¹ Gaɗa kasən ci na be karamo bai, ci nəngaiwa, baci hagata, gaɗa be mi wara ka hagatau i ndawa ci cam ka kunu, gaɗa ci baci hagatau ci cam ka dlama be akshi a dlamau. ² Amma wa zəgadu hagata Səku kə jirewa wara a vəgi i aɗa ndak dlama wana tuku. ³ Amma a dlam hankal na bitku, ci nəngaiwa, baci hagata nda dlama bitku, gaɗa ciye ka dlamau. Ka tumangu ka sana aɗa hagata Səku bi? ⁴ Ko ka muwana gawa herr gəri, na rota kabine gəri, na ƙimar gəri? Ka zəga bai herr gəri dlamu gaɗa da yi nakun i tubi? ⁵ Amma gaɗa gauɗak aɗaci na gəshi ƙi kurik tubi ka 'yuwayi shitan Səku i aɗa ci i gafa shitan, wato, i gafa parakta hagata jirewa Səku. ⁶ Aci a ngumu di tike kalkal na be mi a ci dlamu, ⁷ Ii ndawa wara kulum a kunɗa wana herr bai, akshi a biina gədləɓ, na martapa, na rakan iiɗak jirewa, aci a bari dikshi aro mi go dadgəri. ⁸ Amma ii ndak ntuta aɗa, na nda kuri jirewa, na nda dlama buka adalta, shitan na dləməɗ gəshitlapar aani. ⁹ Səku aani na dlamra na aiwa gəshi iiɗa ndawa wara a dlama ƙəmangar, ii Yahudaucin səkur se Hellinaucin. ¹⁰ Amma gədləɓ, na martapa, na salam aani i nən tawanke wara a wana herr, ii Yahudacin səkur sai Hellinaucin. ¹¹ Gaɗa na ntu aɗa bai iri Səku. ¹² Gaɗa mak ndawa mi dlamu aipu lakwtu mi na dumaya bai, a kambeta nakshi go dumaya, mak ndawa mi dlam aipu i lakwtu dumaya nda dlameksh hagata na dumaya. ¹³ Gaɗa nda kəmu dumaya ro akshi nda adalta ii rik Səku bai, amman nda wana na atu akshi aa bina rra. ¹⁴ Gaɗa ndawa wara zəga Səku bai wara akshi na dumaya bai, akshi dlamu na be kə dumaya, akshi na aɗakshi dlamu nakshi dumaya, ko da akshi na dumaya bai. ¹⁵ Gaɗa kasən akshi tatku be wara dumaya ancu dik da tarna akun gəshakshi. Be kuraramshi abar seda ii a dakshi, gəshakshi a gadakshi ko dar'i aɗakshi. ¹⁶ Kasən ke ii rik Səku. Sutku a dlaɓa i gafa wara Səku aani da hagaci duniyabu mak, kakə labar herr mi na dlamu, i kun Yeso Masipu. ¹⁷ Amman ka ɗauri aɗaci Bayahude, ci dambasu a ɗak dumaya, ka kəma adla ci i kunu dləgun Səku nən, ¹⁸ Ka zəga na ntu gəshi gəri, ka zəga na be tawanke mi kalkal gaɗa ka bana gugʒa da kun dumaya; ¹⁹ harr ci na aɗa ci ka ardatinaci ma ci baci zari dluguyu, bayan i ndawa mi akun ayuwa, ²⁰ ba ci ɗəma ndawa mi na asumbai, baci gugʒa i mamu gangamin, cina zigawa i kun dumaya kə zigaya na jirewa, sutku a dlama gəmo iiɗa mbasu wara ka dlamau? ²¹ Kun wara kwa gugze ndawatku kwa gugze i aɗakun bi? Kun wara kwa waʒik nda dlama kəra bai, kwa kəra bi? ²² Kun wara kwa wazik nda dlama tapai bai, kwa tapai bai? kun wara kwanci garəm bai, kwa kəra bi ii kunu susu magita? ²³ Kun wara kwa pariya na purdai i kun dumaya kwa bukə bari martapa ii Səku biko ii kunu rama mi kwa dlamau iiɗak dumaya? " ²⁴ Atəro "nda bari martapa ii dlugun Səku bai ii gadava ndawa mi zəga Səku bai gaɗa kun," kaki mi nda tarnu. ²⁵ Lalle kuwa wuda kun na alpanu sosai i rikun, kwa ɗəgəna dumaya nən, amma kwa ɗəgə dumayau binən, wudakun dlamən gara wuda bai. ²⁶ Nən da wuda binən amman ɗəgə na mak be wara dumaya ancu, kane nda ma buka wuda gəri i miya wuda bai? ²⁷ Nən wara da wuda bai a raɓa kun bai aci ɗəgə na mak be wara dumaya anci nən? Sutku gaɗa kun na dumaya da tarn na wuda cam, amman kwa ɗəgau bai! ²⁸ Atəro Bayahuda kə jire acine mi nda 'yawa ci dari təka bai; wuda kə jirewa atine mi nda dlamu i kunu təka bai. ²⁹ ammam aci mi Bayahude i gəshi, ai acine Bayahude kə jirewa, wuda kə jirewa atine wuda da gəshi, kə Nunuwa səku, dari wuda təka bai. zada nən tuku gədləb gəri ani dari ndawa bai, amman ani dari Səku.