¹ Bulus Muwanak Masihu Yeso i aɗak rama Səku babu raa wa, na Masihu Yeso mi wa lawan dəvo gəri, ² I nye Timoty wunga ikun barik jirewa: Herr na kanjino na salam dari Kakasəku na Masihu Yeso məgənyi. ³ Kaki mi naskunu rameci ka thlami na maɗe i Makadoniya, sai ka dirayu ii Afisa gaɗa ka dawi ndawa jəgab da gugza gugza dama bai. ⁴ Da thləmta lakwtashi i kərəmta zənzən na ɗəwatləgaɗa kə dama bai. Su a nina zurba gaɗa iɗak lambenta ntu Səku, dari bar jirewa. ⁵ Be wara kagala ancu, ntau dakun gizhi wara gaviyak na gizhi bəlan na barik jirewa getak. ⁶ Ndo jigab thlakdənakshi da ɗak dəvu bəlan məste nakshi i ɗak ramamin vatku. ⁷ Anchi da thlab nakshi malamcin kagala, amman akshi thlan yakin na be mi akshi aramo bai; na be mi akshi irdi aɗau. ⁸ Amman jazgadu kagala bəlan in nda thlamna paida na atu iɗak kagalan. ⁹ Aturo jazgana sən, kagala ro gaɗa bachi gizhi gayi bai, amman gaɗak ndawa wara a ɗəga linok bai, ndawa ndak thlathli hankal, ndak ɗəga Səku bai, na ndak aibu, ndawa wara na Səku bai, na ndak wudak ngandar, nda bari kagala gaɗak nda tək ma'yawawin gamasak na gamaɗ, na ndak tək aɗa, ¹⁰ Gaɗa ndak thlimatu na ndak maka təkak shi, gaɗak mapapiyauccin, na ndak pipiye da gainin, na ndak be mi a GABA na ramak jirewa. ¹¹ Ramak tuku iɗak saksakta ramak Səku mi barka, wara nda bara i aman. ¹² Na sambarka Masihu Yeso afək wa. Achi dauzatayu, aturo ahi ginayu iiɗa bachi jirewa, da dawu na iyu ikun ndak wanak Səku. ¹³ Tun waci i baci thləmət dlugun Səku, baci barik bone ke na thlathli ankal. Amman duk na kasən nda dlanda rama gaɗa na dlami kun buka zəgaya na buka bari jirewa. ¹⁴ Amman herr məgənyi da pe iɗaga na bari jirewa na ntau wara akun Masihu Yeso. ¹⁵ Sutuku ramak Səku wara gagənak, batadu tike dagəinyi, gaɗa Masihu Yeso de ii kun duniya gaɗa bar aro i ndak aibu, i kunnakshi gadlagdak nən iyu. ¹⁶ Amman gaɗa kasən ne nabi kanjino, gaɗa dariga i ki sukur, ki tatika kəmar Yeso Masihu. Thlan Kasau gaɗa na dlab gənawa i ndawa ndak bari jirewa inye aro go dadigiri. ¹⁷ Gusku, so dəgəm zaman wara a mutu bai, gadəbsak Kakasəku getak gəri, marim na saksakta da dlab mak kəri harr dəmmaro. Amin. ¹⁸ Na bar ramatuku i chi, wənga, Timoty. Iɗak rama be wara awakate kəma wara nda thlamu waci gaɗa ci, gaɗa ka dlam zha bəlan, ¹⁹ ka jib barik jirewa na gəshi bəlan. Ndo jəgab kurna kərəmtau da bukuna bari jirewakshi. ²⁰ Ka ki ja Himinayus na Iskandari, ndangu na barna akshi i lispər gaɗa akshi da gugzi da dlaɓa nda wudak ngadar bai.