¹ Ka gərne aɗa nən gazgara bai. se de ka gabɗakshi kakə ma'yawi. A gabɗi mapəndawaɗ kakə yaganaucin ² A gabɗina gwangurauccin amatau kakə miwaɗ, dababkin ke kakə yaganaucin gamaɗ ikun be bəlan. ³ A saksakci gudugwamcin, gudugwamcin ki jirewa. ⁴ Amman gudugum mi na kutlai ko kakancin nən, akshi da jəba dlama saksakta ikunuk yaal shi. Akshi da jəba nkalta gazgaraucin shi, gaɗa sutku a parakta na gəshi Suku. ⁵ Amman gudugum ki jirewa mi atu rugara, dampa gəshi gara iɗak Səku. Fatawanke atu a jaya na magita dəvid na afa. ⁶ Amman ama mi ntu karak nabai mutən gara, ko atu na aro yaye. ⁷ A dlam wazik bitku gaɗa da dlaba bi nanga bai. ⁸ Amman nən me adumu ngumuk jikti yaganaucin gəri bin, musamman yal wunduwa gəri, dlam na gamɗaya barik jirewa gəri, wate gara nən mi a ɗiga bai iɗa gəri. ⁹ Ama a dlaɓa gudugum bai se dlan aman gumu-zədu (60), ama mi misək gayi. ¹⁰ Ndaazgatu na wananin canduwa, gaɗa atu a shalina kwthli gara, ko atu mi ginyi magirafcin, ko mi viya zəgir ndak ɗəga, ko mi banata ndawa wara nda ravanshi, mi ɗawa aɗa ikun dlama wana bəlan tawanke. ¹¹ Amman i aɗak gangamin gudugwamcin, kwaɗawakshi kun naa bai. Gaɗa avəginakshi kun ntau ki təkakwina mi ate funa gayi bai na Masipu, akshi a ntutana zəba. ¹² Da ritku ke akshi chachpuna ngubta i aɗakshi baɗa akshi tlatlana alkawarshi ki səkur. ¹³ Tlam nakshi na hal ki taskinkwina, a jiba wudadar wənduwa damadama. Akshi a dlaɓa taskin jab bai. Amman harr a dlaɓa nakshi ndak rubu-rubu na ndak akaktəka. Akshi a jiba rama be wara atu bai. ¹⁴ Gaɗa kasau, nanci gagamin gudugwamcin da dlan zəba, da 'yawi kutlai, da ankalci na wənduwa, gaɗa da bara lakwtu ii nda kurawa da gadawa na wana vatku bai. ¹⁵ Gaɗa jəgab nabai dlagdinakshi aɗiga lisper. ¹⁶ Inde ama mi ɗiga na gudugwamcin nin, da tambakshi gaɗa dampak dukshi iɗa Iklisiya bai, gaɗa Iklisiya dabanaci gudugwamccin ki jirewa. ¹⁷ Gazgaraucin wara a dlama garva bəlan nda dlamekshi saksakta tlapar, kakə ndawa wara a wana na marnyi bəlan na gugza. ¹⁸ Atiro rama Suku ram ma, "Kwaɗawa chambi bai i miyak thla lakwtu mi a dika au nin," gaɗa "mbasən gara nda ngumi baci ngənpu kalkal na miya nginpu gəri." ¹⁹ Ka kasakta bai na nanga i aɗak nən gazgara se na saidadin shirin ko kwan. ²⁰ A girnyi i aɗa ndak aipu i kəma tiye gaɗa gagizhingu dakəmi kalau. ²¹ Na niɓka ci na Səku na Masihu Yeso na melakawaɗ mi nda chikɗu, gaɗa ka ɗəgi duvu tuku banda dləməɗ dləgun, ka dlama tanke na tatka kurak bai. ²² Ka dlama kampuwai ii mpi ammai ii aɗa ginən bai. ka nipka aɗaci ikunuk aipu ɗagai bai. Ajib adaci ikun canduwak dlama. ²³ Ka sa sa aamgəji rugara wambai. Amman i sərən sən, asi aam inabi rab gaɗa kunaci na gawa dagas ci. ²⁴ Aipun ndo jigab da zəgaya a patata, tən dari hagatakshi. Amman ndo jəgab aipakshi nda zəgi gu dakau. ²⁵ Kasən ke ndak dlama wana bəlan wanakshi a patata, amman wara da tatka bi yaye a dəɓsa bai.