¹ Gaɗa kasin sukur gara, nancu be wara nda makau, na magita, na dlamak magita gaɗa ndo jəgab, na bari sambarka, nda thlama kasau gaɗak ndawa mak. ² gaɗa dəgamcin na ndak garva, gaɗa wa dlam mbasu kəlappiya na mbasu na hankal i kun be wara kə Səku na martapa. ³ Sutuku bəlan, gaginak i ri Səku baci rra wa. ⁴ Aci anci ndawa mak da kaci nakshi dani i kunuk zigaya jirewa. ⁵ Gaɗa Səku getak gəri, aci wara a gadava Səku na nən getak gəri, waro nin Yeso Masipu. ⁶ Aci bari aɗa gəri i raa gaɗa tike, gaɗa saida iɗa kalkal lakwatu. ⁷ Gaɗa kasau, Iyu, na aɗaga, nda dawayu na dlaminga baci ramak labar herr na mawanak. Na rama jirewa. Na dlama papiya bai. Iyu baci gugza i ndawa wara zəga Səku bai i kun iman na jirewa. ⁸ Gaɗa kasin, nanci gamsak wara a rawanke da dlam magita ke da suktu amikshi wara na aibu bai i dəsku, go dləməɗ gishi ko gamɗaya. ⁹ Kasin ke, nan ci amatau da dawi kacum wara bəlan na akshi, wara kalkal na jibak aɗa. Akshi da dlaɓa ndak ləma aɗakshi na zinari ko azurfa ko kare wara na dagwda gawa bai. ¹⁰ Nan cu akshi da ɗawu kacum wara kalkal na amatu wara a rakan kakə mi Səku ancu dari be bəlan wara akshi a dlamau. ¹¹ Ama da gugza i kun ankal na səna gaɗa ikun tanke. ¹² Na bar dəvo i ama da gugzhi ko da tatki kərmai iɗa gəmsik bai, amman dambasa i kunuk vəji ankal. ¹³ Sukur nda dlam Adamu damba nda dlam Hauwa'u. ¹⁴ Nda gəzatu Adamu bai, amman nda gəzatu na amau mak ikun aipu. ¹⁵ Duk na kasin atu a katən gara darik ɗi kwitlai, akshi ta kəma ikun barik jirewa nin, na ntau na bari aɗa na kunu gayi