¹ Nolu nalimwene malaika akoika ukufuma mu mulu. Alikwete mfungulo iyaku cilindi icabula impela, kabili alikwete umunyololo uukalamba mu minwe yakwe. ² Alikete icisoka, icisoka cikote, ico icili ni kasebanya, nangula Satana, no kumukaka pamyaka ikana. ³ Alimuposele mu cilindi icabula impela. Alicisele no kubikapo icikakatilo pali wene. Ici cali mukweba ati ekabepapo inko mpaka fye ulo imyaka ikana ya kumana. Panuma ya ifyp, afwile ukukakulya pakashita akanono. ⁴ Nolu nalimwene ifipuma fya bufumu. Abaikelepo nyabo abapelwe insambu shakupingula. Kabili nalimwene imyeo ya abo ba putwileko imitwe pamulandu wa bunte pali Yesu ne cebo cakwa Lesa. Tabashinshimwinepo iciswango nangu icipasho cacikwe, kabili balikene ukupokelela ululembo pa mpumi napa cisansa. Bali bukile ku mweo, no kuteka pamo na Kristu pa myaka ikana. ⁵ Abashala abafwa tababukilepo ku mweo mpaka imyaka ikana limo ulo lyakumene. Uku ekubuka kwa ntanshi. ⁶ Alishuka kabili wamushilo uyo onse uukakuma kukubuka kwa ntanshi! Pali aba imfwa yacibili tayakwatapo amaka. Bakaba bashimapepo bakwa Lesa na Kristu kabili bakateka nankwe pa myaka ikana. ⁷ Ulo imyaka ikana yakufika ku mpela, Satana bakumukakula ukufuma mu cifungo. ⁸ Akaya mukubepa inko ku tupinda tune utwa pesonde - Gogu na Magogu - ukubaleta pamo ku bulwi. Bakaba abengi kubati mucanga wa kuli bemba. ⁹ Baile mu mpanga yonse pe sonde no kushinguluka inkambi ya bantu bakwa Lesa abashila - umusumba watemwikwa. Lelo umulilo wafumine ku mulu no kubonaula. ¹⁰ Kasebanya uwababepele, aliposelwe muli bemba uwalepya na sulfere, umo iciswango na kasesema wa bufi baposelwe. Bakalungulukwa akasuba no bushiku umuyayaya no muyayaya pe. ¹¹ Nolu nalimene icipuna ca bufumu icikalamba icakubuta noyo uwaikalapo. Isonde ne myulu fyalifulumwike ukufuma ku cinso cakwe, lelo takwalipo incende uko fingaya. ¹² Nalimwene abakufwa - ababulamba na bashacindama - bali minine ku cipuna cabufumu, ne fitabo fyalikupukwilwe. Elo nacimbi citabo calikupukwilwe - Icitabo ca Mwebo. Abafwa balipingwile kufya lembelwe mu fitabo, ukulinga ne micitile yabo. ¹³ Bemba alilekeleko abakufwa abalimo. Imfwa na kumbo fyalilekeleko abakufwa abalimo , na bakufwa balipingwilwe ukulingana ne micitile yabo. ¹⁴ Imfwa ne mbo fyaliposelwe muli bemba wa mulilo. Iyi emfwa yacibili - bemba wa mulilo. ¹⁵ Umfwa shina lya muntu talya sangilwepo lililembelwe mu Citabo ca Mweo, aliposelwe muli bemba wa mulilo.