¹ Umo pali bamalaika cine liubali abaikete inweno cine lubili balishile kuli nebo no kulanda ati, "Isa kuno, nko kulanga ukusekwa kwakwa cilende mukalamba uwaikala pa menshi ayengi, ² na uyo ishamfumu isha pe sonde shalicitile ubulalelale, na ku mwangashi wa bulalelale bwakwe nabekashi ba pesonde balikolelwe." ³ Nomba malaika alimpitile mu mupashi alintwele mu matololo, nalimwene umwanakashi alikele pa ciswango icakukashika ce ico icaiswilemo amashina yamiponto. Iciswango calikwete imitwe cine lubili na masengo ikumi. ⁴ Umwanakashi alifwele ifyakashikila ne fya kukashika ce no kusama nefya golide,amabwe yakuma umutengo,no bulungu. Alikwete mu minwe yakwe ulukombo lwa golide ulwaiswilemo ifyamuselu ne fitasanguluka ifyabulalelale fyakwe. ⁵ Na pampumi yakwe pali lembelwe ishina, ubulanda: "Babele mukalamba, nyina wa bacilende ne fintu fyamuselu fya pesonde." ⁶ Nalimwene ukweba ati umwanakashi alikolelwe umulopa wa bantu bamushilo abakwa Lesa no mulopa waba kambone bakwa Yesu. Ulo namumwene, nalipapile sana. ⁷ Lelo malaika atile kuli nebo, "Nindo wapapila? Nkokulondolwela ubucushi bwakwa namayo ne ciswango icimusendele, iciswango ica mitwe cine lubali na masengo ikumi. ⁸ Iciswango wamwene eko cali, tacilipo nomba, kabili cili mupepi no kwisa ukufuma ku cilindi cakubule mpela. Elo cikaya kubonaushi. Abo abekala pe sonde, abo amashina yabo yatalembwa mwi buku lya mweo ukutula fye na pamufula wa calo - bakapapa sana ilyo bakamona iciswango, pantu epo cali, kabili nomba tacilipo, kabili lelo cikoisa. ⁹ Ici candeta kwi tontokanyo ilikwete amano. Imitwe cine lubali ninmpili apo mwanakashi aikala. ¹⁰ Kabili ni mfumu cine lubali. Imfumu shisano shaliwile, imo epo ili, ne inankwe tailasa, kabili ulo ikesa, afwile ukwikala pa nshita iyakulinga. ¹¹ Iciswango ico icalipo, kabili nomba tacilipo, lelo ni mfumu iyakulenga cine konse konse. Caba kulubali lwa cine lubali kabili kubonaushi eko cikoya. ¹² Amasengo ikumi ayo wamwene ni mfumu ikumi limo isho ishitalapokelela ubufumu, lelo shikapokelela insambu nge mfumu pa nsa imo pamopene ne ciswango. ¹³ Baba nokutontonkanya kumo kwine kabili bapela amaka ne nsambu shabo ku ciswango. ¹⁴ Shikemya ubulwi pamwana wa mpanga. Nomba umwana wa mpanga akabacimfya pantu ni Shikulu wa bashikulu kabili ni mfumu ya shamfumu-nabali nankwe ebaitwa, abasalwa kabili, abacishinka." ¹⁵ Malaika alandile ati kuli nebo, "Amenshi wamwene, apo cilende aikala, bantu,amabumba, inko, ne ndimi. ¹⁶ Amasengo ikumi limo ayo wamwene- bena ne ciswango fikapata uyu cilende. Bakamusula no kumusho bwamba, fikalya umubili wakwe kabili fikamoca mu mulilo ukumupwilishisha. ¹⁷ Pantu Lesa alibika mu mitima yafiko ukucita ukufwaya kwakwe mukusuminisha ukupela amaka yafiko ku kuteka iciswango kanofye amashiwi yakwa Lesa yakafikilishiwa. ¹⁸ Umwanakashi uo wamwene emusumba uukulu sana uwakwata amaka ku kuteka ishamfumu shapa pe sonde."