¹ Panuma ya ifi fintu nalimwene malaika akoikila ukufuma ku muulu. Alikwete insambu ishikalamba, ne sonde lyali butile ku bukata bwakwe. ² Alibilikishe ne shiwi lya bulamba, ukweba ati, "nawa, nawa babele mukalamba! Alisangwike incende yakwikalamo ingulu, icifungo ca mipashi iyakukowela, ne cifungo ca cuni conse icakukowela, icifungo ca cakukowela ne nama yamuselu. ³ Pantu inko shonse shalinwineko umwangashi wa cipyu cabulalelale bwakwe. Ishamfumu sha pano sonde balicita ubulalelale nankwe.Bashi makwebo ba pano sonde balinonkelamo ukufuma mu maka ya bupulumushi bwa bwikashi bwakwe.'' ⁴ Nomba nalyumfwile ishiwi na limbi ukufuma ku mulu likolanda ukweba ati, "Fumeni muli ena, mwe bantu bandi, pakweba ati mwikumako ku membu shakwe, kabili pakwebati mwikapokelelako nangu cimo icinkunka cakwe. ⁵ Imembu shakwe shalitulikwe ukulingana ne myulu, na Lesa alibukishe ifya bubifi bwakwe. ⁶ Mubwesesheni kubati fintu abweseshe bambi, kabili mu mulundilepo na pa ficitwa fyakwe imiku ibili; mu lukombo asankanishemo, sankanishenimo imiku ibili ifya cipendo fyakwe. ⁷ Kubati fintu aiicindamika umwine na ukwikala mu busuma, mu cusheni sana na ukumulisha. Pantu alanda mu mutima wakwe, 'naikala kubati nina mfumu; ntali mukamfwilwa, kabili nshakatale mona ukulosha.' ⁸ Na pali ci mu bushiku bumo ifinkunka fyakwe fikesa: imfwa , ukulosha, ne cipowe. Ali no kuliwa no mulilo , pantu Shikulu Lesa wa bulamba, kabili ni kapingula wakwe." ⁹ Ishamfumu sha pano sonde abo abalikucita ubulalelale kabili balilufishe kampingu na ena bakalosha na ukumulilila ubulanda ilyo bakalekumona icushi ilyo akalekupya. ¹⁰ Bali nokwimina akatalamukila, ukutina uku lunguluka kwakwe, bakalekulanda ati, "Kalanda,kalanda ku musumba ukalamba Babele, umusumba wa maka! Pantu mu nsa imo emo ukupingulwa kobe kwishile." ¹¹ Bashimakwebo ba pano sonde bakomulila no kumulosha ico takuli nelyo umo uushita ubunonshi bwakwe na kabili- ¹² ubunonshi bwa golide, siufere, amabwe ya mutengo wauma, ifyakubeka, insalu ishakolokondwe, ishakukashikila, ishakubeka, ishakukashika ce, umusngo onse uwa mbao shakununkila, conse icipe ca mukuba, conse icipe icapangwa ku mbao shakuma umutengo, na ifya butale, icela, mabele, ¹³ Kinamone, ifyanunkila, muri, ububani, umwangashi, amafuta, ubunga bwa kupeleka bwino, ingano, ingombe ne mpanga, bakabalwe na maceleta ne mibili na imyeo ya bantu. ¹⁴ Icisabo wali kukabila na ubulamba bobe bonse bulifumine kuli webo. Ifyabusuma bobe ne fya kusaminamo fyobe fililubile, tawakafisange nakabili. ¹⁵ Bashimakwebo baifi fipe abaishile kunonka ukupitila muli ena balinokwiminina akatalamukila ukufuma kuli ena pa mulandu wamwenso wa kulunguluka kwakwe, ukulila na ukulosha kwa kupunda. ¹⁶ Bakatila ati, "kalanda, kalanda ku musumba ukalamba uyo uwali kufwala insalu shakolokondwe, isha kukashikila , ne shakukashikisha ce, no kuwamishiwa na golide, ifyakuiwamya ifyakuma umutengo, ne fyakubeka. ¹⁷ Mu nsa imo ifya bunonshi bwabo filyonawilwe." ¹⁸ Balilile ulo bamwene icushi cakupya kwakwe. Balilandile ati, "Musumba nshi waba ngo musumba ukalamba?" ¹⁹ Baliposele ulukungu pa mitwe yabo, no kulilisha, ukulosha no kupomona imsowa, "akalanda, kalanda ku musumba ukulamba kuli bonse abakwete amato kuli bemba balinonkele ukufuma kufyuma fyakwe. Pantu mu nsa imo alyonauwilwe." ²⁰ "Sekeleleni pali ena, mwe myulu, mwebo mwe bamushilo na batumwa na bakasesema, pantu Lesa aliletele ubupingushi pali ena!" ²¹ Umungeli wabulamba alibulile ilibwe ilyakuba nge mpelo ikalamba no kuposa muli bemba, akolanda ati, "muli uyu musango, Babele, umusumba ukalamba, akaposwa panshi mu lukakala kabili tawakamoneke na kabili. ²² Icongo calikupanga aba masese, ba kemba, ba kalisha wa fi mpeta, na bamapenga tabakomfwike nakabili muli webo. Takuli katukuta wafya kupanga konse ukamoneka muli webo. Takuli icongo ca mpelo icikomfwika muli webo nakabili. ²³ Ulubuto lwa nyali talwakabengeshime muli webo nakabili. Amashiwi yakwa shibwinga na nabwinga tayakomfwike muli webo nakabili, pantu abamakwebo yobe ebali bashamfumu pe sonde, ne nko shalilufiwe mu buloshi bobe. ²⁴ Ni muli ena emo basangile umulopa waba kasesema na bantu bamushilo abakwa Lesa, na umulopa wa bonse abaipaiwe pano calo."