¹ Panuma ya ifi namwene ba malaika bane na beminina pa ififutu fine ifya pe sonde, ukwikatilila kwikata myela ine iya pe sonde pakwebati takuli umwela uwakupupa pe sonde, pali bemba,nangu ku citi icili conse. ² Nalimwene na umbi malaika akofuma ku kabanga, uwakwete icikakatilo ca kwa Lesa wa mweo. Alilishe neshiwi ilikalamba kuli ba malaika bane aba pelwe ulusa lwa kukalifya isonde na bemba: ³ " Mwiesha ukusansa isonde, bemba, nangu cimuti kanofye tukakatike pa mpumi yaba bomfi bakwa Lesa wesu." ⁴ Naumfwile impendwa ya abo aba kakatikwe: 144,000, aba kakatikwe ukufuma ku mutundu wa bantu bakwa Isreali: ⁵ amakana ikumi limo na yabili ukufuma ku mutundu waba Yuda wali kakatikwe, amakana ikumi limo na yabili ukufuma ku mukowa wakwa Rubene, amakana ikumi limo na yabili ukufuma ku mutundu wakwa Gadi, ⁶ amakana ikumi limo na yabili ukufuma ku mutundu wakwa Asheri, amakana ikumi limo na yabili ukufuma ku mutundu wakwa Naphtali, amakana ikumi limo na yabili ukufuma ku mutundu wakwa Manase, ⁷ amakana ikumi limo na yabili ukufuma ku mutundu wakwa Simone, amakana ikumi limo na yabili ukufuma ku mutundu wakwa Lebi, amakana ikumi limo na yabili ukufuma ku mutundu wakwa Isakari, ⁸ amakana ikumi limo na yabili ukufuma ku mutundu wakwa Sebuluni, amakana ikumi limo na yabili ukufuma ku mutundu wakwa Yosefe, kabili amakana ikumi limo na yabili ukufuma ku mutundu wakwa Benjamini balikakatikwe. ⁹ Panuma ya ifi fintu naliloleshe, kabili kwaliko ibumba ilikalamba ilyakwebati takuli nangu umo uwingapenda-ukufuma ku luko lonse, umutundu, abantu, kabili ululimi-ukwiminina ku cipuna na kuntanshi ya mwana wa mpanga. Balifwele insalu ishakubuta kabili balikete imisambo ya luncindu mu minwe yabo, ¹⁰ kabili bali kubilikisha pakulila:"ipusukilo lyakwa Lesa wesu, uwaikala pa cipuna, kabili ku mwana wa mpanga!" ¹¹ Bamalaika bonse baliminine ukushunguluka icipuna no kushiguluka abakalamba ne fya mweo fine , kabili baliwile ukulosha ifinso fyabo ku cipuna. balishinshimwine Lesa, ¹² Ukulanda, "Amen! Amalumbo, ubukata, amano, ukutotela, umucinshi, amaka,kabili ubukose fibe kuli Lesa wesu umuyayaya no muyayaya! Amen!" ¹³ Nomba umo pa bakalamba alipwishe nebo, "Nibani aba, abafwele imingila shakubuta, kabili nipi bafumine?" ¹⁴ nalandile kuli ena, "Shikulu, namwishiba," kabili alandile kuli nebo, "Ala ebamo abafuma mu bucushi ubukalamba.Balisamba amalaya yabo kabili baliyalenga ukuba ayakubuta mu mulopa wa mwana wa mpanga. ¹⁵ Pali uyu mulandu, bali ku cipuna cakwa Lesa, kabili bamushinshimuna akasuba no bushiku mwi tempele lyakwe. Kabili umo uwaikala pa cipuna akafungulula itenti pali bena. ¹⁶ Tabakomfwe insala nakabili, nangula ukumfwa icilaka nakabili. kabili akasuba takali na kuwila pali bena,nangu ukoca kwa kukaba. ¹⁷ pantu umwana wa mpanga uli pakati ka cipunaa li no kubacema, kabili akabatungulula ku tumfuku twa menshi ya mweo, kabili Lesa ali nokufuta ifilamba fyonse mu menso yabo."