¹ I Bulus, GuʒubYeso masipu, da ɗaura da dlaɓ muwanak, kuru ndampaci cam gaɗak muwanak herr Səku. ² Sutku atəne labar herr wara aci dlam alkawarr tun waci dari nabaucigiri da kunu kakkadi gəri mi go aipu. ³ Gaɗa wungəri, wara nda 'yawu da kadugum Dauda da gəre təka. ⁴ Dari tlayi da kunu mutu zəgər gayi, dlaɓən gəri wun Səku baci kərmai dari Nənuwa Səku mi go aipu, Yeso Masihu Məgənyawa. ⁵ Wa gənə herr na wanak muwanak gaɗa ladaɓ iman ikun ndaƙ duniya, gaɗa martapa dləgungəri. ⁶ Nda ɗaure na kun ke da kunu duniyabu kwa dlaɓə nakun kə Yeso Masipu. ⁷ Taran təku ikun wara kwa kunu Roma, kun wara Səku ntutu, wara nda ɗaureu da dlaɓ go aipu. Herr da dlaɓa i kunakun na salam dari Səku afukwa na Masipu Yeso Məgənyi. ⁸ Sukur, na sambakatə Səku ga dari Yeso Masipu gaɗa kun, gaɗa bari jirewakun da zəgaya i kunu duniya mak. ⁹ Baci saida wga nən Səku, wara na dlameci gusapəna na nunuwaga i kun labar herr ƙi wungiri, wara fatawanke na ramakun. ¹⁰ Fatawanke na makau i kunu magitaga Səku da banatayu na zaji rikun kəlappiya. ¹¹ Atəro naci naiki kun, gaɗa na bari kun zəgaya dari Nənuwa Səku gaɗa ɗa na ɗauʒacikun. ¹² Na mpik gəshi nabi ɗauzata tlapar da kuna kun, dari bari jirewa tike, kukun na ka cam. ¹³ Nanci kwadlaɓa na rashi zəgaya bai, yaganaucinga, i fatawanke a gəshiga nanci nayi i rikun, amman naba laktu bai sai gusəsku. Nancu kasən gaɗa nabi kutlai i gadava kun kaki mi na bau da kunu ndawa mi ziga suku bai. ¹⁴ Na dukshi a ɗaga ƙi nda helinaucin na gagzhin ndiwa, na nda asən na ndawa mi na asən bai. ¹⁵ Iyiu ga shiryatak, na Yayaci labar herr i kunakun wara kwakun Roma. ¹⁶ Gaɗa I yu na kəmu zhuru labar herr kə masipu yeso bai, gaɗa atuu kərmai Səku ii nye rra i nən tawankə mi bari jirewa, gaɗa Yahudaucin sekur se Henaucin. ¹⁷ Atəro ikun gara nda tatku jərewa səku dari bari jərewa i nye bari jərewa, kaƙi mi nda tarnu, "Baci adalta abi aaro dari bar jirewa " ¹⁸ Atəro shitan Səku viri i patata da dəsku gaɗa ndawa wara kə Səku bai na ndak buka adalta, ndawa mi dari buka adaltak shi da dəɓshi na jirewa. ¹⁹ Gaɗa kasən be wara ndasgau i dak Səku virin gara i patata i akshi. Gaɗa Səku tatki dikshi. ²⁰ Gaɗa tun dlamk duniya lamari Səku mi a launa bai, akshi ne kərmai gəri na Kakaskukuina gəri gasgayak i patata, i kunu be mi aci dlamu.Gaɗa kasən ndawa na gamɗaya bai. ²¹ Gaɗa kasən akshi zəga na Seku yaye, akshi saksaktaci kakə Səku bai akshi sambarkataci ke bai. Gaɗa kasən akshi dlaɓənakshi kakaɓawaɗ i kunu kuraramshi, gəshakshi mi go asən da dlaɓən gara aiwa pələk. ²² Akshi mana aɗakshi ndak asən, amman da dlaɓə nakshi kakaɓawaɗ . ²³ Akshi da misci na kərmai Səku mi a mutu bai na gə nawak nəngayiwa baci mutu, na ƙi ɗutatin, na fayin, na nda zəgir fuɗu, na nda vaga kunakshi. ²⁴ Gaɗa kasən Səku barna akshi da dlam be gabshi dari gabshi ntu gəshakshi harr a dlumuɗ na təkakshi i gatukshi. ²⁵ Akshi ke paltəna jirewa Səku na papiya, harr da dlam nakwana i garəm i sərən Səku baci saksakta har dəmaro. Amin. ²⁶ Gaɗa kasən, Səku da barnakshi i dlama bik zhirau, her amatinshi paltina mbasakshi kə gagaya na kə zamam . ²⁷ Gamsaɗin ke daivina mbasakshi kə gagaya na amatin shi, da kaci nakshi i maka təkakshi. Gəmsək na gəmsək a dlama bik zhirau harr akshi a sa kabine kalkal na dlagaɗ shi. ²⁸ Gada akshi kurna gənyi Səku i kunu zəgayakshi, Səku barna akshi i hal vatku, akshi da jib dlama be wara kalkal bai. ²⁹ Gishakshi ga niyak na buka adalta, kəmangar, ta gishi, na kalɓe, na tik gənən, na tlatliankal, munafukkwaina, na gaɓshi hall. ³⁰ Nda ruburubu na ndak wuda ngadar, nda kuri Səku. Nda tlatli ankal na nda gauɗak aɗa, nda tlimatu, na nda wuda be gabshu tawanke, na nda kuri kərəmta ma'yawakshi . ³¹ Nda aiwa gəshi; nda ta aman, na nda kuri ntu ndawa, na nda buka mugurəm. ³² Akshi zəgana be mi Səku anci bai, ma mak nda dlama bitku a tuman mutu da jibna akshi. Amman akshi a dlama bitku rugara bai, harr a gudaf aku ndak dlama biwu. ̇