¹ Lelo ici tacasansamwishe Yona kakbili epakuba uwafula nganshi. ² Eico Yona apepele kuli Yawe no kutila, "iye mwe Yawe, bushe ici teco nasosele ilyo na bwelele mu calo candi? Emulandu wine nacitile intanshi no kwesha ukubutukila ku Tashishi-pantu nalishibe ukuti niwe Lesa uwakusenamina, uwa Luse, uukokola ukukalipa kabili uwafulamo ukutemwa, kabili ulaibwesha ukufuma mukutuma ubonaushi. ³ Eico nomba, Yawe, Ndemilomba, ukusenda umweo wandi, pantu nacingwamina ukufwa ukucila ukuba no mweo. ⁴ Yawe atile, "Bushe naciwama ukuti naufulwa sana?" Elyo Yona afumine mumusuma no kuyaiakla lubali lwaku kabanga kamusumba. ⁵ Kulya eko apangile insakwe kabili aikele mwisamba yaiko mu cintelelwe pakutila engamona icali nokucitikila umusumba. ⁶ Yawe Lesa apekenye ulungu noku lukusha pali Yona pakutila lube icintelelwe pa mutwe wakwe ku kumutalalika ku bucushi bwakwe. Yona alisekelele nganshi pa mulandu wa lungu. ⁷ Lelo Lesa apekenye icinsenda pa kutulakwakasuba ulucelo lwakonkelepo. Casanshile ulungu ne lungu lwa lyumine. ⁸ Nomba ilyo akasuba katulile ulucelo lwa konkelepo, Lesa apekenye umwela uwakaba uwakukabanga. Kabili, akasuba kaoca pa mutwe wakwa Yona kabili aalinakile. Elyo Yona alombele ukuti engafwa. Atile umwine, "Cangwamina ukufwa ukucila ukuba nomweo." ⁹ Elyo Lesa atile kuli Yona, "Bushe naciwama ukuti naufulwa palwa lungu?" Elyo Yona atile, "Naciwama ukuti ni mfula, ukufika ku mfwa." ¹⁰ Yawe atile, "wakwatila ulungu ubulanda ulo usha bombele, nangu ukukusha. Lwa kulile mu bushiku no kufwa mu bushiku. ¹¹ Eico nga ine, bushe teti nkwate ubulanda pali Ninife, ulya umusumba uukalamba, umo umwaba abantu ukucila pali 120,000 abashaiba ubupusano pa kuboko kwabo ukwakukulyo no kuboko kwabo ukwakukuso, kabili ne nama ishingi?"