1 "Nei biro inabi yen kullii, Fonnoi a ku doongii. 2 Shii ti for kira ye ti shikno yei ti sheelam, in doklo kira ye ti sheelai longku in moottu yen kpang ka we min shiili biro yen gbe birang. 3 Fuwaa po shuttoma longku paaro ye ne yuwaa ma. 4 Ma deema ti taano, Ne ti taama. Ka ye kira biro te dokro a ta sheelanim bara ye ma ti shik biroi, mai kaa tei, bara mam maa diyo ti taano. 5 Nei biroi, mai fungai. Mo deeni ti taano ne ti taanii, ta sheelani gbe, maa don nem ma ta dum ya wenan dogum. 6 Maa moi diyo ti taanom, ta ving shii ka kira biro in wa issheni, in palli in wa ukkino ti do deet, in kuroro. 7 Ma maa deema ti taano, birang paarono ti ta aama, telo wee ke leka ding, ta yuko we teere. 8 Fonno ti we shokro ti ta we tene, ya ma ta ya shiili gbe in shukilla ya mai an yiu shubetno. 9 Kaa ye Fowi lekano, Ne ma ne leka ma. Ma deema ti ta lewan yene lekanman. 10 Mam maa ti ya shuran ka pegrono, ma ta deema ti ta lewanno, kaa yeno yikka pegrono Fonno nen deeno ti ta lewanni. 11 Ne teka ma we te longku beereno in yoro ti taama kulang beerema in kemoro. 12 Tenei pegrono, nang ma lewo shaayi ka yeno lekan man. 13 A doo mo kan lewan gbo kaa tem- mondok in min kerangni longku me anjereni. 14 Mai me an jereno mam maa yuwaa shuran ka pegrono. 15 Birang ne ta yeema ka shookum, longku shook a peno wee fominani ti yam. Ne yiyaa ma ka anjere, wee ne yaanna ding ti jeleno Fonno ne teka ma. 16 Mai shaknom, pene ne shakama nen liima na ma wa sheelo, sheelan ma in deero. Longku ma maa telaa we ti kirano Fowi ti ta shommono, Shii ta minma. 17 Leyyei pegrono, ma pegro shaayi. 19 20 Ma nyimmo paaro ye no teka ma, 'Shook a yeko fominanim.' Shinui maa minano shilibi, ma maa ta minma shilibi; ma yikka paarono, ta yiu sheema. 21 Ta yuma we te ding longkuno, longku ye a peno mo shunnanom. 22 Moda ne daa wa yun paaro ti shinuiim, daa kan shasshalawum, pene wende a doo po perani ti ta shasshalwim. 23 Mo kuraano kuraa fonno. 24 Moda ne daa yuu wee a doo mo yuwa ti shakkijuim, daa kan shasshalawum, pene wende weya ta shinui in kuroju ne kan Fonno. 25 Pene tene longku kemro wee balili ti ta shoroju,'Shinui kuraano waani.' 26 Mo an pegroi ma wanna- yene ta shuruma ti jeleno Fonno, tenei, shoom yen kulli, mo penna ti taano Fowi- ta jimrono. 27 Ma maa ma jimrono, longku kama ka shaayi ti liyan guni.