¹ Nakuli malaika wa lukuta lwa mu Sarde ulembe: 'amashiwi yakwa uyo uukwete imipashi yakwa Lesa ne ntanda cinelubali. "Ndishibile imilimo yobe. ulikwete ishina lyakwebati uli nomweo, nomba uliwakufwa. ² Buka no kukosha ifyashala lelo fili mukufwa, pantu nshisangile imilimo yobe iyakupwililika mu menso yakwa Lesa. ³ Ibukisha, nomba, ifyo wapokelela nokumfwa.fisunge, no kulapila. Nomba umfwa taubukile, nkesa kubati mung'o, kabili tawakeshibe akashita nkeshilapo kuli webo. ⁴ Lelo ulikwete amashina ayanono mu Sarde abo abatakowesha amalaya yabo, kabili bakenda nandi, ninshi balifwele ifyakubuta, pantu balilingile. ⁵ Uyo uukacimfya akafwikwa amalaya ayakubuta, kabili shakafute ishina lyakwe mwi Buku lya mweo, kabili nkalumbula ishina lyobe kuli Tata nakuli ba malaika bakwe. ⁶ Onse uukwete ukutwi, omfwe ifyo umupashi ukolanda ku nkuta." ⁷ kuli Malaika wa kulukuta lwamu Filadelphia lemba: 'Amashiwi ya uyo uwashila kabili uwacishinka-alikete ulufungulo lwakwa Dabid, alesulako kabili takuli nangu umo uwingesala, alesala kabili takuli nangu umo uwingesula. ⁸ '"Ndishibile imilimo yobe . Mona, ndibikile pantanshi yobe umwinshi uwakwisuka uyo umuntu nangu umo atangesala. Ndishibile ukwebati ulikwete amaka ayanono, lelo ulyumfwile amashiwi yandi kabili taukene ishina lyandi. ⁹ Mona! Nkalenga abo aba mu sunagoge lyakwa Satana, abo abaita abene aba Yuda lelo tebo, lelo babufi- nkabalenga ukwisa no kufukama panshi ya makasa yobe, kabili bakeshiba ukweba ati nalikutemwa. ¹⁰ Apo walisunga icebo mu kushipikisha kwa kutekanya, nandibo nkakubaka kunshita yakweshiwa iyalaisa pe sonde lyonse, kukwesha abo abekala mu calo. ¹¹ Nkoisa bwangu. Ikatisha ico ukwete takuli nangu umo uwakukupoka icilongwe. ¹² Uyo onse uucimfimfya nkamucita uluceshi mwi tempele lyakwa Lesa wandi. Takafumemo nakabili, kabili nkalemba pali ena ishina lyakwa Lesa wandi, ishina lya musumba wakwa Lesa wandi (Yelusalemu mupya, uyo ukoikila ukufuma mumulu kuli Lesa wandi), elo ne shina ilyandi ilipya. ¹³ Uukwete ukutwi omfwe, ifyo umupashi akolanda ku nkuta." ¹⁴ "Kuli malaika wakulukuta mu Laodikea Lemba: amashiwi ya Ameni, Kamboni wa cine kabili uwacishinka, kateka wafyakulenga fyakwa Lesa." ¹⁵ "Ndishibile imilimo yobe ukwebati tauli wakutalala nangu uwakukaba. kuti natemwa ukwebati wali uwakutalala nangu uwakukaba! ¹⁶ Eco, pantu uli uwacifulefule, taukabile nangu ukutalala, ndimukukuluka ukuyfuma mu kanwa kandi ¹⁷ Pantu ukoeba ati, 'ndimukankala, nalikwata ifyuma ifingi, kabili tapali ifyo nkokabila.' Nomba tawishibile ukwebati waliba uwankumbabulili sana, uwakulanguluka, umulanda, impofu, kabili uwabwamba. ¹⁸ Kutika kwifunde lyandi: Shita kuli nebo golide iyalopolwa no mulilo pakwebati wingaba umukankala, kabili amalaya ayabune ayakubuta pakwebati waifwika we mwine kabili ukwabula ukulanga umusebanya wa bwamba bobe, no muti wakusuba mu menso yobe pakwebati umone. ¹⁹ Ndebaula nokukanda bonse abo natemwa. Eico, ube uwakucincila no kulapila. ²⁰ Mona, ndiminine pamwinshi kabili nko nkokosha. Umfwa umuntu onse omfwe ishiwi lyandi nokwisula icibi, nkesa nokwingila mu ng'anda yakwe kabili nkalya nankwe, na ena nandi. ²¹ Onse uukacimfya nkamupela insambu shakwikala nandibo pa cipuna candi icabufumu, pamo ngefyo nandibo nacimfishe nokwikala pamo natata pacipuna icabufumu. ²² uukwete ukutwi omfwe, ifyo umupashi ukososa kunkuta."'"