukaya upapo ndjo, nani ngoli ngaya kutapa liyoghoro kwavo vana kumutaterero.