¹ To waramo matam iɗak Ibrahim, kakawa kə təka, aci batam? ² Da Ibrahim bana viya dari wana gəri nən, ai da aci bana dalil pariya, amman ii kəma Səku bai. ³ Zam kakkadu Səku ramu ma tam?" Ibrahim bari na jirewa ii Səku, sai nda "nyi atu adalta ii aci." ⁴ Gusku kasau aci wara dlamu wana, lada wara nda bari ci ii vatku bai, amman be wara kəri. ⁵ Amman ii nən wara dlamu wana bai amman ii sərən gu bari na jirawa ii baci viya ndak aipu, bari jirewa gəri dlaɓən gara adalta. ⁶ Dauda ke a barkawata nən wara səku ɗawuna aci ii kunu nda adalta wara go wana. ⁷ Aci da ramma, "Nda barka ne ndawa wara nda təptu dikshi aipapin shi, na ndawa wara nda cimu na aipapin shi. ⁸ Baci barka nən nən wara Məgənyi a naa aipu gəri bai." ⁹ To nda barkawatu ndawa wara dauda rukshi rra na ndawa wara dauda bai cam? Atəro wa ramu ma, "Nda dlam lissafi bari jirewa Ibrahim ii miya adalta." ¹⁰ To nda dlamu lissafu ka nana? Lakwtu mi Ibrahim da wuda rra, lakwtu mi aci da wuda bai? Lakwtu mi aci a kunu wuda bai, amma a kunu buka wuda. ¹¹ Ibrahim gənu gənawa wuda. Sutku atune tabbas saida kə adalta kə bari jirewa wara aci na atu tun aci a kunu wuda bai. Paida gənawa tuku ɗawa ci da dlaɓən gəri afək mak ndawa wara bari na jərewa, ko da akshi a kunu wuda bai. Be ɗawu kenannda ɗawu akshi i kunu ndak adalta. ¹² Sutku cam be ɗawu Ibrahim dlaɓən gəri afək wuda i ndawa wara da wuda rugara bai, amman gaɗa ndawa wara a ɗəga aku bari jirewa afəkwa Ibrahim damba nda wuda ci. ¹³ Atəro alkawar wara nda dlami Ibrahim na kadugum gəri wara ma aci a dlaɓa baci gadota duniya gaɗa dumaya bai amman gaɗa adalta barik jirewa. ¹⁴ Atəro ndawa wara a ɗəga dumaya a dlaɓa nakshi nda gadota nən, barik jirewa dlamən gara be wambai, alkawar ke be wambai. ¹⁵ Atəro dumaya a nina dləmatu gəshi, amman ri wara na dumaya binən, riwu a dlaɓa na dlaɓa na be gaɓshu bai. ¹⁶ Atǝro be ɗawu su da wakaci dari bari jirewa, gaɗa alkawar gu da dlaɓi i ɗak herr mi nda bardu i kadugum Ibrahim tawanke, kuru gaɗa ndak dumaya rukshi bai, amman na ndawa wara na mpi gǝshi zada kǝ Ibrahim, aci wara afǝk wa mak. ¹⁷ kakǝ wara da tarna, "Na ɗawu na ci afik kə lardi gawa." Ibrahim ke a kəma gəri wara ardatu na aci, wato Sǝku, wara a bari arro i ndawa wara gamtak kuru da ɗawi be wara a wakata bai da wakaci. ¹⁸ Dək a kunu hal wara nda kunu, Ibrahim barna jərewa tlapar ii Sǝku ii ɗa be wara aye wakata ii kǝma. Aci ke dlaɓǝn gəri afək kə lardi gawa, kakǝ mi nda ramu, " kadugum ci a dlaɓa kasən." ¹⁹ Gafaka ta aci bai ii bar jərewa. Ibrahim sanutu du ii ɗa təƙa gəri na awayu kǝ bi kutli wambai (gaɗa aman gəri damtu danamaƙ). Aci zəga du Saratu ke a dǝmu ɗi kutli wambai. ²⁰ Amman gaɗa alkawar Sǝku, Ibrahim kasaktu bai na buka bari jirewa. Ii sǝrǝn gu, se aci daa bi na ɗauzata ii kunu bari jirewa kuru aci da bari saksakta ii Sǝku. ²¹ Aci bari naa jiirewa tlapar ii ɗa bee wara Sǝku dlami ci alkawar dǝma naa jibkau. ²² Wate sutku dlaɓǝn gara adalta ii aci. ²³ Bitku nda tarrnu gaɗa ampata gəri rruugara bai, amman nda madii ci ii ɗa adalta. ²⁴ Da tarrna gaɗa wa cam, wara nda naa wa ii kun ndawa wara bar na jirewa ii baci tlatli Yeso Məgənyi da mutu. Aci ke wara nda baru gaɗa aipawa kuru nɗa tlatla ci da kunu ndawa mi gamtak. ²⁵ Aci ke wara nda barI na aci gaɗa aipawa, kuru nda tlatlaci gaɗawa.