¹ Turenu ngoli muviruwana vya Kristusa turuwane vya kutikiliramo shiruwana mposhi kapishi tukare pamarongo gha kutanga. Atwe weno nakuvhura nkashi kughamba ashi tushuve kuvirughana vya kutwara kumfa ngoli tukare nalipuro mwa Karunga, ² ndi kapishi turonge shimpe marongo gha liyoyero, kukambeka vaveli maghoko, livhumbuko lyava fe ntani mpanguro ya naruntje. ³ Tukurenu tuyende kumeho nkene atupulitire Karunga. ⁴ Vinke ngavi shoroko kwavo vakaliro mu ukenu, vamakera m ushwi gha muliwiru, vatambulire mpepo ya kupongoka, ⁵ vamakera nkango da Karunga dadiwa dakaro nankondo mu Udjuni wa kumeho, ⁶ makura mbyo vashuva lipuro-ovo nakuvhurashi waro kukava vyuta kulipuro. Vavo kuna ku papamparera mona Karunga kushilivindakano rwa uviri na kumushwaghura vamuture parukenu. ⁷ Livhu nkene lya nwa mema gha mhvura ntani lyalyo kurokera kehepano, ntani lyalyo kutapa muyangu kwava vakuni mbuto na kuvaruwana Karunga ku tungika livhu lya weno. ⁸ Ano ngoli livhu lya kumena miya na lingangwe, kwato mulyo lya pwa kufinga ku uhura ngali kapya. ⁹ Vaunyande vakuhora atwe kuna kughamba vya viwa kukwenu, mukonda anwe kuna kuruwan vorughana vya kutwara kuliparu. ¹⁰ Karunga muhungami. Kapi nga vhurama virughana vyenu na shihoro sha kufumadeka lidina lyendi, omo mwa kwafa vapongoli ntani viruwana ovyo muna kuruwana weno kumbunga. ¹¹ Atwe kuna horo ashi ndi kehe uno akare na upampi ngatikitiliremo lipuro dogoro ku uhura. ¹² Vino kuna kuvi ghamba mposhi kapishi mukare muna dwapa, muna hepa kuhonena na kukara na lididimiko olyo vakalire nalyo ovo va kapingo untungi wa Karunga. ¹³ Karunga opo atapire matumbwidiro kwa Abrahamu, atapa mughano kulidina lya mwene, mukonda ashi kwato wamunene apitakano Karunga. ¹⁴ Aghamba ashi, "Ame nganiku tungika unene ntani ngani vukita unene ruvaro roye." ¹⁵ Mukonda ya lididimikiro, Abrahamu akawanine matumbwidiro. ¹⁶ Mukonda ashi vantu kughna ogho avapitakano. Makura mughano nga uva korekere nakuku upapo dimutangu. ¹⁷ Morwa Karunga kwatokolire aneghede ovo ngava kapingo matumbwidiro ashi ghuye kapi mpango dendi, atapa mughano kumatumbwidiro ghendi. ¹⁸ Karunga nakughambashi vipempa -matumbwidiro ghendi na mughano wendi vino vininke viviri vya pirango kurunduruka atwe, tuyendenu tukawane uvando, renkenu ngoli matumbwidiro ghendi ghatupe mukumo tukare na lihuguvaro lyavyo vina karo kumeho yetu. ¹⁹ Lino lihuguvaro lya kora lya kara shiyimanito sha wato shakukaora mpo twatura monyo detu, Lihuguvaro kwa kara yira likeshe ly amunda ya ntembeli na mavango gha kupongerera, ²⁰ omo aka ngena Yesusa kumeho ngatu kangenemo atwe. ghuye ndje mupristeli wetu wa munenen wa kukarerapo kupitira mu ukarao wa Melekedezeki.