¹ Elyo Yona apepele kuli Yawe Lesa wakwe ukufuma munda ye sabi. ² Atile, "nakutile kuli Yawe palwa bulanda bwandi kabili alingaswile; ukufuma mwi fumo lwa kumbo nalilile ku bwafwilisho! Walyumfwile kwi shiwi lyandi. ³ Pantu wamposele muli bemba uwashika, pakati nankati ica menshi, amenshi yeka eyanshingulwike, na matamba yobe yonse yalempita pa mulu. ⁴ Na ine epakusosa, 'iwe nauntamfya pa cinso cobe. Kanshi itempele lyobe ilya mushilo ine nkalimona shani nakabili.' ⁵ Amenshi nayanjibisha, yalepita na pamulu, ine ndekafilafye itenga elinshungulwike, icani ca muli bemba nacintabilila na ku mutwe. ⁶ Naile mwisamba lya mpili njile ku calo uku impilikisho nainjisalila, lelo iwe we Yawe Lesa wandi naumfumya umweo wandi ukufuma mu nshishi, Yawe, Lesa wandi! ⁷ Ilyo nali mupepi no kuleka umweo wandi, elyo naibukisha iwe we Yawe; elyo ipepo lyandi lyafika uko uli mwi tempele lyobe ilya mushilo. ⁸ Bapetamina tu Lesa utwabula ubuyo ilyo balisula icipangano ca cishinka. ⁹ Lelo nga filya pali ine, nkapela ilambo kuli iwe ne shiwi lya kutotela; inkafikilisha ifyo nalaile. Ukupususha kwisa ukufuma kuli Yawe!" ¹⁰ Elyo Yawe asosele ku cisabi, kabili naco epakuya lukila Yona ku mulundu.