¹ kabili nalipelwe itete ukulibomfya kubati cakupiminako. Nalyebelwe ati, ''alamuka na ukupima itempele lya kwa Lesa ne cipailo, nabo abapepelamo. ² Nomba tekwesha ukupima ulubansa lwa kunse ulwe tempele, pantu lwalipelwa ku bena fyalo. bakanyantaula umusumba wa mushilo pa nshinku imyenshi amakumi yane na ibili. ³ Nebo nkapela bakambone babili amaka ya ku sesema pa nshiku 1260, mu nsalu sha masaka." ⁴ Aba bakambone efimuti fibili ifya miolife ne fyakutekapo inyali fibili ifiminine ku cinso cakwa shikulu wa pali cino calo. ⁵ umfwa umuntu afwaya uku basansa, umulilo ukofuma mutunwa twabo nokonaula abalwani babo.Uyo onse uukokabila ukuba sansa alilingile ukufwa muli iyi ine nshila. ⁶ Aba kambone balikwata insambu shakwisala umulu pakweba ati takulipo imfula iyakwisa iyakupona pali ishi inshiku bakosesema.Balikwata na maka yakusangula amenshi umulopa no kuwisha pa calo ifikuko fyonse munshitafye ilyo lyonse bakofwaya. ⁷ Ulo bakapwisha ubunte bwabo,iciswango cikesa ukufuma ku cilindi cakumbo cikabalamuna ulubuli ulwakulwa nabo. Cikaba cimfya no kubepaya ⁸ Imibili yafitumbi fyabo ikalala munshila ya musumba ukalamba ( ulo Ulukoimininako ukwitwa Sodoma na Eguputo) uko Shikulu atanikwe. ⁹ Pantu inshiku shitatu na citika bamo ukufuma mu bantu bonse, imitundu, indimi, ne nko bakalekulolesha pa fitumbi fyabo. Tabakalekusuminisha ukulekubashika munshishi. ¹⁰ Abo abekala pe sonde bakalekwanga pali bena no kusefya. Bakale kutuma ifya bupe kuli cila umo no munakwe pantu aba bakasesema babili balikucusha abo abali kwikala pe sonde. ¹¹ Lelo Panuma yanshiku shitatu na citika umupu wa mweo ukafuma kuli Lesa ukesa kwingila muli bena, kabili bakeminina pa makasa yabo. Umwenso uukalamba ukaponena palyabo ababatamba. ¹² Nomba bakomfwa ishiwi ilikalamba ukufuma ku mulu likotila,"nineni iseni kuno!" kabili bakanina mumulu mwikumbi, ulo abalwani babo bakololekeshako. ¹³ Pali ilya inshita kukesakuba icinkukuma icikalamba, kabili iciputulwa ce kumi ica musumba cikabongolokela panshi. Amakama cine lubili aya bantu bakepaiwa mu cinkukuma, kabili abakapusuka bakekatwa umwenso no kupela ubukata kuli Lesa wa mu mulu. ¹⁴ Akalanda kacibili kapita. Mona! Akalanda kacitatu kakoisa bwangu. ¹⁵ Nomba malaika wakulenga cine lubali uwakulenga cine lubali alishishe ipenga lyakwe ne shiwi ilikalamba ukufuma mu mulu lyalisosele ukweba ati, "Ubufumu bwa mucalo bulisangukile ubufumu bwa kwa Shikulu na Kristu wakwe, kabili akalekuteka umuyayaya umuyayaya." ¹⁶ Nomba abakalamba amakumi yabili na fine, abaikala pa fipuna fyabo ku cinso cakwa Lesa, baliwile ubunkupeme no kulekupepa Lesa. ¹⁷ Bakotila, "Tukopela amatotelo kuli mwebo, mwe Shikulu Lesa wamaka yonse, uyo uulipo kabili uwaliko, pantu mwalipokolola amaka yenu ayakalamba no kutendeka ukuteka. ¹⁸ Inko shalifulilwe, lelo icipyu cobe cilishile .Inshita ilifikile iya bakufwa ukupingulwa na mwebo yobe ukulambula ababomfi bobe bakasesema na bantu bamushilo abakwa Lesa, nabo abali kutiina shina lyobe, bonse abashili bakucindama na babulamba.Inshita ilifikile kuli mwebo iyakonaula abo abakoonaula isonde .'' ¹⁹ Nomba itempele lyakwa Lesa mu mulu lyaliswike ne cipao ca cipangano cakwe cipya balicimwene mukati ke tempele lyakwe. kwati kubyasha kwa tulumba, amabulukuto,ukubyasha kwankuba, icinkukuma, ne mfula yacitalawe iikalamba.