¹ " Kuli malaika wa lukuta lwa mu Efese lemba auti: 'Amashiwi ya umo uwaikata intanda cinelubali mu lupi lwakwe ulwa ku kulyo kabili uwenda pakati kafya kutekapo inyali ifya golide cine lubali, ² "Nalishiba imilimo yobe, no kubombesha kobe, no kushipikisha kobe ukwamuteka-tima,kabili tamwampana nabo ababifi, lelo walyesha abo abaitunga ukuba abatumwa lelo tababa iyo, kabili walibasanga ukuba ababufi. ³ Ukoshipikisha mu mukutekanya no kubela ishina lyandi, kabili tawanenuka. ⁴ Lelo ndikwete icishinka ico washile kunuma ico icakweba ukutemwa kobe ukwapakubala. ⁵ Ibukisha ukufuma kulya apo waponene. Lapila no kucita ifintu walikucita intanshi. Kano walapila, nkabwela kuli webo kabili nkasesha neca kutekapo inyali mu cifulo caciko. ⁶ Lelo uli neci: walipata ificitwa fya bena Nikola, iyo napata nandibo. ⁷ Uli no kutwi, omfwe ifyo umupashi ukososa ku nkuta. Kuli uyo wacimfya nkamupela insambu shakulya ku cimuti ca mweo, ico icili mu Paradise ya kwa Lesa.''' ⁸ Nakuli bamalaika wa lukuta lwa mu Simurna lemba: 'Amashiwi ya uyo uuli kutendeka kabili impela, uyo uwafwile kabili uli no mweo na kabili: ⁹ "Nalishiba amacushi yobe ne cipowe cobe, lelo ulimukankala. Nalishiba noku ponta kwa bailumbula aba Yuda, lelo tababa iyo. Baliba ni Synagoge yakwa kasebanya. ¹⁰ Witina pafyo ukotampa ukuculako. Mona! kasebanya akofwaya ukuposapo bamo muli mwebo mu cifungo pa kwebati mukeshiwe, kabili mukacucuctika panshiku ikumi limo. kabili ube uwacishinka ukufika na kumfwa, kabili nkakupela icilongew ca mweo. ¹¹ Lekeni uli nokutwi, Omfwe ifyo umupashi ukolanda ku nkuta. Onse uukocimfya takakalipwe ne mfwa yacibili.''' ¹² "Kuli malaika wa lukuta lwa mu Perqamumu lemba auti: 'Amashiwi ya uyo uwakwata ulupanga ulwatwa kubili kubili: ¹³ "Ndilishibe uko wikala, uko kwaba icipuna ca cakwa kasebanya. Lelo walikatilila sana kwishina lyandi. "Nalishiba ukwebati tawakene icitetekelo cobe muli nebo, nangula mu nshiku shakwa Antipas ka mbone wandi, Wacishinka wandi, uwaipaiwe pakati kenu, kulya uko kasebanya ekala. ¹⁴ Lelo ndikwete utuntu tunono utwakukushinina: ulikweteko bamo uko abaikatilila kwi sambilisho lyakwa Balaam, uyo wafundile Balak ukuposa ilibwe lyakuipununako ku ntanshi ya bana bakwa Israel eco balya ifyakulya fya malambo ya tulubi no kuba ababulalelale. ¹⁵ Mu nshila imo ine, ulikwete nabambi abaikatilila sana ku masambilisho yabena Nikola. ¹⁶ Lapila, Eico! umfwa taucitile ifi, nkesa bwangu kuli webo, kabili nkabusha ubulwi nabo ku lupanga lwa mu kanwa kandi. ¹⁷ Lekeni uli no kutwi omfwe, umfwa ifyo umupashi ukolanda ku nkuta. Kuli uyo uwacimfya, nkamupelapo manna iyafiswa, kabili nkamupela ilibwe lyakubuta apelembwapo ishina lipya pe bwe, ishina ilyo umuntu nangu umo ateshibile kano uyo uwalipokelela.'''' ¹⁸ 'Kuli malaika wa lukuta kwa mu Tyatira lemba auti: 'Aya mashiwi yamwana wakwa Lesa, Uwakwata amenso yakwe kubati lubingu lwa mulilo na makasa yakwe kubati wakubengeshima: ¹⁹ "Nalishiba imilimo yobe: Ukutemwa kobe ne cicetetekelo cobe no kupyunga kobe no kushipikisha kobe. Ndishibile ukwebati ifyo wacita pali nomba fyacilapo pafyo wacitile pakubala. ²⁰ Lelo ndi neci pali webo: walilekeleshe umwanakashi Yesebele, uilumbula mwine ati ni kasesema. Mu fyakusambilisha fyakwe alabepa ababomfi bandi mukucita ubulalelale no kulya ifyakulya fya malambo ya tulubi. ²¹ Nalimupele inshita yakulapila, lelo tafwaya ukulapila ku bulalelale bwakwe. ²² Mona! nkamuposa pa busanshi bwakulwala na bonse abacita ubulalelale nankwe balinokucula apakalamba , kanofye balapila ukufuma kumicitile yakwe . ²³ Nabana bakwe inkabapuma imfwila, kabili inkuta shonse shikeshiba ukwebati ninebo uufwailisha amatontonkanyp ne mitima. Nkapela kuli cila umo na umo ukulingana ne milimo yakwe. ²⁴ Lelo nkolanda kuli mwebo mwebashalapo aba mu Tuatira, kli uyo onse utakoikatilila ili isambililo kabili abataishiba ubwite bwa fintu ifyashika ifya kwakasebanya - kuli mwebo nkolanda, 'nshikobika icisendo cimbi pali mwebo.' ²⁵ Mu mulandu onse, ufwile ukwikatisha mpanka nka bwele. ²⁶ Kuli uyo ukocimfya no kubaka imilimo yandi ukufika ku mpela, kuli ena nkamupela amaka pa nko. ²⁷ 'Akabateka ku nkoto ya cela, kubati ni nongo shabumbwa akashitobaula mutupimfya tupimfya.' ²⁸ Pamo ngefyo naine napokelele ukufuma kuli Tata, Nandibo nkakupela ulutanda lwakumaca. ²⁹ Lekeni ukwete ukutwi omfwe, ifyo mupashi ukolanda ku nkuta.'''