¹ Nomba nalimwene icishibilo nacimbi mu mulu, icikulu ne cakusungusha: Kwali bamalaika cine lubali nefikuko cine lubali, ifili fikuko fyakulekelesha, kuli ifyo icipyu cakwa Lesa cikapwililika. ² Nalimwene icalikumoneka kubati ni bemba wa cilolaniuwasankanishiwa no mulilo. Kulubali lwa bemba kwaliminine abali bakacimfya pa ciswango napa cimpanshanya caciko kabili pa mpendwa ikoimininako ishina lya ciko. Balikete amasese ,mu minwe ayo Lesa abapele. ³ Balikwimba ulwimbo lwakwa Mose, umubomfi wakwa Lesa, no lwimbo lwa mpanga baleti: "Fikalamba kabili yacipapusho imilimo yenu, Shikulu Lesa, uwa Maka yonse. Yakulungama kabili sha cine inshila shenu, mwe Mfumu sha nko. ⁴ Nani ushakakutine webo, Shikulu, no kucindika ishina lyobe? Pantu mwebo mweka muli bamushilo. Inko shonse shikesa no kupepela pa cinso cobe pantu imilimo yobe iya mubulungami yalisokolwelwe." ⁵ Panuma ya ifi fintu naliloleshe, ne tempele ilyakwete ihema lya bunte lyalisukile mu mulu. ⁶ Ukufuma mwitempele mwalifumine ba malaika cine lubali abaikete ifikuko cine lubali. Balifwele insalu ishisuma, ishakubengeshima ishakubuuta tuutu, elyo ne mishipi sha golide ukushinguluka ififuba fyabo. ⁷ Cimo pafya mweo fine calipele ba malaika cine lubali inweno sha golide ishakwisulamo icipyu cakwa Lesa, uwikalilila umuyayaya no muyayaya. ⁸ Itempele lyaliswilemo ne cushi ukufuma kubukata bwakwa Lesa naku maka yakwe. Takuali nangu umo uwakwingilamo kanofye ifikunka cine lubali ifya bamalaika cine lubali fyapwililika.