¹ Ramatuku tabbas: in nən ntutu da dlaɓ marum ko baci nute kəma i səsau magita nin, aci ntutə na wana bəlan rankata. ² Gaɗa kasən, dolle marəm Iklilisiya da dlaɓ na bik nanga bai. Da dlaɓ baci aama gayi. Dolle da dlaɓ babujiba aɗa gəri baci ankal, baci ntu magirafccin. Dole da dlaɓ baci gugza. ³ Da dlab baci sa səma bai, na baci gamdaya bai. Gaɗa kasən, da dlaɓa baci jəba aɗa gəri, baci salam. Baci ntu dagwada bai. ⁴ Dolle da ankalti na wənduwa gəri bəlan, kuthli gəri da thlab ndak ladab na bari marum kwina. ⁵ Gaɗa in nən zəga ɗəgana wənduwa gəri bin, a dlam nana da nkaltci Iklisiya Səku? ⁶ Da dlaba baci kararak tubi bai, gaɗa kar aɗa gəri da tlatlari da təfin gəri ikun hagata wara nda dlame ləspər. ⁷ Dolle da dlaɓ baci dlugun bəlan ikun ndak ɗa, gada kar da vəgən gəri i kunu zhirau na kun arakau ləspər. ⁸ Kasən ke dikənaucin da dlaɓa ndak hal bəlan, ndak rama shirin bai. Mbasu bai da dlaɓ ndak sa səma ko ndak mbamba. ⁹ Akshi da dlaɓ ndak jəba jirewa wara nda tatkikshi na gəshi gayi. ¹⁰ Se nda Kaktlak shi sukur, nda bakshi na aipu binən, akshi da dlam wana gaɗa akshi na rama a aɗakshi bai. ¹¹ Zam na kasin amatu da thlaba ndak jəba aɗa. Akshi da dlaɓa nda ngadar bai. Amman ndak jəba aɗa na jirewa ikun tanke. ¹² Dole marmamin ndak wazik da dlaɓ ndak ammatu gayi gayi. Akshi da shalina kutlikshi na yalshi mak. ¹³ Atiro ndawa mi thlan wana bəlan bana irdi bəlan gishi getak ikun bari jirewa i kunu Masipu Yeso. ¹⁴ Na tarne ci bituku, na tumangu na ni i rici yəwan dantau. ¹⁵ Amman in naskwakwiyin ga nin, na tarne ci gaɗa ka zəgi be wara ka rakəna na be wara ka thlamau i kunu wunduwa Səku. Wato ndak ɗəga Səku baci aro, baci jiba na rotak jirewa. ¹⁶ Go gamɗaya iɗak parakta jirewa be wara kə Səku marim: "Aci pakew i ikunk təka, Nunuwa Səku viyi na aci, melekawaɗ dai kaci, nda Kassaktina aci i kunu duniyabu, nda barna jirewa i aci i kunu duniya, da sən ndami na aci i dəsku i kunu garva.