¹ Ano ngoli. litumbwidiro lya kukangena shimpe lina gharuka, tukarenu namukumo mposhi tupire ku kambanitapo vamwe. ² Mbudi ya ruhafo vayitu yuvitira yira momo vayi va yuvitilire vavo. Ano ngoli mbudi kapi yava kwafire, mukonda ashi kapi vayitatambulire na lipuro. ³ Kukwetu atwe twapuro ngatu kangena mushirongo shalipwiyumukiro, yira momo agahmba ashi, "Ame kwaghana mulishandu lyande ashi, vavo kapi ngava kangena mushirongo shande sha lipwiyumukiro." Ghuye kwa ghambire vino nampili momu vyapwa viruwana vyendi pa lishito lya udjuni. ⁴ Matjangwa kwa ghamba pa vango ghamwe vya kuhamena kuliyuva lya Utano na uviri ashi: "Makura Karunga apwiyumuka kuliyuva lya Utano na uviri kuvi ruwana vyendi navintje." ⁵ Ghuye ava vyukuruka kughamba nka waro ashi: "Vavo kapi ngava kangena mushirongo shande sha lipwiyumukiro.'' ⁶ Mpongoli, vamwe ngava kangenamo, ano ovo vahoviro kuyuvita mbudi ya ruhafo kapi vayenda mo mukonda ya kupira kulimburuka. ⁷ Waro nka shimpe Karunga ayatura liyuva limwe ashi "Namuntji," Omo ghuye ayaghambilire muliywi lya Davit kumayuva gha kuhulilira pakughamba nkango dakuhoverera ashi: "Namuntji nkene muyuvha liywi lyendi, mwasha kukuta dimutjima denu." ⁸ Mbyovyo ashi ndi Yoshwaa avhulire kukatikita muhoko mulipwiyumuko, Karunga ndi kapi avhulire kughamba aturepo liyuvha lya peke lya kuhulilira. ⁹ Shimpe mpolili liyuvha lya Sabata liyuvha lya lipwiyumuko oly aturapo lya vantu va Karunga. ¹⁰ Kehe uno wa kangena mulipwiyumiko ana hepa kupwiyumukira kuvirughana vyendi, yira momu apwiyumuka Karunga kuvirughana vyendi. ¹¹ Mpo ngoli tukondjenu ngatu kangene mulipwiyumukiro, mpo ashi mumbunga yetu kapishi mukare umwe wa kupira kulimburukwa yira momu vakalire vakuhova. ¹² Mukonda ashi nkango da Karunga kwa kara na monyo na nkondo ntani da twepa unene kupitakana rufuro rwa kuteta kuviri. Dado kungena murutu digaunune monyo na mpepo, ngongo na muhoko-hoko, ntani dado kuyiva maghadaro na liywi lya mumutjima. ¹³ Kwato nampili shishitwa shimwe sha kuvhura kuvanda kushipara shaKarunga. Ngoli navintje vya kara pa ukenu ghuye kuvi mona namantjo natuvantje ngatukatapa virughana vyetu kukwendi. ¹⁴ Muvirugho vino tuna kara namuPristeli wa munene ogho ayendo akangeno muliwiru, Yesusa ghuye ndje mona Karunga, mpo ngoli ashi tukwatererenu ngoli kulipuro olyo vaturonga. ¹⁵ Atwe kapi twa kara namuPristeli wamunene ogho apiro kutu pakera mbili mu upira nkondo wetu. Nani ngoli, atwe kwa kara namuntu ogho apito mumasheteko naghantje, ngoli kapi atura ndjo. ¹⁶ Tuyendenu ngoli nadimutjima nadintje kulipuna lya Hompa wa nkenda, tuka wane nkenda yitu kwafe muvirugho vino tuna yihepa.