¹ Nomba icebo cakwa Lesa caishile kuli Yona umwana mwaume wakwa Amitai, no kulanda ati, ² "Ima nokuya ku Ninife, kuli ulya umusumba uukalamba, noku ushobaula, pantu ububi bwabo nabwishibikwa pacinso candi." ³ Lelo Yona aimine ukubutuka ku cinso cakwa Yawe no kuya ku Tashishi. Alile tentemukila ku Yopa no kusanga ici bwato icaleya ku Tashishi. Eco ena alipile icipendo no kunina ubwato kukuya nabo ku Tashishi, ukufuma pacinso cakwa Yawe. ⁴ Lelo Yawe atumine icimwela icikalamba pali bemba nokuba amabimbi ayakalamba nganshi pali bemba mukwangufyanya ca moneke ukuti ubwato bwali nokutobekwamo. ⁵ Elyo bacoba balikwete umwenso nganshi na cila untu alilile kuli ka lesa kakwe umwine. Baliposele ne fipe fyali mu bwato muli bemba, pakuti bwangukeko. Lelo Yona alile panshi mu miputule ya mukati ka bwato, kabili ena alambalele mulya ali munda yatulo. ⁶ Eco umukalamab wa bwato aile kuli ena no kulanda nankwe ati, "finshi ulecita nokulala naulala? Ima! Ita pali ka lesa kobe! Nalimo ka lesa kobe kuti katu langulukako no kufwa ifwe tatwafwe." ⁷ Cila muntu alandile ku mwina mupalamano wakwe ati, "Iseni, Lekeni ifwe tupendule, ukutila ifwe twishibe uwalenga ubuubi buleticitikila." Eco bali pendula no kupendula kwawile kuli Yona. ⁸ Elyo balandile kuli Yona ati, "twapapata twebe bushe uwalenga ubu bubi ubuletucitikila. Bushe mulimo nshi iwe ubomba, kabili ufumine kwi? Bushe ku calo kumwenu ni kwi, kabili wafuma ku bantu nshi?" ⁹ Yona alandile kuli bena ati, "ine ndi muhebele; kabili ine ndatina Yawe, Lesa wa mumulu, uyo wabumba bemba no mushili uwauma." ¹⁰ Elyo abaume umwenso wabekete nganshi no kulanda kuli Yona ati, "finshi iwe ucitile?" Pantu abume balishibe ukuti alebutuka ukufuma ku cinso cakwa Yawe, Pantu ena alibebele. ¹¹ Elyo ba landile kuli Yona ati, "finshi kanshi ifwe twalacita kuli iwe ukuti bemba enga talala kuli ifwe?" Pantu bemba alicililemo na amabimbi. ¹² Yona alandile kuli bena ati, "injimyenifye no kumposa muli bemba. Elyo bemba alatalala kuli imwe, pantu ine ninjishiba ukuti ni pamulandu wa ine eco amabimbi ayakalamba nganshi ya lecitika kuli imwe." ¹³ Nangu califyo, abaume balyobele namaka ukuti babwelele ku mulungu, lelo balifililwe pantu bemba alecililamo no kucilamo ukulwishanya nabo. ¹⁴ Eico balilishike kuli Yawe no kulanda ati, "Twapapata iwe, Yawe, twapapata iwe, wileka ifwe tufwe pa mulandu wa mweo wa uyu muntu, kabili wibika umulopa wakaele pali ifwe, pantu iwe, Yawe, ucitafye nge co wemwine utemenwe." ¹⁵ Eco balimishe Yona no kumuposa muli bemba, na bemba alilekele ukalaima. ¹⁶ Elyo abaume balitinine Yawe apakalamba. Bali tulile ilambo kuli Yawe no kupanga imilapo. ¹⁷ Nomba Yawe alipekenye icisabi icikalamba icakumina Yona, na Yona ali munda ye sabi panshiku shitatu akasuba no bushiku.