¹ Nomba namwene mukuboko kwa kulyo kwa umo uwaikele pa cipuna ca bufumu umufungilo walilembwapo ku ntanshi na kunuma, walikakatikwapo nefikakatikilo cine lubali. ² Nalimwne malaika uwamaka sana akobilikisha ne shiwi ilikulu, "Ninani uwawamiminwa ukwisula umufungilo noku kontaula ifikakatikilo? fyauko" ³ Tapali nangu umo mu mulu nangu pa calo nangu pesamba lya calo uwalingile ukwisula umufungilo nangu ukuubelenga. ⁴ Nalililile sana pantu tapasangilwe nangu umo uwa uwalingile ukwisula umufungilo nangu uku ubelenga. ⁵ Lelo umo pabakalamba atile kuli nebo, "Wilekulila. Lolesha! Inkalamo yamu mukowa wakwa Yuda, umushashi wakwa Dabid, ali cimfya. Alilingile ukwisula umufungilo ne fikakatikilo fya uko cinelubali." ⁶ Nalimwene umwana wa mpaanga aliminine mukati ka lubansa lwa cipuna cabufumu kabili pa fibumbwa fine ifyamweo kabili pakati kaba kalamba. Amonekele kubati untu aipaiwe. Alikwete amasengo cine lubali na menso cine lubali, iyo iili mipashi cine lubali iya kwa Lesa iyo iyatumwa monse mu calo. ⁷ Alile nokuya kubula umufungilo ukunfumya mu kuboko kwa kulyo kwa waikele pa cipuna cabufumu. ⁸ Ulo abulile umufungilo, ifibumbwa fya mweo fine na bakalamba amakumi yabili na bane balilwile panshi ku menso yamwana wa mpanga. Cila umo alikwete isese ne bakuli lya golide ilyaiswilemo paa ifyacena cabune, ifyaba emapepo yaba bantu bamushilo bakwa Lesa. ⁹ Balimbile no lwimbo ulupya: "Waliwaminwa ukubula umufungilo no kwisula ifikakatikilo fyauko. Pantu wali paiwe, na kumulopa obe walishitile Lesa abantu ukufuma konse ku mikowa, indimi, abantu, ne nko. ¹⁰ Mwalibalenga ukuba ubufumu na bushimapepo ukule kubombela Lesa wesu, kabili bakateka pa calo." ¹¹ Nomba naliloleshe no kumfwa iciunda ca ba malaika abengi abashingulwike icipuna cabufumu ne fibumbwa ifya mweo na bakalamba. Impendwa yabo yonse pamo yali amakana ikumi aya makana ikumi na makana ya makana. ¹² Mwishiwi ilikulu balilandile ati, "Alilinga umwana wa mpanga, uwaipaiwe, pa kupokelela amaka, ubukankala, amano, ubukose, umucinshi, ubukata, no lulumbi." ¹³ Nalyumfwile ifintu fyabumbwa fyonse ifyali mu mulu na pesonde na pesamba lye sonde na muli bemba - fyonse ifyabamo - fikoeba ati, "Kuli uyo uwaikala pa cipuna ca bufumu na kumwana wa mpanga kube ululumbi, umucinshi, ubukata, no buteko umuyaya umuyaya." ¹⁴ Ifibumbwa fya mweo fine fyaebele ati, "Amen!" na bakalamba baliwile panshi no kushinshimuna.