¹ Naliloleshe ulo umwana wampanga aiswile cimo pafikakatikilo cine lubali, kabili naumfwile cimo pa fibumbwa fine cikolanda mwishiwi ilyalikumfwika kubati ni nkuba, "Isa!" ² Naliloleshe kabili kwali kabalwe uwa kubuta. uwali kuninapo alikete ubuta, kabili alipelwe icilongwe. Alishile kufuma nga kacimfya pakutila acimfye. ³ Ulo umwana wampanga aiswile icikakatikilo ca cibili, nalyumfwile icibumbwa ca cibili icamweo cikolanda ati, "Isa!" ⁴ Nolu kwalishile naumbi kabalwe - uwakukashikila.Kuwakuninapo kwalipelwe insambu ishakufumya umutende pe sonde, pakweba ati abantu baliko bepayane. Uyu kanina alipelwe ulupanga ulukalamba. ⁵ Ulo umwana wa mpanga aiswile icikakatilo ca citatu, naumfwile icibumbwa ca butatu ica mweo cikolanda ati, "'Isa!" Nalimwene kabalwe uwakufita, no walikwensha alikete icakulingilako ukupima mu kuboko kwakwe. ⁶ Nalyumfwile icali kumfwika nge ishiwi pa fyamweo fine likososa, "umulingo wa ngano kwi kobili limo, elo imilingo itatu iya bale pekobili. Lelo mwionaula amafuta no mwangashi." ⁷ Ulo umwana wampanga asiswile icikakatikilo ca kulenga bune, naumfwile ishiwi lyacibumbwa cakulenga bune pa camweo likolanda ati, "Isa." ⁸ Nolu nalimwene kabalwe uwabutulukila. Uwalikwensha alikwitwa imfwa, ne mbo yalikumukonka. Balipelwe insambu pa cakaniko capali fine ica pesonde, ukwipaya no lupanga, icipowe, no bulwele, na kunama sha mpanga isha pesonde. ⁹ Ulo umwana wa mpanga aiswile icikakatikilo cakulenga cisano, nalimwene pe samba lyacipailo imyeo ya balya abalikwipaiwa pa mulandu wa cebo cakwa Lesa no bunte buntu bakwete. ¹⁰ Balibilikishe neshiwi ilikalamba, "Nililali, kateka wa fyonse, uwamushilo ne cine, ukufika nelyo ukopingula abo abaikala pe sonde,kabili nelyo ukulandula umulopa wesu?" ¹¹ Nomba cila umo naumo alipelwe ilaya ilyakubuta, kabili balyebelwe ukwebati bafwile balolela akashita akanono mukutantalila ukufika ilyo impendwa yonse iyaba bomfi banabo na bawabo abali no kwipaiwa, ngefyo baipaiwe, yalipwishishiwe. ¹² Ulo umwana wampanga aiswile icikakatikilo icakulenga mutanda, nalitambile kabili kwali icinkukuma icikalamba. Akasuba kasangukile akakufita kubati cakufwala ce saka , no mwenshi onse walisangukile kubati mulopa. ¹³ Intanda mu myulu shaliponene pe sonde, kubati fintu i umukunyu uponya ifisabo fyauko ifipompo ulo watenkanishiwa ne cimwela icikalamba. ¹⁴ No lwelele lwalikungukile kubati mufungilo uwakupetwa. Ulupili lonse ne cishi caliteshiwe pa cifulo ca ciko. ¹⁵ Elo ishamfumu sha pesonde na ba shimucindikwa, na bamushika, na bakankala, na bamaka, no muntu onse, umusha no walubulwa bafiseme mu ninga na pamabwe ya mumpili. ¹⁶ Balandile ku mpili naku mabwe, "Poneneni pali fwebo! Tufise ku cinso cauyo uwaikala pa cipuna na kubukali bwa mwana wa mpanga. ¹⁷ Pantu ubushiku bukalamba ubwabukali bwabo bulishile. Ninani uukolinga ukwiminina?"