¹ Yahudaucin rəma ndawa na tam? Zam riba wuda nən tam? ² Na alfano i duvu tawanke. Səkur gara, nda bari rama da parakta dari Səku i ami Yahudaucin. ³ Yahudawaucin jəgaɓ bari jirewa bin wam? Buka bari jirewakshi a daptana adalta Səku i wana bi? ⁴ Ngalte a dlaɓa kasən bai. Ii sərin kasən, ndaiva Səku da dlaɓi baci jirewa koda nən tawanke mapapiyu. kaki mi nda tarnu, "Ma nda tatki ci na adalta i kunu ramamin ci, ka dlama na kənasar i lakwtu wara nda dena ci i kəma shariyaram". ⁵ Buka adalta wa a tatka adalta Səku nən, to wa rama gəmo? Wa rama du bi ma Səku baci buka adalta, gaɗa wane shitan gəri ii aɗa wa? (Na rama i kunu gamɗaya nəngaiwa). ⁶ Su ngalte a wakata bai! Gaɗa kasən Səku a dlama hagata ii duniya nana? ⁷ Amman jirewa Səku dari papiya ga a bar gədləɓ ii Səku nən, to gaɗa gəmo nɗaa dlama da hagata ga ka baci aipu? ⁸ Nda ramo bi ma, mi nda wudii ja ngadar ma ja ramma, nakat ndo gafkai kasaktu nakshi ma ja ramma "Wa dlama be gaɓshu, gaɗa be bəlan da wakaci"? Hagatak shi dlamən gara kalkal. ⁹ To nana kenan? Wa ramo bi ma wa dlamo nana? ko rab. Gaɗa wa gaduna yahudacin na Helenaucin cam, ma akshi mak dlamu na aipu. ¹⁰ Ka ki mi nda tarnu, "Go baci adalta, ko gayi". ¹¹ Go baci sanuta. Ko gayi na baci maka Səku bai. ¹² Akshi mak ivu na duvu, Akshi mak dlaɓu nakshi go paida. Go baci wana bəlan, a a nabai ko gayi. ¹³ Ngurtlatliyak shi fatawanke ka auɗu wara da rəbta. marnyakshi dlam na luvata. Gazapi mbikɗaɗin a dəɗa marnyakshi. ¹⁴ Məyakshi kulum akunu ngwa barka ndawa na ɗugwagwak rama. ¹⁵ Zəgər shi fatawanke anci nya ii maka pik dədəm nɗawa. ¹⁶ Duvakshi kə ɓaana na bone. ¹⁷ Nɗatku zəga duvu salam bai. ¹⁸ Akshi na kalu Səku bai ii dakshi." ¹⁹ Wa zəgadu mak bewara dumaya ramu, dumaya a rama ii mak ndawa wara a dəɗa gara. Sutku gaɗa nɗa cima məya tike, duniyabu ke mak a nina aɗakshi ii kəma Səku. ²⁰ Sutku gaɗa go nən wara aa di aɗa gəri da rik wana dumaya ii kəma gəri. Atəro zəgaya aipu ani darik dumaya. ²¹ Amma gusku kasau banda adaltak Səka wara gazəgayak darik dumaya. Ga saidatak darik dumaya na nabaucin, ²² Wato, adlta Səku dari bari jərewa ii kunu Yeso Masipu ii ndawa mak wara bari na jirewa. Atəro damadama bai. ²³ Atəro ndawa mak dlamu na aipu martapak shi ke mbotən gara ii rik Səku. ²⁴ Nda vəyi na akshi gaɗa bewambai dari herr gəri gaɗa dləgda wara Yeso Masipu dlamu. ²⁵ Amma Səku barna Yeso Masipu wara aci ne sanam rra dari bar jirewa i kunu dədəm gəri. Aci barina Masipu i mbasu tabbas adalta gəri, gaɗa shali aibabinwa kə akau. ²⁶ I kunu kəmar gəri. Sutku mak wakatu gaɗa nda tatki adalta gəri i zaman tuku, gaɗa da tatki aɗa gəri baci jirewa, da tatki ke aci viyi na nən tawanke gaɗa bari jirewa ii kunu Yeso. ²⁷ To ənda pariya? Nabai. Gaɗa gəmo? Gaɗa wana? A'a, amman gaɗa bari jirewa. ²⁸ Wa dama na ramau ma ndaa viya gənən dari bari jirewa amma gaɗa wana dumaya bai. ²⁹ Dugo Səku gu Səku Yahudaucin rukshi bi? Aci Səku ndawa mi ziga Səku bai cam? Kasən, Ki ndawa mi ziga Səku bai cam. ³⁰ Səku gayi nən, aci a viya na nda wuda dari bari jirewa, ndawa mi go wuda ke a viya na akshi da kunu bari jirewa. ³¹ Wa ma du bi ma dumaya na paida bai ii kun bari jirewa? Ngalte! Ii sərən gu, wa saksakta dumaya.