¹ Gaɗa kasǝn, ci wunga, a dlaɓi naci gaɗagwaitak ii kun herr mi akun Masihu Yeso. ² Be mi ka kǝma dari ga da wita saidaucin gawa, a jubaci ii ndak jirewa wara a dumu na gugze ndawa dama cam. ³ Ashi ravan iɗa gayi kakə askarabu jirewa kǝ Masipu Yeso. ⁴ Go askarabu wara a dlam guzapǝna sartu mi aci a kunu wəjir təkakwina, sannan dampi gǝshi marum gǝri. ⁵ Nǝn wara a marmare rawa nin, nda ba ri ci lada bai dǝgo, se damu marmare da ri ɗǝga dumaya rawa gu. ⁶ A dlaman gara kalkal baci kampuwai ruwai da gǝnyi kurak kare kam gəri kə sǝkur. ⁷ A dlam kuraram iɗa be mi na rame ci, Sǝku ro a bar di ci parakta i kunu be tawanke. ⁸ A tanyi Yeso Masipu, da zadak Dawuda wara nda tlatlau da kunu ndawa wara gamtak. Kakǝ mi labar herr ga ramu, ⁹ wara na sa kabine herr nye takwas ka ba ci aipu. Amman tǝlam Sǝku da takwsa bai. ¹⁰ Gaɗa kasǝn na kasaktən ga na be mak gaɗa ndawa wara Sǝku cikɗu, gaɗa akshi ke da bi rra wara a kunu Yeso Masipu, na saksakta harr dəmaro. ¹¹ Rama tuku ro kə jirewa: "Wa mutu na Aci nən, waye dlaɓa na aro na aci wam. ¹² Wa dlam kəmar nən, waye dlama garva na aci. Wa dlam gamɗaya zəgi gǝri nən Aci ke a dlama na gamɗaya zǝgi wa. ¹³ Wa ndak jirewa nən, Aci caman baci jirewa, atəro Aci a dlama gamɗaya aɗa gǝri bai. ¹⁴ A jǝb tanek shi bitku mak. A gaɓdak shi ii kǝma Sǝku, da dlama tləri ii ɗa tǝlam bai. Gaɗa su tuku go be wara na paida. Gaɗa sautku a dlaɓa na kambeta ii nda kǝrǝmtau. ¹⁵ A dlam azama gaɗa ka bari aɗaci wara Səku gənidu, baci wana wara go be a ɗawau da kəmə zhirau, Wara a gubza təlam jirewa kalkal. ¹⁶ Ka nəbka aɗa ci na nda rama vatku bai, wara a ɗawa naci ii kunu be wara kə Səku bai. ¹⁷ Ramakshi a dladlɓa ka dlaya. Himinayus na Filitus a witakshi. ¹⁸ Ndangu ro gwapu nakshi darik jirewa. Akshi a ramo ma tlayi da mutu wakatən gara saram. Akshi bəzhgəna iiman ndawa jǝgab. ¹⁹ Duk na kasǝn, ləma wara Səku mpa shu gu kasaktəngara. Aɗagara na taran tuku: "Sǝku zǝgana ndawa wara kəri" kuru "Nən tawanke wara sanəna dlugun Səku nən aivana mak be wara kalkal bai." ²⁰ Ii kunu wunduwa mi na bǝrǝɗ nin, gərgiya dinar na azurfa rukshi bai. Na dəm na rǝba cam da cacpa a baka. Gərgiyayin gafkai nda wana na akshi ii bik martapa, gafki ke kə wana wara ga muwayak ²¹ Nǝn ciriɓtə na aɗa gǝri darik wana wara gamuyayak nən, aci dlaɓən gəri gərgiya wara kə wana martapa.mbasu mi go martapa nin a dlaɓa kǝ karak wana mi na martapa. Nda ciriɓta na aci, da baci paida ii baciwunduwa gǝri, aci ga saparata gaɗa wana bǝlan tawanke. ²² A rawi naci dari jarapta ki mapǝndi kwina. A ntuci adalta, iman, ntau, na mbasə kəlappiya na ndawa wara a ɗaura dlǝgun Mǝgǝngyi da gǝshi gayi. ²³ Amman kwa dlama jaya kakaɓukwina na rashi zǝgaya bai. Atəro kwa zǝgadu a nina gamɗaya gawa. ²⁴ Gabayi Sǝku da dlama tliri bai. Da miya kasǝn, da dlaɓa ba ci sǝna aɗa i tike, da dlam gugza na kanadi. ²⁵ Dolle, da bari aɗa gǝri da gugzhi nda kuri gǝri. Dawanange Sǝku a bari dikshi lakwtu da dlam tubi ii kunu zəgaya jirewa. ²⁶ Akshi da kalakci nakshi ii kun ankal shi, daivəna arakuk lǝspǝr, lakwtu mi aci jebna akshi gaɗa ntu aɗa gǝri.