²⁰ Timoti, ankalchi na be mi nda bariciu. Athlab pudum dari rama thibginu na be mi anna gamdaya mi ndak papiya adaro ma zigaya. ²¹ Ndo jigab ayayata sau amman har da gwapi nakshi da duvo jirewa. Her da thlaba na ci. ¹ Abzina ndawa mi guzabcin a diɗa afafkin wunduwakshi da dlaɓ na martapa. Akshi da dlama kasau gaɗa kar nda nangi dlugun Səku na gugza gəri. ² Guzabcinwara wara na afafkin wunduwa ndak ɗəga da muwekshi bai gaɗa akshi yaganaucin. Gaɗa kasən, da dlamek shi wana fatawanke. Atiro afafkin wunduwakshi wara aata barka wanakshi ndak ɗəga kuru nda ntutu na akshi. A gugzhi ka dlam rama i ɗak jandau. ³ Dlaɓən gara ɗagai a gugza be dama nən, kasaktu na gugza chanduwa tuku binən, wato rama Məgənya waYeso Masipu. Dlaɓən gara akshi kasaktu na gugza wara kə Səku binən. ⁴ Nən tunu baci aɗa gauɗak, kuru gobe aci zəgau. Gaɗa kasən aci baci 'yuwa rama na gamɗaya idak ramau. Zada rama tuku aanina ta gishi, 'yuwa rama, na dləməɗ gəshi na gabshu tuman, na ⁵ gawak tliri i gadavak ndawa wara gəshakshi anci be kalkal bai. Akshi kurna jirewa. Akshi a tuman kaa be wara kə Səku atu ne dəvuk bərəd. ⁶ Gusku kasau be wara kə Səku na mpi aro atəne marəm riba. ⁷ Atəro wade na be bai ii duniya. Wa dəmu ma bewambai ke da kunu gara. ⁸ Gaɗa kasən wa dlama kəmar na bikta na kachum. ⁹ Atəro ndawa wara anchu burəɗ a vəginakshi ii kunu kaktla, na kunu arakau. A vəginakshi ii kunu bik dləbgənu na bidlaɗu, na kunu betawanke wara a ɗawa ndawa da təfu nakshi ii kunu dləməɗ na ɓana. ¹⁰ Atəro ntu dagwda atune aaru kəmangar tawanke. Ndo jəgab iri maka dagwda dlagdənakshi darik ɗəga jirewa, da dlapəna aɗakshi na aiwa kunu tlapar. ¹¹ Amman ci, nən Səku, arawu naci da miyakshi, aɗigi jirewa, ɗəga Səku na gishi gayi na ntau na kanadi, na ankal. ¹² A dlamina dligəɗ, dligəɗ bəlan ki bari jirewa. A jəb aro wara go dadəgəri wara nda ɗaurəci i gaɗau. I aɗak sau ka bar saida i kəma saidadain gawa i aɗa be bəlan. ¹³ Na barici linok tuku i kəma Səku baci ɗawa be wara na a aro tawanke da dlaɓi, na kəma Masihu Yeso, baci rama jirewa i Bilatus Babanti: ¹⁴ a ɗəgi dumaya bəlan, na bi nanga bai har ni Məginyawa Yeso Masihu ¹⁵ Səku a tatkana pakayi geri ii kalkal lawktu, Səku wara Gabarkawatak, getak geri baci kərmai, Dəgəm baci garva, Məgənyi baci garva. ¹⁶ Aci rugəri wara aa mutu bai, wara dambasu a kunu ɓayan mi ndaye damtugu bai. Go nən wara a lawan gəri ko da sanuta ci. Saksakta na kərmai mak da dlaɓa kəri. Amin. ¹⁷ A gab'i ndak bərəɗ kə duniya tuku da kəma adlakshi bai, akshi dampa aro idak bərəɗ wara go pərtik bai. Amman dampa arokshi i ɗak Səku wara a bariwa bərəɗ ki jirewa gaɗa kəmu karak. ¹⁸ A ramikshi da dlam be bəlan, da dlam bərəɗ i kunu wana bəlan, da dlaɓa ndak bari na gəshi getak, akshi da jiba tarɓa be ii ndawa. ¹⁹ Dari kasau, akshi a dlama na mpayi be bəlan gawa ii kunu be wara aye nii, gaɗa akshi da mbashi ii kunu aro ki jirewa. ²⁰ Timoti, a chiripchi be wara nda bariciu. A dlaɓ pəɗum dari rama dləɓgənu na be wara anina gamɗaya mi ndak papiya aɗauro ma zigaya. ²¹ Ndo jigaɓ a yayata jandau harr da gwapi nakshi da duvu jirewa. Herr da dlaɓa na ci.