¹ 'Iyu Bulus muwanak Masihu Yeso dari ntuta Sǝku, da ri alkawar əi aro wara a kunu Masihu Yeso. ² I Timoty, matkam ntuta: Herr, mugurum, na salam da rik Sǝku Afǝkwa na Masihu Yeso Mǝgǝnyawa. ³ Na sambarkata Sǝku wara na dlami ci nakwana da ri kakancin ga na gəshi bǝlan sartu tawanke na tana ci ii kunu magita ga dǝviɗ na afa. ⁴ Sartu mi na tanə saurai ci nən, ii na kuno lawan ci gaɗa na dlaɓ na pǝrɗai. ⁵ Nda tana ni bari jirewa imanci mi ba asali dari kaka ci Loyis na mi ci Afiniki. Ii na tabas nasgadu dambasu a kuna ci cam. ⁶ Su tuku ne be dawu na tana ci ma ka səkunyi aɗa bari Sǝku wara a kuna ci mi kabau dari impi aikwak ga i aɗa ci. ⁷ Atəro Sǝku bariwa Nǝnuwa ki kalau bai, amman bariwa kǝ kǝrmai na ntau na jǝba aɗa. ⁸ Gaɗa kasǝn ka dlama zhiru saida i ɗa Mǝgǝngyi bai, ko 'Iyu, Bulus, mi nda takwsu gaɗa gǝri, gaɗa kasǝn a dlam shiri ka shi bone iɗa wazik darik kǝrmai Sǝku. ⁹ Sǝku ke rra wa kuru da dauriwa na daura mi go aipu. A ci dlam kasau, gaɗak wana wa bai, amman gaɗa sapre gǝri na herr gǝri bariwa sau i kun Masihu Yeso damba zaman kə sǝkur zaman. ¹⁰ Amman gususku nda rǝptidiwa rra Sǝku dari pakayi baci rra wa Masihu Yeso, Masihu ke de na dadəgəri mutu da ni na aro mi go dadigiri wara deu da ri wazik. ¹¹ Gaɗa kasau, nda ɗawuna iyu ba ci wazik, na mawanak, na malum. ¹² Gaɗa su ne na sa bone iɗa bitku mak. Amman na kǝmo zhirau bai, gaɗa nazgana aci nən wara na bar jirewa ii kunu gəri. Na barna jirewa aci nkalta na be mi na bari ci harr i gafo tunu. ¹³ Ankalci gǝnawa jirewa saktu mi ka kǝma dariga, da ri bar jirewa na ntu mi a kun Masihu Yeso. ¹⁴ Be bǝlan wara Sǝku ba ri ci, a cirəpci du da ri Nǝnuwa Sǝku, wara da mbasu a kunawa. ¹⁵ Gasgana sau, ndak mbasu ii Asiya gwapənakshi da aku ga. I kunu cappau na Fasalas na Harmajanas. ¹⁶ Sǝku da dlama kanjino ii yal Onisfarus, gaɗa aci a dlama ni wana tlapar, kuru kǝma zhirau takwas ga bai. ¹⁷ Gaɗa kasǝn, sartu mi aci a Roma, makayu na gəshi gayi, kuru dabina Iyu. ¹⁸ Mǝgǝngyi da dawi dabi kanjino dari gǝri i gafau. Duvu mak wara aci banatayu ii lardi Afisa kwasgadu.