¹ Panuma ya ifi fintu nalyumfwile ica umfwikile kubati lishiwi lya mpendwa yabantu abengi abakokuta mumulu ati, Aleluya! Ipusukilo, ubukata, na maka fyakwa Lesa wesu. ² Ubupingushi bwakwe bwa cine kabili bwakulungama, pantu alipingwile cilende mukalamba uwali konaule sonde no bulalelale bwakwe. Alilandwile umulopa wa ba bomfi bakwe ukufuma mukuboko kwakwe. ³ "Balilandile umuku wa cibili: "Aleluya! Icushi cilema ukufuma pali ena umuyayaya no muyayaya." ⁴ Abakalamba amakumi yabili na bane ne fibumbwa ifya mweo fyaliwile panshi no kushinshimuna Lesa, uwaikele pa cipuna ca bufumu. balikulanda ati, "Ameni. Aleluya!" ⁵ Elo ishiwi lyafumine mu cipuna cabufumu, likolanda ati, "Lumbanyeni Lesa wesu, bonse mwe ba bomfi bakwe, mwebo mwe bamutina, bonse abatacindama na bamaka." ⁶ Nolu nalyumfwile icaumfwikile kubati lishiwi lya mpendwa ya bantu abengi, kabati kupoma kwa menshi ayengi, kabili kubati kupumana kukalamba ukwa mubulukuto, likolanda ati, "Aleluya! Pantu Shikulu akoteka, Lesa wesu, uwa Maka yonse. ⁷ natusekelele no kwanga nokumupela ubukata! pantu ukusefya kwa bwinga bgwa mhwanma wa mpanga bulishile kabili nabwinga wakwe aliipekenye. ⁸ Alisuminishiwe ukufwikwa ishakolokondwe kabili iysalu ishisuma" (pantu isha kolokondwe emilimo iyakulungama iyabantu bakwa Lesa). ⁹ Malaika alilandile kuli nébo ati, "Lemba ifi: Balishuka abo abalalikwa kumalila ya bwinga bwa Mwana wa Mpanga." Kabili alilandile kuli nebo ati, "Ifi fyebo fyakwa Lesa ifya cishinka." ¹⁰ Naliwile panshi ya makasa yakwe no kumushinshimuna, lelo alilandile kuli nebo ati, "wicita ifi! Ndi mubomfi munobe na ba wenu abakwato bunte pali Yesu. Shinshimuna Lesa, pantu ubunte bwa pali Yesu emupashi wa busesemo. ¹¹ Nolu nalimwene umulu waisuka, kabili naliloleshe kabili kwali kabalwe uwakubuta. Uwanininepo akutwa uwa cishinka kabili uwacine. Ni mumulinganya emo apingwila no kucitila ubulwi. ¹² Amenso yakwe yali kubati lubinga lwa mulilo, na pa mutwe wakwe pali ifilongwe. Alikwata ishina ilyalembwa pamwine ilyo uuli onse atangeshiba kano fye umwine. ¹³ Alifwele ilaya ilyatubikwa mu mulopa, kabili ishina lyakwe likutwa ati Icebo cakwa Lesa. ¹⁴ Ifita fya nkondo fya mumulu fyalimukumukonka paliba kabalwe bakubuta, balifwele ishakolokondwe wakulopolwa, uwa kubuta kabili uwa busaka. ¹⁵ Mukanwa kakwe mukofuma ulupanga ulwakutwa ulwakukomenako inko, kabili akalekubateka ku nkonto ya cela. Anyanta umwakukamina umwangashi wa cipyu ca bukali bwakwa Lesa wa Maka yonse. ¹⁶ Alikwata ishina lyalembwa pe laya lyakwe na petanta lyakwe: "Imfumu ya shamfumu kabili Shikulu waba Shikulu." ¹⁷ Nalimwene malaika aliminine mu kasuba. alikutile mwi shiwi ilikalamba ku fyuni fyonse ifikopupuka pa mutwe, "Iseni, longaneni pamo ku mutebeto yakwa Lesa uukalamba. ¹⁸ Iseni mulye imibili yaba shamfumu, imibili yaba kalamba ba fita fya nkondo, imibili ya baume ba bulamba, imibili yaba kabalwe ne yaba ninapo, ne mibili ya baume bonse, bonse abantungwa na basha, abashacindama naba maka." ¹⁹ Nalimwene iciswango ne shamfumu sha pesonde ne fita fyabo ifyankondo. balikukolongana pakwebati bemye inkondo noyo umo uwaninine pali kabalwe ne fita fyakwe ifyankondo. ²⁰ Iciswango balicikete pamo naba kasesema wa bufi abo bacitile ifishibilo pamenso yaciko. Kuli ifi fishibilo alibapele abo abapokelele ululembo lwa ciswango na bashinshimwine icimpasho cakwe. Babili abapalyabo baliposelwe abakulola muli bemba wakutinya ulukopya kwilibwe lya mingu ²¹ Abashele balibepeye no lupanga ulo ulwafumine mukanwa kakwa uyo uwaninine pali kabalwe. Ifyuni fyonse fyalilile imibili yabo iyakufwa.