¹ Icebo cakwa Yawe caishile kuli Yona imiku iyalenga ibili aciti, ² "Ima kabiye ku Ninife, uyo umusumba ukalamba, no kubila kuli wene imbila intu nakukonkomeshe iya kupela kuli wene." ³ Elyo Yona aimine nokuya ku Ninife. Ukulingana ne cebo cakwa Yawe. Nomba Ninife wali musumba uukalamba, umo uwa kwenda inshiku shitatu. ⁴ Yona atendeke ukwingial mu musumba elyo panuma ya bulendo bwa bushiku bumo ali bilishe no kulanda ati, "munshiku amakumi yane Ninife ali no kuwishiwa." ⁵ Abantu ba mu Ninife batetekele Lesa elyo babilishe ukuleka ukulya. Bonse bafwele insamu ukufuma ku mukalamba wa muli bena ukufika kuwa kulekeleshako uwa muli bena. ⁶ Mukwangufyanya imbila yafikile ku mfumu ya Ninife. Yalimine ukufuma pa cipuna ca bufumu, yafulile ne laya lyaiko yafimbene iine insamu no kwikala mu mito. ⁷ Yatumine ukubilisha icebo no kutila, "mu Ninife, ukulingana no lupaka lwa mfumu na bacilolo; 'mwileka umuntu nelyo inama, ingombe nangu impanga ukusonda icakulya nelyo cimo. Lekeni bonse belya nangu ukunwa amenshi. ⁸ Lekeni umuntu ne nama bafimbane insamu elyo balekeni balilile kuli Lesa ishiwi ilikalamba. Lekeni cilaumo afumeko ku misango yakwe ibi elyo afumeko kutulubi uto utuli mu minwe yakwe. ⁹ Nani uwaishiba? Lesa limbi kuti abwelako noku pilibula amatontokanyo yakwe elyo no kubwelako kubukali bwakwe ubukalamba pa kuti ifwe twionaika."' ¹⁰ Lesa amwene imicitile yabo, ukuti na ba bwelako ku micitile yabo, iibi. Efyo Lesa apilibwile amatontokanyo yakwe pakubakanda uko alandile ati ali nokuleta pali bena, elyo tacitile.