¹ Bongo ba ninga tozali ko yikisa mpiko pe ko lendisa bino na kombo ya mokonzi Yesu. Bo boyekolaki na biso lolenge ya kosepelisa Nzambe; nde yango bozali ko landa. Bo koba bango. ² Boyebi mitindo topesaki bino ko wuta na mokonzi Yesu. ³ Jambi mokonzi alingi bo peto na bino, bo boya kindumba, ⁴ moto na moto abatela nzoto na ye peto po na lokumu. ⁵ Bo mikaba na ba posa ya mabe te (lolenge ba yeba yebi Nzambe te). ⁶ Moko te akosa to asala moninga mabe. Pamba te mokonzi a ko pesa etumbu na ba tomboki lolenge to lobaki na bino. ⁷ Nzambe abengaki biso na bosolo te kasi na bopeto. ⁸ Yango wana moto oyo ako boya mateya oyo aboyi pe Nzambe oyo apesaka Molimo Mosantu. ⁹ Pona oyo etali bolingo na bino na bino, ezali na tina te ba teya bino yango, Mokonzi ye meyi ateyaka bino yango. ¹⁰ Longonia po na oyo bozali kosala pona ba ninga ya Macedoinepe bo yika mpiko na kosalaka bango koleka. ¹¹ Bo sepela kovanda na kimia, ko sala misala ya maboko na bino pe ko tala misala na bino moko, bo topesaki mitindo. ¹² Bo sala bongo po ete bo tambola kati na sembo na bo tosi liboso na ba ninga oyo nanu bo ndimeli te pe bo kelela te. ¹³ Ba ninga toyoyi ete bozala na bulu yeke pona ba kufi po ete bozala na mawa makasi te lokola bato oyo ba zangi elikia pona maye na makoya lobi. ¹⁴ Soki to ndimi ete Yesu akufaki pe asekwaki, to ndima pe ete Nzambe akosekwisa pe ba oyo ba kufaki kati na Yesu. ¹⁵ To yebisi bino na mitindo na mokonzi ete baye bazali na bo moyi, bazali kozela bo zongi na mokonzi, ba ko netwama liboso na ba oyo ba kufaki te. ¹⁶ Pamba te mokonzi ye moko ako zonga ko wuta na likolo, ako ganga na mongongo ya anzelu pe kelelo ekobeta, boye ba Klisto bakufa bako sekwa liboso. ¹⁷ Bongo biso ba Klisto toko netwa pona kokutana na Mokonzi na mapata pona libela. ¹⁸ Bolendisa bango bino na nzela na maloba oyo.